عشگ طفولتي

البارت "8" من الجزء الثاني

لحد الآن من اتذكرك بليل
اتلمس عيوني الگاها ماهية
وانه العايفك وانه المچلب بيك
وانه الكلشي بيه وكلشي مابيه!

.________"الجمعة"_________.

احس كلامة مثل السهم ونبت بنص گلبي
گلبي يريد يلتفتلة ويمشي يذب روحه بحضنة وعقلي مايقبل يتلفت يريد يكمل طريقة تهت مابين گلبي وعقلي بس مو هاي المرة يگلبي اعذرني

اخذت نفس طويلل كلش وزفرتة بتعب
منار/صعبة ماگدر ارجعلك بهالسهولة هاي

مشيت وقررت اكسر گلبي وامشي وي عقلي كملت طريقي بدون ما التفت صحيح راح اتندم لان قررت اكمل طريقي بدونه بس هاذة الاحسن النة ثنينة

دخلت جوة واحس محتاجة احد اشكيلة ابچيلة اضم نفسي بحضنة اريد احچيلة عن كلشي عن مشاعري عن گلبي المكسور عن الدموعي المانشفت طول هاي 3 سنوات

وي مادخلت صارت أيات بوجهي باوعتلي وباوعت للباب وراي اتنهدت وجرتني من ايدي وگعدتني عالدرج جان محد موجود كلهم بغرفهم نايمين

دارت وجهي عليها
أيات/شصار

باوعتلها بعيون ذبلهن التعب
منار/ماصار شي

أيات/شنو ماصار شي مارجعتو

مسحت الدمعة الوگعت من عيني
منار/مو بهاي السهولة يا أيوتة

أيات/ليش تحبين تعبين روحج وتعبي وياج

منار/مو بيدي صعبة ارجعلة بعد كلشي صار

أيات/جان مجبور

منار/حتى لو مجبور ماراح يتغير شي راح تبقى الحقيقة هية عافني وراح تزوجج

أيات/يعني ماتردينة بعد

منار/شلون ما اريدة وروحي بي

أيات/يعني راح تنسي

منار/اني 3 سنوات مرن ومانسيتة ترديني انساة هسة

أيات/چا شنو

منار/حتى اني مادري

أيات/منار علي مو ذاك علي القديم علي بفراگج تبهذل

اباوعلها ساكتة مابيدي شي وماگدر احجي شي

أيات/منار رجعيلة ورجعيلنة اخوي القديم اليضحك للهوا رجعيلنة اخوي اليهتم بروحة بصحتة بأكلة ولج يومم يوم كامل يمر هوة يمكن وجبة وحدة ماكل وهم بلگوة بالتواسيل مال امي

منار/ماگدر

أيات/منار اخوي تعب ماتحسين عمرة 27 عبالك عمرة 60 ولج ذاگ اليوم اشوفة اجة مثل الطفل ونام بحضن امي ولج يبچي ويشكيلها تدرين شيگلها

/يمة رجعولياها
يمة تعبت
يمة انه بدونها كلشي ما اسوى
يمة اريدها اريد روحي جيبوها
يمة اعشگها هية كلشي بدنيتي
يمة هية النفس الاتنفسة
يمة ماعرف انام اذا ما ابوس عيونها
يمة ليش ضيعتوها من ايدي
يمة ليش جبرتوني اتزوج غيرها
يمة ماتحمل بعد راحن 3 سنين من عدنة ماريد اضيع اكثر