...
ام حمدان: حمدانووه حاسب بتحرق عمرك ليش ماتسمع الرمسه اقولك انا ببخرك
حمدان: امايه خليني اتبخر اروحي انا هب ياهل ترا عمري 22
ام حمدان: هاي السوالف مب بالعمر
صالح : امايههههه امايهههه
ام حمدان : شو بلاك
صالح: امايه مزنوه الغبيه ادور عليج حمدانوه تعال بسرعه ترا ابوي بيسير عنك
حمدان : انزين انزين ياي يايي
صالح: امايه وين سلطان و رشود
ام حمدان : نزلوا قبل شوي ويه جسوم
صالح: اوكي وراح عنهم
ام حمدان : يلا حمدان حرك عن ابوك يتحرك هب ناقصين حشره
حمدان: انزين زخي البخور
ام حمدان : خل اروح اشوف هالخبله
( دقت الباب)
مزنه: جستت منتتت
ام حمدان : شو تبغين حاشره العالم نتي
مزنه بنظره تخوف: امايه نتي صج حامل؟
ام حمدان : منو قالج هاي الرمسه
مزنه:خالتيه دقت ويلست تبارك والحاله حاله
ام حمدان : الله يهديج يا امايه اكيد انتي خبرتيها خاله مزون(ام حمد)
مزنه: يعني حامل؟
ام حمدان: انا قلت مب اكيد وع العموم م ظهرت التحاليل للحينه
مزنه: تنهدت تنهيده طويله :اففف الحمدالله
اام حمدان : وليش ان شاء الله تحمدين ربج اذا كنت حامل شو يعني؟
مزنه:امايه من صدقج اكبر عيالج عمره 22 وتبغين تحملين
ام حمدان : والله مب ذنبي اني صغيره
مزنه: لا والله
ام حمدان: والله هذا بيد ربج يامزنه هب بيدي ولا بيدج وراحت عنها
مزنه:امايه امايه
لحقتها ونزلت الطابق الاول و شافت يدتها ام امها حميده:ها مزنه شرفتي
مزنه:السلام عليج يدتيه شحالج عساج بخير ونعمهه
حميده: الحمدالله.... يلا عاد ارفعي ثوبج
مزنه: لا اتزيغين يدتيه متسروله
حميده: انا يوم اقول شي تسوينه فاهمه
مزنه: يدتييي... اففف ورفعت ظرف ثوبها
حميده: شو ها
مزنه: شو ها
حميده وين السروال
مزنه : مع احترامي الشديد السروال مال عيايز... وبعدين هاذووا لابسه شلحه
