عشگ الافهد

البارت تاسع

فهد : شمس !!

شمس
ردت اشرد بس فهد لازمني من ايدي ودخلني لغرفته
وسده لباب وتقرب مني

فهد : شتسووين أهنأ ؟؟
شمس : ممكن توخر شووي
فهد : سألت سؤال شتسوووين أهنأ
شمس بنفاذ الصبر : ردت اسأل سؤال و بس هسه
إذ تگدر توخر

فهد
رح فهد و كعد على جربايه
ويباوعلي بنظره معنئ شنو تريدين تسالين
فهد : شبيج صفنتي
شمس : شلون كدرت تخلي وليد
فهد گبل لاتكمل : يدخل السجن موو
شمس : مادام تعرف شنو اسأل تگدر تجاوبني
فهد : لا ما اگدر
شمس : ليش متگدر
فهد : ليش هلگد يهمج وليد هاا
شمس : وليد مايهمني بس اريد اعرف
فهد : شمس كلش تعبان اريد انام
شمس بعناد : جاوبني فهد اريد اعرف
فهد : شمس روحي لغرفتج احسنلچ
شمس : شگدد عنوودي هااا شنو يصير لو جاوبت
هاا اروح اسأل جدي
فهد : ايي روحي اسألي
شمس : رح اعرف شون گدرت على وليد
فهد : لا يبنيتي مو بس على وليد وعلى اخوه و ابنه
هم و هسه تصبحين على الخير
شمس : شنو تقصد بهل حجي بس جاسم طلع من السجن وانت اكيد تدري بهذا شي
فهد : كل هل حجي مايفيدج يا بووويه
ما اريدج تلتقين وياهم أو تحجين وياهم
شمس : ليش شنو علاقتك انت ليش هلگد يهمك
كل ما تشوفني تگول لاتلتقين وياهم
فهد : تدرين اهم شي يمي اهلي وبما انو انتي من
وحدة من اهلي  من واجبي انبهج و
شمس : و تخاف علي وتلحگني
فهد : شوكت لحكتج
شمس : تفكر بس انت تعرف كلشي ديربالك فهد
فهد : خلصتي تصبحين على الخير
شمس : رح اعرف يا فهد إذ اني ردت شي اخده

فهد
و بدأ يتقربلي ويمشي
اني واگفه بمكاني و ماتحركت
فهد : اذ وگفتي بطريقي أو التقيتي وياه جاسم
ما ارحمج مو من شيمي اهدد المراة بس
لو چان موضوع يتعلق بعائلتي ما ارحم و ما اريدچ
تلتقين وياهم
شمس : ابوي لو امي انت شنو علاقتك
على عموم رح اروح لو بقيت احجي وياك ممكن
فهد باستفزاز : شتسووين
شمس : تصبح على الخير يا شيخ فهد
فهد : وانتي من اهل الخير يا دكتورة

طلعت شمس من غرفه فهد وهي
تغلط و تسب بفهد
شمس : يعني ما لگيت غير فهد تدنك بي ها
دنك بزيد أو عمر بس فهد
هسه شون اعرف منو شهم و شنو علاقته بفهد
إذ سألت بابا يكول شنو علاقتج بهل موضوع
اسأل نور ايي اكيد تعرف

رحت سألت على غرفه نور
دكيت باب
شمس : اكدر ادخل
نور : تعالي حبيبي
شمس : اريد اسألج سؤال
نور : اسألي
شمس : تعرفين شهم
نور : شهم شمعرفج بي
شمس : فدوه لكلبج عوفي هل حجي واحجي
منو شهم
نور : صديق فهد و سيف وهو ضابط يشتغل وياه
بابا من اتوفئ سيف وهو وره وليد
شمس : مو بس هو وراه وليد و فهد هم مو
نور : ايي اساسا إذ هسه بالسجن من وراه فهد
بس يستاهل
شمس : بعده وراه جاسم
نور : ايي هذا فهد مايسمع حجي أحد
شمس : جدي شنو گال
نور : چان بوكته دمه كلش حار على موت سيف
مكدر يكول شي
شمس : افتهمت يلا تصبحين على الخير
نور : وانتي من اهل الخير