"روايه وتميل القلوب "❤️🔥
"البارت الرابع -٤- "
.........................................................
زين كان قاعد يشاهد Tv
جاتوا مكالمه
زين:الو
...:تعال مكان ***بسرعه
زين بقلق:ليه
...:تعال وانت هتعرف
اسرع زين الي المكان وكانت الصدمه كبيره
كانت شهد عباره عن جثه مرميه علي الأرض محوطها الدم من كل حته وكانت بتنزف من كل حته في جسمها
اسرع زين ليها وقعد يضربها بخفه علي وجهها
زين بحسره وحزن:شهد شهد اصحي يا حبيبتي مين عمل فيكي كدا شهد شهددددد اصحي اضربي فيا اصحي زعقي اصحي اعملي حاجه بس بلاش الحاله اللي انتي فيها دي يارب انا مليش حد غيرها ياااارب
...:احنا معرفناش نعمل حاجه العربيه مشت علطول
زين وهو يبكي اه يبكي أنها أخته يا ساده:ايه اللي حصل
انا كنت قاعد هنا انا وولادي لقيت عربيه بيتحدف منها حاجه وجرت تاني روحت اشوف ويارتني ما شوفت لقيت تليفونها جنبها وجبت آخر رقم ورنيت عليه ،انا ابني راح يجيب الإسعاف ربنا يصبرك يارب
زين :يصبرني علي ايه ولا اي ولا اي انا حياتي مدمره ومعدش ليا حد في الدنيا دي
...:انت مؤمن يا ابني استغفر ربنا كدا
واه كان في ورقه جنب الفون فيها كلام
خدها زين وكان مكتوب" اذيك يا كيس جوافه اختك كانت مقدايها مع كل واحد شويه ومش هتعرف انا مين لو عاوز تعرف تبقا رن علي الرقم دا بكرا زي دلوقتي "
زين: عااااااااااااا حسبي الله ونعم الوكيل يارب يارب خليك معايا وصبرني علي فراق كل الناس الغاليين يارب
ثم جات الإسعاف وتمت الجنازه وزين في قمه الحزن
زين يحدث نفسه ويقول:هل ممكن يكون فهد بس فهد يعرف شهد منين أو يعرفني منين انا مش هسكت علي الموضوع دا وفيها رقبتك يا فهد بس أعرف طريقك بس
ريتال طبعا عرفت بالموضوع وانتشر الخبر في البلد كلها الصبح كان مخطوف ٨ بنات ودلوقتي بنت بس قدام عيونا وهل بيتعمل في البنات اللي بتتخطف كدا بردو وايه اي..
ريتال: السلام عليكم
زين: وعليكم السلام مين
ريتال:انت الاستاذ زين اخوا الانسه شهد الله يرحمها
زين: ايوه انتي مين
ريتال:انا الصحفيه ريتال جايه اعمل مع حضرتك مقابله
زين:معلش انا اسف مش هعمل
ريتال:طب انت تحت التهديد أو كان في حد مهددك او تعرف مين اللي عمل كدا
زين:معرفش معرفششششش وسبوني في حالي لو سمحت
ريتال:تمام انا مقدره اللي انت فيه
ومشت ريتال
ثم اتصلت على أصدقائها
ريتال:الو يا جودي انتي كويسه
جودي: ايوه يا حبيبتي كويسه في ايه
ريتال:لا بطمن عليكي بس بصي النهارده بليل هنتقابل عند البحر نقعد شويه
جودي:هقول لأحمد خطيبي كدا
ريتال:يادي احمد ونيله
جودي:اعمل ايه بس انا لو خرجت من غير ما اقول لأحمد بيقول لبابا وبابا بيطين عيشتي
ريتال:خلاص يا حبيبتي قولي كدا وتبقي عرفيني علي ما ارن علي البت أريج
جودي:خلاص تمام سلام
ريتال:الووو
أريج بنوم:الو مين
ريتال:مين مين يا روح امك البلد بايظه وفيها خطف وقتل وانتي نايمه في العسل قومي يا جزمه من علي السرير اللي هولع فيه دا
أريج:ايه يا مرات ابويا مش كدا قولت انام شويه ولا أصيع في الشوارع وتسمعوا خبر موتي
ريتال:يا ستي بعيد الشر متقوليش كدا
اله قولي
أريج:ها
ريتال:فين طنط شيماء
أريج:في المطبخ أهي
ريتال:طب قولي لشوشو أن انا جايه اتعشا عندكم النهارده خليها تجهز المحشي
أريج:خاربه بيتنا كدهو حاضر يختي هنستناكي
ريتال:خليكي عارفه أننا هنخرج بعد ما اشبع من عندك
أريج بزعيق :مااااااشي هتسبيني بقا في ام اليوم اللي مش طالع ليه شمس دا
ريتال:سلام يختي
ام أريج:مالك يا بت بتزعقي ليه
أريج:الست ريتال عازمه نفسها النهارده علي محشي من أيد الست شوشو
ام أريج:احلي محشي هيتعمل النهارده علشان خاطرها
أريج:ايوه ايوه وانا لو قولت ليكي حاجه
أخ اصل تعبانه أخ اصل هموت أخ اصل ورايا مشوار 😂اه من مزاج الأمهات
ام اريج:طب قومي يا حيلاتها روقي الأوضه أو الشارع اللي نايمه فيه دا
(وبقول للناس اللي بتقرء بردو😂)
.....................................
