الدكتوره صارله سبوع ميت ابطنها شنو محد دره بيها
ذياب دكتوره اني ضابط وعندي شغلي والتحقت رجعت لكيتها تنزف
الدكتوره الطفل ميت ابطنها غادي جيفه راح انطيها دوه اذا ماوكع بقايه الطفل راح نطر نسويلها كرداش
براء لا دكتوره الله عليج كولي قيرها والله اخاف هئ هئ
الدكتوره ماعدنه غير هذا الحل
ذياب ان شاء الله دكتوره
براء اخذني للصيدليه وجاب ادويه وكمت اشتقل واتحرك علمود ينزل الطفل والحمد الله الله لطف ونزل بدون لا اسوي كرداش يمه متت بمكاني من كالت الدكتوره حسبي الله ونعم الوكيل بيهن ثاني طفل يروحلي بسببهم حسبي الله رجعت لشقلي وذياب كام يعصب عليه و يكتلني و ازود منهم طگت روحي كتلني جدام اهله
امه يله كومي روحي نضفي مجان الهوايش وخبزي على الطين
براء حاضر سويت مثل ماكالن واجني سمعني حجي وانكلعن رفعت اديه للسمه وكلتله يارب مو حوبة اليتيم عندك مسموعه يارب مالي قيرك مالي قيرك انته خلقتني وانته كفيل بيه اخذت امي وابوي مو خوش وخليتني يم وحوش طلعني من هالضلمه يارب صبرت هواي وماكفرت باختبارك اخذت مني اوليداتي ثنينهم وكلت الله حبهم واخذهم اذا تحبني يالله لو خلصني منهم لو اخذني لسماك يآرب فرجك عاجل قير اجل يارب ياگاضي الشدايد اگضي شدتي ثاني يوم صارت مشكله يمكن من صالحي صح شبعوني كتل بس ذياب وداني الخوالي الصارلي من عمري خمسه ماشايفتهم وهسه عشرين جانو زينين حمدت ربي لانو الله عوضني بيهم وخالي كال بعد ماترجعيله انتي وصية امج الي
براء عجل ليش يخالي خليتني اروح ويه ابويه
الخال والله يبنيتي ابوج مكدر اخذج منه بس هسه بعد اذا متريدين زوجج وهيج ماذينج تبقين عندي حالج حال البنوات
براء اي والله يخالي ماريد ارجعله شوفوني الضيم
الخال بعد خالج خليها عليه
براء فرحت حيل بيهم بعد ماكو عذاب اخذت اسبوع راحه حته رجع الدم يجري بوجهي وتحسنت حالتي النفسيه والصحيه بس وره الاسبوع اجه ذياب راد يرجعني وخالي منعه واجه خالي كال يريد يشوفج طلعت عليه وسلمت
ذياب وعليكم السلام يلا تهيري نروح
براء ضليت واكفه وادحك لخالي
ذياب ها اشو واگفه مالج واهس تمشين
براء ذياب طلگني
ذياب ماطلك وامشي لمي ملابسج وياله عندي شقل راح تاخريني
براء بس اني ماريد ارجع بعد
ذياب شنو ماترجعين اشو تمشين جدامي ورجليج على راسج تهيري بساع
براء ماريد مو قصب هيه
ذياب امشي لطلعين جايري يم القرب
براء ماريد ارجع كافي مليت تعبت منكم اريد الخلاص تعبت اني هم بشر ترجعني للخدامه و للمركعه لا والله مارجع يذياب واعلى مابخيلك اركبه وصدك حتى قضيه ارفع عليك اذا ماعفتني بحالي
ذياب بسيطه الج طالعلج لسان بهالسبوع
براء هئ هئ حسبي الله ونعم الوكيل بيك
ذياب بسيطه
الخال اشو تهدد ابيتي امشي ولي ياله
براء طلع ومرت الايام عادي ضليت يم خالي سنه وذياب مافتكيت منه قير هالاربع شهور بعد ماجه و كال ارجعي لو يضل عمره يكلي ارجعي هم مارجع صار عيد ميلادي طبيت بال21.وخالي سوالي عيد ميلاد وجانت هاي اول مره بعمري احتفل بعيد ميلادي بلشت انسه كلشي والراحه بينت بيه الى ان بيوم جنت طالعه لبيت اخو مرت خالي اروح وياهم رجعنه بليل لكينه ذياب كاعد بره
رزان بنت خال براء...... يولي هذا شيسوي اهينه
براء اكيد يريدني ارجع وياه طبينه بدلنه شويه واجه خالي كال رجلج مصر يشوفج شوفي
