ذياب ــــــــــ لا شكرا
براء ــــــــــ ما عندك دوا يعني
ذياب ــــــــــ عندي
براء ــــــــــ عجل دتعال اسويلك رريوگ تاتشرب
ذياب ــــــــــ لا شكرا شربته دواي
براء ــــــــــ اي
ذياب ــــــــــ اني طالع محتاجه شي
براء ــــــــــ لا مامحتاجه...... طلع وكعدت اللوم بروحي مر الوقت سويت قدا وتقديت وهوه ماكو اجه گبل راح لقرفته رحت وراه.......... ذياب تريد قدا
ذياب ــــــــــ لا ماريد اريد ابدل ممكن تطلعين
براء ــــــــــ طلعت كعدت احضر مسلسلات لن بسبب المشكله فاتني شويه ونزل للمطبخ لحگته وگفت بالباب طلع طماطه وشيفها و اكل شويه وشرب دواه وراد يطلع انصدم ويايه
ذياب ــــــــــ بسم الله الرحمن الرحيم اكو واحد صاحي يسوي هيج تنحنحي صخمي احجي شلعتيني
براء ــــــــــ اتخاف
ذياب ــــــــــ الله يشلعج اني اخاف لو شفت جني نزل يمي
براء ــــــــــ ههههه
ذياب ــــــــــ سويلي مجال اطلع
براء ــــــــــ قبل جاوب ليش ماكلت من اكلي
ذياب ــــــــــ ماعجبني
براء ــــــــــ ليش ماعجبك سويت دولمه
ذياب ــــــــــ اي ماريد اكلها
براء ــــــــــ ترا ماخليت سم بيه
ذياب ــــــــــ ماعجبني شبيج
براء ــــــــــ هوه انت شفت الجدر
ذياب ــــــــــ اي شفت وماعجبني
براء ــــــــــ ايا جذاب يمته شفته...... زين خليني اسوي الك غدا
ذياب ــــــــــ لا اكلت
براء ــــــــــ شتريد اسوي عشه
ذياب ــــــــــ لتعبين نفسج اني اليوم معزوم
براء ــــــــــ ترا والله ماسممك
ذياب ــــــــــ تافهه
براء ــــــــــ انته تتهرب
ذياب ــــــــــ اتهرب من شنو
براء ــــــــــ مني
ذياب ــــــــــ ماتهرب بس ابتعد مو اتريدين هيج
براء ــــــــــ اي
ذياب ــــــــــ باجر حنه اختي تروحين اهلا وسهلا متروحين تاوديج لخوالج
براء ــــــــــ لا اروح للعرس
ذياب ــــــــــ ها العصر نروح نشتري ملابس عجل
براء ــــــــــ ماشي..... راح مادري ليش مقهوره منه من تصرفاته للعصر حضرت نفسي وخليت مكياج هوايه هوه ماحجه كنو مو زوجته ويغار عليه صح اشمعه يتنهد اول شي رحنه لمحل اشترينه
شفت فستان لون احمر لحد الركبه
ذياب ــــــــــ اممممم مو حلو هذا احلى
براء ــــــــــ بس غالي
ذياب ــــــــــ ماعليح بس شوفي واقتنعي بيه
براء ــــــــــ جان لونه ذهبي يلمع و ثوب طويل ومفرش من الحزام تقريبا كلوش مو انو مفرش و عدل من الصدر و الدين كيبور
ذياب ــــــــــ اذا ماعجبج اكو هوايه غيره
براء ــــــــــ لا حلو
ذياب ــــــــــ ماشي ياله ابويه هيري بعد اني اشتري ومكياجج وحذائج وشي
براء ــــــــــ اشتريته واشتريت فستان للعرس رحنه للابو الاحذيه اشتريت حذاء كعب هوه ماراضي لانو اني حامل واشتريت مكياجات ماخلصت من فرتي الا مأذن المغرب فتنه لمحل دشاديش رجاليه اشتري دشداشه چويتيه وعليها طرز مذهب و اشترى چراويه بيضه ساده و عگال ومحبس طرزته چويتي و اشترا حذاء اجلكم الله
هم زين ماطول رحنه اشترينه عطورات خلط دهنيه يعني ورحنه اتعشينه و اتمشينه ورجعنه للبيت
ذياب ــــــــــ عادي تنتضريني
براء ــــــــــ عليش
ذياب ــــــــــ بس اتشوفين ملابسي
براء ــــــــــ اي..... راح شويه ورجع مبدل صفنت بيه طالع يجنن بيهن
ذياب ــــــــــ ها حلوات
براء ــــــــــ طالع حلو
ذياب ــــــــــ شكرا الج ازعجتج اني رايحه
براء ــــــــــ عادي تشوف ملابسي
ذياب ــــــــــ انتضرج گاعد اهين
براء ــــــــــ مو تنام
ذياب ــــــــــ مو اطولين