عند آدم
كان دايما بيفكر مين قال لجلال أنه بيشرب مخدرات وازاي ساب شغلوا بالسهولة دي وبيفكر ازاي ينتقم من اللي كان السبب
جالوا إتصال
آدم:الوو
..:اذيك الأول
آدم:تمام مين معايا
..:هتعرف بعدين بس اكيد نفسك تعرف مين السبب في وقف حالك دلوقتي
آدم:مين معايا بضبط لا شكرا مش عاوز اعرف ومتتصلش علي الرقم دا تاني
ثم قفل
الطرف ١: ازاي قفل كدا
الفهد:هيرن تاني متخفش
الطرف ١:انا مستني اهو
..........................
في بيت أريج
ريتال:سلامعليكوووووووووووو جعاااااانه يا أهل البيت
ام اريج واريج:😳😳
ريتال:ايه يا جماعه مالكم
ام اريج:احم لا يا حبيبتي مفيش تعالي اقعدي وانا أجهز الأكل بس أهم حاجه تقعدي ها متجيش ورايا انا لسه متسوقه امبارح مش هتسوق مرتين في الاسبوع
ريتال:مش عارفه دايما واخدين عني فكره وحشه ليه
أريج:وياريتك بتكلي وبيبان عليكي لا خالص دا منظر واحده عندها٢٣ سنه ووزنها ٥١ كيلو
ريتال:احسن من ناس عندها ٢١ سنه ووزنها ٦٠ كيلو
أريج:يا معضمه يا مسلوعه
ريتال: اناااااااا ،طب راعي حتي فرق السن اللي بناااااا
أريج:اراعي مين بس حرام عليكي
ام اريج:بااااااااااااااااس كفايه، ايه ناقر ونقير كل ما تشوفوا بعض شكل شكل
ريتال:بنتك اللي بدأت الأول
أريج:اناااا حقا يا ماما مش هي اللي دايما بتبدأ الأول
ام اريج:والله يا ولاد الجزمه لو مسكتوش لهترضكم برا ولا حد واكل النهارده
ريتال:لا وعلي ايه يا طنط شوشو متعصبيش نفسك بس أهم حاجه ،وانتي بتبقي حلوه كدا وانتي متعصبه
ام اريج:يا بكاشه
ثم أكلوا
أريج:قوميي قوميي بطلي أكل بتاكلي كأنك مأكلتيش من سنه
ريتال والأكل يلعب في فمها:ايه مكملش أكلي يعنييي
أريج:زمان جودي قاعده لوحدها هناك علي البحر
ريتال بغباء:اه اه جودي والله نسيت
أريج:ليكي حق تنسي ما انتي شغاله أكل أكل
ريتال بزعل مصتنع:يا شيخه منك لله من أول ما جيت وانتي مش سيباني في حالي بطني هتوجعنيييي
أريج بضحك:مش بيحوق فيكي حاجه
وأخيراً البنات نزلوا من بيت أريج وراحوا عند البحر
أريج:جووودي أخيرا خرجتي والله مكنت مصدقه
جودي:اعمل ايه بس
ريتال:بقيتي كئيبه اوي في نفسك فين جودي بتاعت زمان اللي بتضحك علطول وتهزر
جودي:هترجع أن شاء الله قريب
أريج:البحر حلو اوي
ريتال: فعلاً
جودي:حاسه أننا في مسلسل كدا ،تعرفوا يا بنات احلي حاجه ايه
ريتال واريج:ايه
جودي: أننا دايما مع بعض ومش بنفارق بعض أبدا ومش هاممنا سن بعض إذا حد فينا كبير ولا صغير ناس كتير اوي بتحسدنا علي صدقتنا دي بجد ربنا يديمكم ليا دايما سند
ريتال:يارب يا حبيبتي ويسعدك دايما
أريج:سوف ابكي يا شباب
وقاعدوا يضحكوا
وفاجأه
ريتال أريج جودي:عععاااااااااااااااااااااااااا
يتبع..............
رئيكم يهمني والله قولوا رئيكم بصراحه
*توقعتكم
*حبتوها بجد الروايه ولا عادي
*عاوزين حاجه أضيفها في الروايه
*هل في أخطاء إملائيه ..؟
*بحبكم في الله 🥺❤️
Roka ❤️✨
أنت تقرأ
وتميل القلوب ❤️🔥
Novela Juvenilالرواية بتتكلم عن ٣ شباب هما ابطال الروايه خطف بنات__ عشق__ إدمان__الخ
