اسرتنى بجنونها
البارت الثاني
عند تميم و ماجد وصلو الشركه قبل البنات و كل واحد راح لمكتبه
عند تميم القى تحيه الصباح على السكرتيره
تميم : صباح الخير يا عايده
عايده : صباح النور مستر تميم
تميم : هاتيلى قهوتى وجدول المواعيد
عايده : تمم ي فندم
تميم دخل وعايده راحت جابت لى القهوه ودخلت ومعاها جدول المواعيد حطت القهوه على المكتب وقالت ليه على مواعيده وهى خارجه تميم وقفها
تميم : عايده
عايده : نعم
تميم : ابعتيلى بشمهندسه تمارا لما تيجى
عايده : بس ي فندم هى مش .......
تميم : لاء ماهى خلصت المشروع اللى كانت مسكاه وماخدتش اجازه
عايده : تمارا ماخدتش اجازه غريبه اكيد مش حضرتك اللى قولتلها تيجي الشركه انهارده
تميم: هههههه فعلا انا قولت لكارمه هى اللى تقولها
عايده : الله يرحمك ي كوكو كنتى طيبه ي حببتى
تميم: هى ممكن تعمل فيها حاجه دى مجنونه اما اتطمن على البت
عايده : طب انا بره لو احتجت حاجه وطلعت
اما تميم اتصل على كارمه
اما عند البنات كانو في العربيه كانت كارمه هى اللى سايقه عشان تيما كانت بتنام وهتعمل بيهم حادثه رن الموبايل بتاعها اللى كان مع تيما
تمارا بانزعاج : ردى على الزفت بتاعك دا صوتوا مزعج
كارمه : ردى انتى انا سايقه
تمارا فتحت من غير م تشوف الاسم وفتحت الاسبيكر شان كارمه تسمع اللى بيتكلم
تميم بسرعه اول م الخط اتفتح : كارمه انتى كويسه تمارا عملتلك حاجه انا عارف انها مجنونه ممكن تعملك حاجه طمينينى عليك انتى مش بتردى ليه
تمارا اتصدمت من الكلام اللى اتقال دلوقتى عليها اما
كارمه بقت ميته على نفسها من الضحك على تميم وعلى شكل تمارا المصدوم
تمارا فاقت من الصدمه وقالت : بقى انا مجنونه ي تميم طب وربى اللى خلقنى وخلقك لما اجيلك هوريك الجنون على اصوله وبصت على كارمه وانتى يزفته اخرسى بتضحكى على اى ركزى ف السواقه يختى عشان منموتش
تميم باستغراب : تمارا ....وبص على الموبايل بتاعوا يتاكد من الاسم وبعدين قال :هو مش دا تلفون كارمه
تمارا بغيظ : اه هو تلفون زفته
تميم: طب هى فين ..... ثم قال بفزع : اوعى تكونى عملتى فيها حاجه انا .....
قاطعته تمارا : انا عارفك مجنونه وتعمليها خلاص ي استاذ تميم حفظنا وبعدين هو انت مش سامع صوت ضحكها اللى واصل لى امريكا دا ولا اى
تميم : اى دا صح معلش من قلقى ماخدتش بالى قوللها توطى صوتها دا عشان مزعلهاش
تمارا بملل : هى سمعاك اهى
كارمه بغيظ : علفكره انا صوتى مش عالى ماشى
تميم : الكلام يتسمع وياريت متضحكيش برا البيت
كارمه : وانت مالك انت اضحك ولا ما اضحكش
تميم بغضب و صوت حاد : كارمه
كارمه بخوف : خلاص مش هضحك تانى لا بره ولا جوه
تميم: انا اسف ي كارمه مكنش قصدى اعلى صوتى عليكى
كارمه اللى الدموع كانت ف عيونها كانت لسه هترد قاطعتها تمارا بملل : خلاص ي روميو و جولييت انت وهى دا اى دا بس يربى سلام يبشمهندس احنا وصلنا اصلا وقامت قفله
كارمه بغيظ منها : دا انتى فصيله كنتى سبيه يصالحنى
تمارا : يلا يبت من هنا بلا وجع بطن ابو محنكوا مدام متنيلين على بعض وبتحبوا بعض ليييه جو العشق الممنوع اللى انتوا فيه دا
كارمه : تمارا انتى عارفه ان هو ميعرفش انى بحبوا لانى مش ببين دا قداموا لان حرام اقوله وهو مش جوزى و حلالى
تمارا : عارفه يحببتى ربنا يجمعكوا ف حلاله ان شاء الله
كارمه بهيام : ي رب هيييح
تمارا قامت جايه خبطها على دماغها وقامت نزله
كارمه وهى حاطه ايدها مكان الضربه : اه ي كلب البحر لينا شقه ي حيوانه تجمعنا ونزلت هى كمان من العربيه
مشيوا مع بعض ودخلوا الشركه وكانت تمارا على وشها بسمة شر
كارمه شفتها قالت : ربنا يرحمك يا حبيبي كنت طيب وبتحبنى
تمارا : بس يبت انتى اسكتى
كارمه : حاضر بس هما بيبصولك كدا ليه ي تيما
تمارا : مش عارفه
واحده من الموظفين : بشمهندسه تمارا
تمارا : نعم
الموظفه : بشمهنس تميم مستنيكى قال اول متيجى تروحى على مكتبوا
تمارا : هو قال كدا
الموظفه بريبه من شكل تمارا: ا اه هو باعت مع السكرتيره كدا
تمارا : ماشى انا رايحه ليه اهو
كارما : تمارا انتى ناويه على اى مكنتش مره ماخديش فيها اجازه يعنى اهدى مش كدا
تمارا ببراءه : ف اى انتى خايفه عليه منى عيب عليكى دا هيبقى زوج اختى حتى
كارمه : تمارا بطلى جنان الله يخليكى
تمارا : انتى لسه شوفتى جنان انتى و هو يلا عشان تكونى شاهده على الجريمه
اسرتنى بجنونها
البارت الثاني
عند تميم و ماجد وصلو الشركه قبل البنات و كل واحد راح لمكتبه
انتظرونى ف البارت الثالث
هو صغير بس معلش داخل عليا برد والله ادعولى
دمتم بخير وعافية 🤍