براء ماريد ارجع وياه
الخال لا ترجعين بس اكطعي نفسه
ذياب طبعا ورما صارت المشكله وديت براء لبيت خالها كلت هم ترتاح اسبوع هم ارضي امي وره السبوع رحت وماقبلت ترجع تخبلت ضليت كل فتره اروح ومتقبل ترجع بطلت عنها طيله الاربعتشهر الفاتن التهيت بامي الوكعت من طِبِيب لطِبِيب الى ان يوم امي كالت
الام يمه ذياب جيب مرتك خل اتسامحني گبل لا اموت
ذياب شنو يمه
الام براء جيبها خل اتسامحني ضلمناها هوايه جيبها قبل لا اموت اريد اشوفها
ذياب بس يمه شكد رحتلها ماتغبل ترجع اصلا مفكر اطلكها
الام يمه جيبها لخاطري اريد اتسامحني كبل لا اموت
ذياب تدللين ييمه........ بعدها طلعت بليل رحتلهم مالكيت بس خالها كعدنه نحجي وشويه فاتت سياره كال هسه اناديلها بس اذا ماغبلت ماتجبرها تروح وياك كلتله ميخالف راح وشويه واجت
براء سلام عليكم
ذياب وعليكم السلام
براء شرايد رجعه مارجع وياك
ذياب بس اليوم ارجعي ويايه والله واردج اهين والله
براء اني ماصدك بيك وعليش ارجع من الاصل
ذياب امي مريضه وتريد تشوفج غبل لا اتموت
براء ها خدي الايسر ماضربته بنعالها تندمت وهسه تريد تضربتي عليه
ذياب لتحجين هيج براء امي تريد تطلب منج السماح وتريد تشوفج لاخر مره
براء ومو مسامحه اني الشفته منكم مو شويه ماكدر اسامح وروحو انتو والله تجازون
ذياب بس تعاي لخاطر الله بس اليوم والله واردج باجر الله يخليج
براء دحكت لخالي وكال
الخال مايصير نرفض طلب للمريض روحي
براء اي
الخال بس ترجعها باجر وياويلك الجذبت
ذياب باجر ارجعها
براء صعدت وياه ورحنه وبالطريق كال
ذياب وين جنتي
براء شدخلك
ذياب بعدج على ذمتي ماتطلگنه بعد والي الحق اسئل
براء يم بيت اخو مرت خالي
ذياب هم
براء وصلنه ودخلنه البيت اخذني لحجرتها
ذياب يمه كاعده
الام اي ييمه كاعده
ذياب هاي جبتها
الام وينها
براء سلام عليكم
الام وعليكم السلام شلونج ييمه
براء باحسن حال الحمدد الله
الام يمه اني عمري گصيف وماضن اعيش الله يخليج سامحيني
براء ضليت ساكته وماحجيت شي ماكدر اسامح صعبه عليه مو هينه
ذياب سامحيها
براء طلبتي اتشوفيتي وهاي اني جيت محتاجه شي ثاني
التم اوليدي امانه عندج
براء تعذريني اني هيج امانات ماحافض عليها ولا اريد احافض وهوه مو جاهل يكدر يأمن على روحه........... هوه طلع بس حجيت هيج
الام وگلبه
براء اني گلبي فتيتو فت وماصارلي شي يلا اتاخر الوكت والفلوجه مو گريبه يراد ساعه اوصلها
الام تراهو بس مكابره ويحبجيربالج عليه
براء.......
الام اطلب السموحه منج
براء ومرفوض طلبج السويتو بيه مو شويه
الام ادري بس والله انتي الذنب الوحيده التوكفين بيني وبين الجنه
براء حجيه تطلبين مني طلب صعب ماكدر عليه....... كمت ابجي وهيه تتوسل بيه ليما سامحتها طلعتومن قرفتها اخذني لقرفته بالاكراه
ذياب ارجعيلي
براء رجعني لخالي
ذياب الصُبَح
براء لا هسه
ذياب براء سامحيني
براء ماسامحك ليوم يبعثون سامحت امك لن مره جبيره وعلى فراش الموت اما انته والله لو اشوفك جدامي تموت مايرفلي جفن وحسبي الله ونعم الوكيل بيك يالكل الحزن من وراك جرني لحضنه ويبوس ويتعذر دفعته عني وكلتله رجعني
ذياب مشتاكلج يالضالمه
براء انته اخر واحد يحجي بالضلم وخر عني وخر
ذساب بعدج مرتي والي حقوق عليج
براء وخررررر مو اجبار هيه
