انتقام الضابطة الشيطانة

البارت الرابع

ليا : كعدت ع صوت المنبة الساعة 4:00 الصبح كمت من الجرباية ودخلت للحمام اخذت شاور وطلعت جففت شعري وسويته ذيل حصان عالي  ولبست الزي ونزلت علي ولين بعدهم نايمين بس الخدم كاعدين نزلت وكالت ماري

ماري : صباح الخير مدام الاكل جاهز

ليا: تمام انصرفي رحت تريكت وكملت وطلعت للمركز لان علمود احل قضايا كومةةة عندي اخذت سويج سياره وطلعت وصلت للمركز والجنود طكولي تحية وكعدت ع المكتب مالتي وصحت عباسسسس بصوت عالي ورة شوية اجة

عباس ( بخوف ) : نعم سيدي تفضل محتاج شي

ليا : جيبلي كل ملفات القضايا اريد احلهن بسرعة خمس دقايق الكاك بوجهي بسرعة

عباس : حاضر سيدي محتاج شي بعد

ليا : كوب قهوه ساده وانصراف

عباس : طكيت تحية وطلعت وأخذت نفس خرب تخوف غير كلبي راد يطلع من مكانه من وره عصبيته وجهه صاير احمر وعيونه هم

علي : كعدت ساعة 7:00 وبدلت وتريكت بسرعة وشفت لين هسة كاعده كتله صباح الخير ياحلوه

لين: صباح النور كلبي لعد وين ليا

علي : مادري اوكفي وصحت ماري

ماري : نعم استاذ علي محتاج شي

علي : وين ليا شو ماكو

ماري : مدام ليا طلعت من ساعة 4:00 ذهبت إلى المركز

علي : تمام انصرفي وطلعت بسرعة واني رحت للمستشفى ماشفت اكو حالات جديده رحت للطوارئ شفت الأطفال اطمئنيت عليهم وبعدين اتصل علية رقم غريب جاوبت ألوو نعم

صاحب الرقم الغريب : سلام عليكم وليدي شلونك انتة علي

علي : وعليكم السلام تفضل نعم

صاحب الرقم الغريب : بوية آني عمك محسن شلونك وليدي شخبارك اخواتك شلونهم

علي ( بفرح ) : هلاوو عمي بخير الحمدالله وانته شلونكم عمامي وعمتي والولد شلونهم

العم محسن : كولهم بخير يسلمون عليك بوية علي آني حبيت اعزمك على خطوبة حسن ابني اتمنى تكون حاضرين انته وليا ولين روحي مفرفحه عليكم اريد اشوفكم قبل لا اموت

علي : اسم الله عليك عمو حبيبي ان شالله باجر نجي للعراق

العم محسن ( بفرح ) : هلا بيك عمي يلة آني اترخص لان عندي شغل

علي : الله وياك عمي وسديت الاتصال وكملت ورجعت للبيت ولكيت ليا هسة راجعه وكتلة سلام عليكم

ليا : خلصت قضايا  ورحت للبيت وشفت علي وكال سلام عليكم  وكتله وعليكم السلام شلونك

علي : بخير الحمدالله اكولج احنه باجر لازم نرجع للعراق

ليا ( بهدوء ) : ليش

علي : عمي محسن عازمنه على خطوبة حسن ابنه كال اريد اشوفكم

ليا : ماشي راح نروح وخابرت حجزوا  3 تذاكر للعراق وحضرو ملابسكم باليل نطلع

علي : ماشي راح اخابر عمي وانتي كولي لين

ليا : ماشي رحت ع ماري كتله تحضر جنطتي وعلي ولين كذالك

ماري : حاضر مدام

علي : خابرت عمي وكلتله احنه جاين كال هلا بيكم وليدي

شاهين : آني كاعد بالبيت لان اخذت اجازه تعبان جان يكولي ابوي

ابو شاهين : بوية ولد عمك راح  يجون على خطوبة حسن مت أمريكا اليوم باليل يطلعون

شاهين :  هلابيهم بوية ضليت افكر هسة ليا شلون صارت وين وصلت

ابو شاهين: بوية شاهين اريد تحضر كلشي من ذبايح وغرف الهم 3 غرف وأريد بس غرفة ليا عازلة للصوت

شاهين ( بستغراب ) : ليش بوية عازلة للصوت

ابو شاهين: ماعرف وليدي بس علي كال هيج

شاهين : الله كريم يلة آني اترخص

ابو شاهين: مرخوص وليدي

ليا : طلعنه آني وعلي وليا بسيارتنا وتوجهنه للمطار وطلعنه للعراق وبعد مده وصلنه للعراق اوفيش ياريحه اهلنه وكلبه رفرف لان اتذكرت اهلهه و

علي : سلام عليكم عمي احنه بالمطار

ابو شاهين ( بفرح ) : ايي بعد عمك اجينه آني والولد بالطريق

شاهين : طلعنه حتى نستقبلهم واشوف ابوي حضن ولد عرفت هذا علي وسلمنه علية وبعد اجتي لين ماشالله كبرانه شلونج بوية لين

لين : بخير ابن عمي انته شلونك

شاهين بخير الحمدالله

ابو شاهين: بوية علي لعد وين ليا

علي : عمي هسة تجي هاا هاي اجتي

شاهين: رفعت راسي بنية اية مال جمال تخبل اللهم صلي على محمد وآل محمد وصلت سلمت على ابوية وبعدين اجت يمي وكالت

ليا : وصلت للمطار وشوية ولكيت علي ولين يم عمي محسن ولد يجوز شاهين بس هذا شصاير يخبل اوو شنوو ليا شكاعد تحجين سلمت على عمي وبعدين وصلت يم شاهين وكلتله سلام عليكم ومديت ايدي

شاهين : وعليكم السلام ومديت ايدي وأيدهه ترفه وناعمه

ليا : من بعد السلام وهاي صعدو سياراتهم واحنه هم صعدنا كل واحد سيارته ورحنه للبيت اول ماوصلنه ونزلت ذبحو 6 ذبايح جوه رجلينه لين خافت لان بعده صغيره بس آني لا لان آني شايفة دم وماره بمواقف اصعب من هذا  ودخلت للبيت وكبت الهلاهل  واجتي مرت عمي محسن وسلمت علية  واجتي عمتي مها حنونه كلش احبة وضلت تباوع علينه واجو تركض

العمه مها ( بجي ) : يمة اويلي عليكم ولد الغالي واشم بيهم وابجي واحضنهم كلهم اووفف يايمة شكد اشتاقيتلكم لين حبيبي شلونج انتي وليا

لين :  بخير الحمدالله عمتي

ليا : تمام الحمدلله ودخلنه جوه وكعدنه

سلام عليكم شلونكم حبايبي اسفه لان تأخرت بس تدرون طالبة سادس وماكدر اعذروني ع التأخير وشفت قليل تفاعلكم وضجت بس شسوي نزلت بارت الخاطركم سيووو