عشگ طفولتي

البارت"1"

"ياعزيز سوالفـي الـمَحد عُرفها"

تم النشر
.__________2022/6/20__________.

السلام عليكم شلونكم طبعاً هاي اول قصة اكتبها
قصتنا بيها هواي احداث احداث سعيدة وتغمر گلبنة بالسعادة واحداث حزينة وراح تملي گلبنة حزن

بس وي هاذة كلة تبقة قصة خفيفة وحلوة ولطيفة
صح بالابداية راح تكون القصة مملة واحداثها روتينية

واكو هواي من يقرون القصة ويشوفون بدايتها مملة راح يتركوها واني وحدة منهم ههههه
بس بعدين تعلمت انو ما احكم على الكتاب من غلافة

او من قصتة او من اي شي ضاهري تعلمت ان لازم نتعمق بالشي حتى نشوف جمالة ونتشوق اكثر واكثر بالتعمق بي

والاحداث مال القصة بكل بارت تصير احلا واحلا وخاصة البارتات الاخيرة والقصة *حقيقية+ممزوجة بالقليل من الخيال* والقصة تنروي بالسان البطلة

بالبداية ماردت اكتبها وتردتت گلت ممكن سردي او طريقة كتابتي للقصة راح تكون مو حلوة وتخرب الاحداث لان هاي اول قصة الي

بس بعد تشجيع من البطلة وگالت اني متأگدة راح تجيب مشاهدات وتصويتات هواي فـ قررت اكتبها واني كلي أمل انو القصة راح تنشهر وتجيب مشاهدات هواية

واعرف طولت عليكم هههه يلا خل نبدي بقصتنة الجميلة
.
.
.

ويلا اسلم القلم بيد بطلتنة الحلوة منار تروي قصتها 
تبدي احداث القصة

بداية 2018

منار/ مرحبا شلونكم خل نختصر هههه واعرفكم على نفسي اني اسمي منار عمري 18 ادرس خامس ادبي وطايح حضي نبدي بملامحي ملامحي كلش هادئة وحلوة

يعني مثلي مثل اي بنية حلوة وطبعا بنوتاتنة كلهن حلوات ماكو بنية مو حلوة كل وحدة حلوة بشي مميز بيها وخاص بيها الها ماكو هاي حلوة وهاي لا

المهم طولت عليكم هاذة مو مو مضوعنة صحيح ملامحي هادئة بس الشي اليميزني عيوني السود الكبار وطبعا ورثت هاذة الشي من امي والشي الثاني المميز بية وكلش احبة شعري الطويل

كلش احبة وماما هم دائما جانت تگلي لاتگصي يماما حلات البنية بشعرها بس مو شرط اكو بنات حلو عليهن الشعر الطويل ويحبنة واكو بنات لا يفضلن الشعر القصير لان يبرز ملامحهن

اني طولي "155" وهم متوارثة هاذة الشي من امي واتخبل من واحد يصيح قزمة ترا طويلة والله هههه  اني امي من بغداد وابوي من الناصرية جان بابا يدرس ابغداد وشاف ماما هناك ونعجب بيها وخطبها صحيح بالبداية

جدو ماوافق لان جانت صغيرة وجدو يموت على ماما وهم ماحب تبتعد عنه وتسكن بالناصرية بس بابا لح وخطبها كم مرا من ايس جدو يلا اطاهيا هههه