براء ــــــــــ رحت فتحت شعري و شسورته برمته طبعا شعري ثخين ماخلصته للثنتين بليل وكل شويه دازلي رساله اني رايح انام يس ماخليه خطيه كملت شعري ورتبته وخليت مكياج و لبست الفستان وصبغت اديه ولبست الحذاء لكيته كاعد يحضر فلم.... احم...... دحگلي وضل صافن فرحت اني اريد القت نضره
ذياب ــــــــــ امباركات طالعات عليج حلوات
براء ــــــــــ شكرا 😊
ذياب ــــــــــ يلا اني رايح محتاجه شي
براء ــــــــــ سلامتك..... انقهرت لن ماعبرني اني اريد دوم الفت انتباها رحت بدلت وقسلت وجهي ونمت گعدت الساعه اثنعش الصبح طلعت للمطبخ قسلت لكيته يرش بالطرمه ويمسح بيها ويرش بالسياره رحت اخذتها منه وكمت امسح هوه اخذهن للحديقه الميات يرش ابهل الثيله كملت مسح وسويت قدا وتقدينه طبعا مدري شبي حتى مارد عليه من صبحت عليه ومارد
راح لقرفته اني قسلت المواعين ورحت لغرفتي طلعت غراضي ورحت سبحت ونشفت شعري وكعدت اكويه ماخلصت كوي للعصر لن شعري طويل وثخين عاد رجعت برمت اطرافه وكويت گذلتي وكملت لميتهن ذيل حصان بالقراصه وكمت اسوي عشه
ذياب ــــــــــ روحي عدلي نفسج اني اسوي العشه
براء ــــــــــ لا اني اسوي
ذياب ــــــــــ علمود متأخرينه روحي انتن النسوان سنين تتكملن
براء ــــــــــ ههههه لا اصلا منطول
ذياب مو صارلج من العصر بشعرج
براء ــــــــــ شمدريك
ذياب ــــــــــ اجيت تاگلج انروح هسه بس گلت من تكمل هيه تجي قبل اشويه اجيت هم لگيتج بعدج
براء ــــــــــ اي مو كويت و شسورت
ذياب ــــــــــ اي دياله روحي
براء ــــــــــ رحت طلعت المكياج وكمت اخلي طلعت مكياج عالانترنت جان حيل حلو مالت عرايس وسويت مثله
ذياب ــــــــــ راح يبرد الاكل صار ربع ساعه من صبيته
براء ــــــــــ اي جايه رحت تعشيت وفرشت سنوني ورديت عدلت الاساس كملت رسم عيوني وخليت ايلاينر ومسكاره وحواجبي وخليت حمره مات مورونيه وبدلت وكعدت ارتب بشعري
ذياب ــــــــــ يلا ماخلصتي
براء ــــــــــ اي.... لبست الحذاء وخليت شال ع شعري وطلعت
ذياب ــــــــــ كملتي
براء ــــــــــ اي... دحگلي وگال
ذياب ــــــــــ البسي حلقه
براء ــــــــــ ماعندي
ذياب ــــــــــ شلون سالفه يلا نشتري من السوگ
براء ــــــــــ رحنه اشترينه عالسريع حلقه ماتجذبنه لن مانزلت ماخلاني وماعدنه وكت ولبستها ومشينه وصلنه بالتسعه سلمت ع سوسن خطيه كل عين هالكبرها جانن فرح وملاك موجودات جايات رحت عدلت شعري شفت ام يوسف طبعا ماشوفتني شي مو زين بس ام عواد اني حاقده عليها بس سلمت عليها وباركتلها مانطيت واخذت وياها لانو مو طايقتها كملت وطلعت جرني ارگص رگصنه عاد بدعش گالن البنات نصعد فوگ نشوف الولد شلون يچوبون صعدنه وندحگ شفت ذياب واگف على صفحه و الولد يچوبون
بنت خال ذياب ــــــــــ ملاك هاي مرت اذياب
ملاك ـــــــــ اي
بنت خال ذياب ــــــــــ لا سؤال دشوفي ذييياب شلون هيبه واگف
ملاك ــــــــــ ترا عيب عليج الولد تزوج
بنت خال ذياب ــــــــــ ادري بس اقهر مرته
ملاك ــــــــ شنو تقهريها
بنت خال ذياب ــــــــــ شبيج اني احبه وبعدين مو احسن مني هاي العوبه يوم اليرگص بزواجنه اني وياه
ملاك ــــــــــــ طاح حضج اتخلين عينج على واحد مزوج
براء ــــــــــ اني ساكته وادحگ بس اسمعهن شيحجن انقهرت حيل خابرت عليه ودگ ورفضته رجع خابر عاد خليته يم عيونها وكلتلهن شو بنات شويه بس مجال
عاد رحت اخابر بيه
ذياب ــــــــــ دگيتي عليه
براء ــــــــــ بال اي
ذياب ــــــــــ عليش
براء ــــــــــ مشتاگتلك
ذياب ــــــــــ ليش دگيتي
براء ــــــــــ ليش متچوب تشوفنه چوبيتك
ذياب
