خلود : لأ يابابا مش موافقه عليه...
الاب : ليه يابنتي مش موافقه الشاب كويس ومحترم ومتعلم وهيحافظ عليكي...
خلود بعصبيه : لأ يابابا مش موافقه عليه انا لسه ورايا جامعه مش فاضيه للكلام الفارغ ده....
الاب : ياحبيبتي انتوا بس هتتخطبوا لحد ما تخلصي جامعتك وشاب كويس ومقدر حالتك
دي.....
خلود : يابابا ياحبيبي الخطوبة دي مكالمات وتعارف وكده وانا مش فاضيه انا وريا مذاكره وكلية وحاجات دي هتعطلني.....
الاب : انا عارف كده بس هو شاب كويس مش من نوع ده ومتدين وعارف ربنا ومش هيتخطي حدوده معاكي ...... بتفكير... بصي اي رأيك تقابليه وتكلميه ولو عجبك نكمل لومعكجبكيش يبقى كل شئ قسمه
ونصيب...
خلود بتعب : يابابا انا مقدره كلامك ده وفهماه بس انا والله رافضه الموضوع ده ومش حطاه فـِ دماغي انا مش عايزه اتجوز دلوقتي......
الاب بنفاذ صبر : انتي شكل تفاهم مش نافع معاكي انتي هتقابليه وهتتكلمي معاه وتبقى بعد كده
تقرري فاهمه...... سابها وخرج برا البيت....
خلود بغيظ : مش عيزاه هو بالعافية اي ده
الام : انا مردتش اتكلم عشان كنت فاكره ان ابوكي
هيعرف يقنعك هاا قوليلي مالك مش موافقه
ليه مش معقوله السبب لانتي قولتيه......
خلود بذهول : اي هو الي مش معقول ياماما اني مش بفكر فـِ الجواز دلوقتي وبفكر فـِ مستقبلي
هو ده غلط.....
الام بهدوء : لأ مش غلط بس انا حاسه فـِ سبب
تاني غير لقولتيه لابوكي.... الام بتفكير..... خلود
هو فـِ شخص فـِ حياتك عشان كده رافضه العريس
الي ابوكي جايبه....
خلود بسرعه : لأ ياماما مفيش شخص فـِ حياتي انتوا ربتوني كويس ياماما وانا مستحيل اضيع تربيتكم
واكسر ثقتكم فيا بالطريقة دي.....
الام بتنهيدة : طالما يابنتي مفيش شخص فـِ حياتك
رافضه ليه العريس لابوكي جايبه ده شاب محترم ومتعلم وهيحافظ عليكي ده كمان الحارة كلها بتحلف بـِ أخلاقه انتي ليه رافضه..........
خلود بإنزعاج : ياماما مش عاجبني....
الام بانتباه : اي هو الي مش عاجبك...
خلود : شكله مش حلو ومش بيعرف يلبس وانا الصراحه مش هقبل ان اي حد يتريق عليا وعلى
اختياري....
الام بهدوء : يعني انتي كل مشكلتك انه شكله مش حلو و مش بيعرف يلبس.....
خلود : ايوا
الام بهدوء : بصي ياحبيبتي انا امك و واجب عليا اني انصحك واعرفك من غلط من الصح... الام بتفكير.... بصي ياحبيبتي انتي طريقة تفكيرك غلط خالص انتي مينفعش بتفكري بطريقه السطحية دي وانتي بتختاري شريك حياتك وفـِ مواصفات لازم تختاري عليها شريك حياتك إذ كان ينفع أو لأ وهي انه يكون محترم و عارف ربنا و ويتقي الله فـِ معاملته ليكي ويكون حنين يعرف يحتويكي ويبقى مصدر الأمان ليكي وسندك فـِ حياتك ويبقى فـِ ضهرك
وحمايتك طول الوقت و لازم تفكري فـِ مواصفات شريك حياتك دي وتمسكي فـِ شكله وطريقه
لبسه اصل الشكل ولبس ومنظر مش هيقدملك كل حاجات دي وحاجات دي ياقلبي مش بتدوم بتتغير مع مرور الزمن فهماني ياخلود.....
