حميده: اسمييج مب متربيه انزين صليتي الظهر
مزنه: مب لازم يخلصون الخطبه؟
حميده:منو بيخطب وسط هالظهرر
مزنه:يدوههه.. خطبه محاضره.. مال يوم الجمعه
حميده:هيهه انزين قولي جذه.. وانتي شو دراج متى يخلصون حشى مب اذن عليج جان سمعج يوصل لين المسيد
مزنه:اخخ امايههه اذني تعورني.
حميده: بلا عياره وسيري صلي
مزنه:يدوه انا متعوده اصلي بعد م يرجعون الريايل
حميده :غربلاه العدو انتي تأخرين صلاتج عسب جي والله يا مزنوه اذا ما رحتي الحين بفلعج الحينه بنعال
مزنه:الاا النعال يدتيهه دخيلج.. شكله وصخ و ركضضت ع الغرفه وتوضت وصلت.. ومشت ف الممر وهي تمشي سمعت تلفون امها يرن
<#######>
مزنه: اوههه هذاا حمار مايفهم اقوله الرقم غلط خل ارد عليه بلعن خيره مزنه:اللهم طولك يا روح.
!! :امين
مزنه: اعنبوووه استحح الناس في صلاة اليمعه وانتا ادق ع خلق الله.
!! :توني ارد
مزنه: انزين عن منو بتسأل هاي المره خالد ولا محمد ولا خلفان ولا علي ولا سعيد ولا عبدالله
!! : ههههههههههههه
مزنه: ويههه ضحكت من سرك بلا اقول انا هب يالسه انكت وياك صدقني ... انته جي بس فكر مجرذ تفكير تدق ع ها الفون والله ما يكون اسمي م...
!! : مزون صح؟ واذا م خاب ضني هذا هب تلفونج تلفون امج وعمرج 15 وصف ثالت اعدادي مزوننن!!!! اكبر علامة تعجب ع راسها : لا كله غلط وسدت التلفون فيه ويه من وين يعرف كل هاي الأشياء عني؟.
<##########>
يتصل بك
مزنه: م برد... اخاف.. اوههه... لازم ارد اخاف يبلشني ولد الئيمه
مزنه: شو ماتفهم حمار
!! : مزنوه شحالج
مزنه: شو الحياه حلوه تسألني اشحالي اقول ماتبا تعرف شحال اخواني..؟. وشحالهم اذا ردوا عنك اسمع يا ولد الناس اذا مفكر تبا تلعب انا مب مال لعب انا ياهل عمري 15.. شرات م قلت مايخصني ف هاي السوالف
!! :مزنوه انتي كبيره بعقلج مب بعمرج
مزنه: اقول لو انت ريال دق ع هذا الرقم وسكرت ف ويهه وخلاص واقفه تنتظر اخوانها بتخبرهم وقامت تمشي يمين يسار يمين يسار
Sms
>مزنه بلاج تحوسين بالغزفه يمين يسار..؟
خافت اكثر وتمت واقفه مكانها
مزنه: هذا اكيد مب انس هذاا جن امايههه لحقواا عليه عاد كله ولا ايبون طاري الجن قدام مزنه اتموت من الزيغه من كثر م زاغت تمت تصيحح..!!
Sms
<<مزون لا تصيحين امزح وياج>
ردت عليه: لو انت ريال قول منو انت
Sms
<<ههه اوكي لفي وراج>
.
لفت ولا تشوف طلال ببتسامته العذبه.. حمدت ربها انها متشيله بشيلة الصلاه نظره له نظره. استحقار وسكرت ستارتها وسوت له حركه معنى والله م اعديها
مزنه: النذل كان يراقبني ما عليه اذا ما خبرت امايه مايسموني مزنه بنت عبيد
.
Smm
<<خليج عاقله ولا تسوين مشاكل بينا ولا تخبرين حد>
<طلال لو اخوي جسوم مسوي جي ف اختك منالوه بترضى مي حرام عليك الي سويته فيني>
<خلاص انا اسف ما اعيدها والله بس لا تخبرين حد>
<يا طلال افهم انا كبرت مب ما عدت اليهال الي تلاعبها>
طلال م رد عليها.
.....
ام حمدان: مزنوههه.
مزنه: نعم امايه
ام حمدان : تعايي غدا
مزنه: اوكي
ام حمدان : يلا يلسي شو تبين احطي لج
مزنه: الموجود
حطت لها امها عيش ودياي مع سلطه وروب
جاسم:مزنه شو مسويه انتي
مزنه<<وقفت اللقمه في حلجها وتمت تكح. وبعد فتره شو شو شسويت
جاسم: المدرسه دقت علينا تقول امسات شارده من الحصه
ابو حمدان:بارك الله فيج بنتيه وايد شاطره ان شاء الله بتظهرين الاوله هاي السنه
مزنه ايهه اتحريت عندكم سالفه الا هي حصة رياضه
