Unicode :
"ပရိတ်သတ်များ အားလုံး မင်္ဂလာပါရှင်။
အားလုံးသိချင်နေကြတဲ့ ရလဒ်ဟာ
မကြာခင်ချိန်မှာ ထွက်ပေါ်လာပါတော့မယ်ရှင်။
ဟုတ်ကဲ့ပါ အားလုံးစောင့်မျှော်နေကြတဲ့
ဩစတေးလျနိုင်ငံက လေ့ကျင့်သင်ကြားပေးမယ့်
ရေခဲစကိတ်အသင်းကို သွားရောက်ခွင့်ရတဲ့သူကတော့..."မိုက်ခ်ကတစ်ဆင့် ထွက်ပေါ်လာတဲ့အသံဟာ
ပရိတ်သတ်များကို စိတ်လှုပ်ရှားစေသည်။"အားလုံးထင်တဲ့အတိုင်း...
ပြိုင်ပွဲဝင် ပတ်ခ်ဆောင်ဟွန်းဖြစ်ပါတယ်ရှင့်!!!"အစီစဉ်တင်ဆက်သူရဲ့ စကားသံအဆုံး
ပရိတ်သတ်များရဲ့ လက်ခုပ်သံများကအပြည့်။"ဟုတ်ကဲ့ ဂုဏ်ယူပါတယ် ပတ်ခ်ဆောင်ဟွန်းရှင့်"
ပရိတ်သတ်များကိုရော အစီစဉ်တင်ဆက်သူများကိုရော
ဒိုင်လူကြီးများကိုပါ သူ့မူပိုင် အပြုံးလေးနဲ့
နေရာမှထပြီး နှုတ်ဆက်လိုက်သည်။ငယ်စဉ်တည်းက ကိုယ့်ကိုကိုယ်ယုံကြည်မှုအပြည့်ရှိတဲ့ ပတ်ဆောင်ဟွန်းကတော့ ထိုရလဒ်အပေါ်
နည်းနည်းလေးမျှ မအံ့ဩခဲ့။သူအကောင်းဆုံး ပြိုင်ပွဲဝင်ခဲ့တာ သူအသိဆုံးမလား။
သူ့ကံကြမ္မာအလှည့်အပြောင်းက
ထိုပြိုင်ပွဲမှ အစပြုခဲ့တာဖြစ်မည်။~~~~~~~~~~
"ဘယ်နေ့သွားရမှာတဲ့လဲ နည်းပြ"
ဆောင်ဟွန်းကို ဂုဏ်ပြုစကားဆိုလာတဲ့
နည်းပြကို မေးတဲ့ ပထမဆုံးမေးခွန်း။"မကြာတော့ဘူး ဆောင်ဟွန်း။
သဘက်ခါပဲ သွားရမယ်"နည်းပြစကားကြောင့် အနည်းငယ်တော့
ရင်မောသွားရပြန်သည်။ပုံမှန်ဆို နည်းပြမလိုက်ရတာလည်း အဆင်ပြေပေမယ့် ဟင်း...နိုင်ငံအသစ်မှာဆိုတော့ သူတစ်ယောက်တည်း
အဆင်ပြေပါ့မလားလို့ပေါ့။"စိတ်မပူပါနဲ့ မင်းက ဘယ်နေရာရောက်ရောက်
အကောင်းဆုံးတွေပဲ လုပ်တဲ့သူမလား။
တစ်လဆိုတဲ့အချိန်က ခနလေးပါပဲ"နည်းပြပြောတာလည်းဟုတ်သည်။
အချိန်က တစ်လ လေးပဲ။"ဆရာ့ကို အမြဲဂုဏ်ယူရစေလို့
ကျေးဇူးတင်ပါတယ် ဆောင်ဟွန်းနား"