شخصيتنا الرئيسيه
مزنه... وهي طالبه بالصف الثالث اعدادي.. اماراتيه شخصيه محبوبه لسانها اطول منها.. تصير وياها مواقف بالدراسه.. وتتعقد حياتها يوم تكتشف ان ولد حيرانهم.. الي هو بطلنا الثاني طلال يحبها.. وهو اكبر عنها ب وايد؟
والباقي بنتعرف عليها بالطريج
مزنه.. اماراتيه تحديدا ظبيانيه... عمرها 15 سنه
مزنه: هيييييهههه صلوح وين امايه
صالح: صلوحححح منووو اسمي صالح يالغبيه
مزنه:طع ها صرصور ويرمس وين امايهه خلصص
صالح:انا مب ياهل يا بنت عبيد فاهمهه ترا عمري 10
مزنه:اوهههه يالسبال امايههه وين؟؟
صالح:تعالي هني ف جيبي
مزنه:تستعبط
صالح:لا حشى بسسسس استعبط
مزنه:جب يلاا ورحت عنه
جان صالح يشل علبة الكلينكس ويفرها ع مزنه
مزنه:والعثره يالجلب.. وتركض ورا ويوم زخته عطته كفف ع ويه ويظهر ابوها من الغرفه
مزنه+ دموع التماسيح: بابا شوف صلوح فر عليه علبة الكلينكس
بو حمدان: اقول صلوح تزهبت حق الصلاه
صالح: هيه ابويه تزهبت
مزنه:!! ابويه ليش م اتواجعه
بو حمدان: خوزي عني اونه شو اواجعه ابويه انا اعرفج تربيتي اقص ايدي اذا مب نتي الغلطانه
مزنه: مدت البوز 3 اشبار وراحت غرفتها
بوحمدان: صالح بارك الله فيك شوف امك وين
صالح : ابويه اعتقد امايه ف غرفة حمدانوه تبخر
بو حمدان: هيه صح انا شفتها شاله المبخر انزين ابويه سير فديتك شوف اخوانك سلطان و رشود اذا زهبوا ولا انا اترياكم تحت
صالح: ان شاء الله ابويه
