روحي مع الله🥰🌺{ اسكربتات،،}

اسكربيت اليوم ي حورياتي 🥺♥️

السلام عليكم
لا تدع القراءة أو أي شيء يلهيك عن الصلاة
صلي على الحبيب المصطفى
سبحان الله وبحمده..... سبحان الله العظيم

اسكريبت انهارده حاجه خفيفه كده
أنا بقي اسمي رقيه ، زي أي بنت بتحلم تحفظ القران وتكون صُحبه صالحه ، انا كان عندي 10سنين يوم ما اهلي خلاص قرروا يحفظوني القران ، روحت درس القران وقدرت أختم القران بالترتيل وانا عندي 19 سنه ودخلت مسابقات كتير اوي منهم شيخ الازهر ومسابقه اقرأ وهكذا بقي ...

اتخطبت لشخص مُلتزم نوعاً ما ، انا بصراحه كان يكفيني انه بيصلي الفجر في وقته ، التزمنا بضوابط الخطوبه ، هو كان ع قدر من الجمال بس انا كنت عاديه ، وهو كان يقولي أنا جيت لدينك يا رقيه  ، كنت دايما بمشي باصه في الارض لان غض البصر كان صعب نوعا ما كنت بروح درس القران واجي البيت اقعد احفظ واروح كليتي وارجع اذاكر كان محمود بيكلمني دايما يطمن عليا وكنت بكلمه قدام اهلي ،، محمود كان هو صحبتي الصالحه عشان كده متتخطبوش لاي حد وخلاص

اهلي مش اللي هما مُلتزمين اوي دول لادول ناس عاديه جدا اتجوزنا انا ومحمود  يوم الفرح أصروا اني معملش فرح اسلامي وعملنا فرح عادي ، اغاني ! موسيقي ! اختلاط !

هددونا انهم ميحضروش فرحنا ؛ طنشنا وقولنا مش مهم بس والدي تعب جامد قبل فرحي بإسبوعين امي ضغطت عليا ان احنا نعمل فرح عادي ( فرح مختلط ) كان في نظرهم ان دا هو اللي هيفرح بابا ، عملنا الفرح مقعدناش ساعه علي بعض ومحمود خدني ونزل ....

اول ما دخلت شقتنا مسكت فستاني وقعدت في جمب علي كرسي لوحدي اعيط ، محمود.جه ومسك أيدي وكان اول مره في حياتي يمسك أيدي لان كتب الكتاب كان قبل الفرح بيوم حسيت بنفضه في قلبي ...

قالي : بتعيطي ليه

- خايفه من ربنا .. اول ليله في حياتنا بدأتها بغض ربنا علينا

- مش انا اللي هعلمك دينك يا رقيه ، دا انتي حافظه القران وعارفه انه غفور رحيم

- غفور رحيم بس شديد العقاب يا محمود،

-  هو مش قال استغفروني اغفر لكم !

- هي دي ليله العمر !

- هي مش ليله العمر ولا دا فرحنا عارفه امتي يكون فرح؟ لما نجيب اول طفل يربط اسمي بإسمك في شهاده واحده لما نجيب حته مننا ، هو دا الفرح اللي بجد

- توعدني تفضل معايا علطول ؟

- اوعدك هفضل طول ما انا عايش

- مرت ايام ؛و شهور ،و سنه ! واتنين ! ولسه مش خلفت طفل خالص ، كانت امه بتقوله يتجوز ، وهو كان يقولها حياتي مع رقيه مفيش شخص ثالث يدخل فيها ، انتِ امي اه وعلي راسي بس اي حاجه تربطني ب رقيه تخصني انا وهي بس  وعلي فكره اللي بتقولي عليها مبتخلفش دي ذات دين بجد وانا مستحيل ألاقي زيها دلوقت ،،