ثاني اسكيريبت2 «لقاء غير محتسب(مصارح
( بعد اربع سنين)
كانت ماشيه عادي في الحديقه العامه وسرحانه في الماضي وفجأه💥 خبطت في شخص
هي من غير ما تبص للشخص: اسفه حضرتك مش كنت منتبه
هو قبل ما يبص عليها: لا عادي ولا يهمك انا اللي اس... آية؟ 😳
آية بصدمه بعد ما بصت عليه: محمد؟ 😮
محمد بهدووء: اخبارك اي
آية: الحمدلله بخير وانت اخبارك اي
محمد: انا تمام كويس، هنفضل واقفين كدا كتير تعالي نقعد هناك في الكافيه ونتكلم عاوز اتكلم معاكي شويه
آية بتردد: اوكي بس مش هنتأخر كتير لانه مينفعش
محمد بستغراب : اوكي ماشي مش هطول عليكي، يلا خلينا نقعد
آية: اوكي يلا
وراحو وقعدو في الكافيه
محمد: تشربي اي
آية: ولا حاجه ملييش نفس
احمد: لا ازاي لازم تشربي حاجه
آية: طالما مصر عصير مانجو
محمد: اوكي
وبعد ما طلب المشروبات فضلو ساكتين شويه وبعدين
محمد: قوليلي بقا اخبار حياتك عامله ازاي واتخرجتي ولا لسه كلميني عنك شويه
آية بهدوء وتوتر للي هتقوله كمان شويه: انا حياتي اهو ماشيه شويه خنقه وشويه حزن وشويه سعاده وضحك وشويه عادي يعني اهو ماشيه، وانا السنه دي اخر سنه ليا وابقي دكتورة اسنان وكمان....
محمد 🤨: وكمان اي
آية بتوتر: اتخطبت من 3سنين
محمد: اهاا مبروك مكنتش اعرف، يعني عشان كدا مش كنتي حابه تقعدي معايا صح؟
آية: بصراحه ايوه لاني مكنتش حابه اعمل حاجه من دون علم احمد وبالاخص حاجه زي دي
محمد: لا عادي متفهم دا
آية: وانت بقا احكيلي عنك شويه
محمد :مفيش حاجه مهمه غير اني اتجوزت واحده من اختيار ماما وحاليا معانا معتز
آية: بجد ربنا يسعدكم يحفظهولكم يارب
محمد بتوتر: ممكن اسألك سؤال ممكن سؤالي ملهوش اهميه دلوقتي لانه مش هيغير حاجه بس حابب اعرف الجواب كل السنين دي مكنتش قادر اتجاهل فضولي بأني اعرفه بس الوضع مش كان يسمح اني اسأل
آية وقد عرفت سؤاله:اتفضل اسأل
محمد:انتي بجد حبيتيني قوليلي بصراحه 😶
آية بتنهيده : عاوزه الحقيقه انا فعلا حبيتك وحبيتك جدا كمان واتعلقت بيك اوي 😔😣
محمد: طيب ليه سيبتيني وقولتيلي كل الكلام اللي قولتيه وقتها اذا بتحبيني بالشكل دا زي ما بتقولي
آية: بص يا محمد هفهمك اسبابي اولا انا كان ليا اسباب كتير للي عملته واني اخدت قرار البعد والفراق
محمد: اللي هي اي بقا الاسباب دي
اية: هما كتير بس اهمهم واولهم اننا كنا اساسا غلط انا كنت بنت في فترة المراهقه عندها 16سنه كانت بتجزبها اي حاجه خاصه بالحب وكنت صاينه نفسي وقلبي لزوجي لحد ما دخلت حياتي انت وقتها كنت ضعيفه ومحتاجه اهتمام وحب واحساس اني اتحب واحب ضعفت جدا فا اخدت خطوه مجنونه وقررت اجرب حظي وكانت النتيجه اللي بقينا عليه دلوقتي انا كنت غلط لانه كان حب مراهقه واصلا علاقتنا من الاول حرام جدا وكمان ربنا مش بيبارك في المعصيه وحبنا واحنا مش فيه اي علاقه شرعيه بينا كان معصيه ومن الكبائر الذنوب كمان( فالله تعالى يقول: وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنّ [النور:31].
وقال تعالى: فَلا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ [الأحزاب:32].
وقال النبي صلى الله عليه وسلم: لا يخلونّ رجل بامرأة إلا ومعها ذو محرم. متفق عليه.
وقال صلى الله عليه وسلم:لا يخلونّ رجل بامرأة إلا كان ثالثهما الشيطان . رواه الترمذي وهو صحيح.)
فهمت قصدي دا اول سبب لاني كنت بغضب ربي وكنا احنا الاتنين بناخد ذنوب علي كل كلمه كنا بنتكلمعا واحنا مفيش بينا اي رابط شرعي تاني سبب هو اهلي انا خنت ثقة اهلي وانا بكلمك من وراهم اهلي اللي اعطوني الثقه الكامله وانا بكل بساطه خنت الثقه دي صدقني ضميري كان بيموتني الف مره كل ما كنت بكلمك او اني افتكر اني بعمل حاجه من وراهم تالت سبب وهو طبيعتنا انا وانت كنا مختلفين جدا اخدنا سنتين مع بعض كنا بنتخانق اكتر ما بنتكلم وعلي اسباب انا اصلا لحد دلوقتي مش عارفه اي هي الاسباب دي انا طبيعتي والبيئه اللي عيشت فيها مختلفه عن طبيعتك والبيئه بتاعتك حاولت اتأقلم مع طبعك وشخصيتك مش قدرت سنتين كاملين فشلت في اني اتعايش فيهم مع طبعك وشخصيتك وتحكماتك فيا كان فيك عيوب حاولت اغيرها طول السنتين دول وفشلت مش ادتني ولو بصيص امل واحد انك ممكن تتغير صدقني لقيت الاسباب اللي اتخليني ابعد عنك اكتر بكتيير من الاسباب اللي تخليني اكمل انا كنت متمسكه فيك اوي بس انت كنت كل مره بتبعد وبتفضل بالشهور مخاصمني من اللا شئ كل مره كنت بتبعد من غير سبب مفهوم او يستاهل بالنسبالي، ودا كان بيعمل جفا جوا قلبي كان اللهفه والحماس والمتعه بتروح كنت كل مره بتروح سبب من الاسباب اللي مخلياني اخترتك علي رضا ربي وعلي ثقة اهلي حبيتك اوووي بس انت ببعدك عني في كل مره خلتني يبقي في قلبي جفا كبيير وبقا عقلي المتحكم بقا مش فارق معايا زي الاول تخاصمني او لا انا جيت علي نفسي كتير اوي معاك وفي حاجات كتير للدرجة طاقتي خلصت بس برده اديتك فرصه تاني بس المرادي مش كان الحب جوايا نحيتك زي زمان ولما خيرتك بيني وبين الحاجات اللي بتضايقني وبتحسيني انه وجودي في حياتك ملهوش قيمه انت وقتها اخترتهم هما حسستني بجد انه وجودي مش مهم عندك حسستني اني معندييش كرامه وانك عادي هتراضيني تاني بعدين بس انت مش كنت متوقع اني المرادي غير كل مره تراضيني بكلمتين وارجع انت مقدرتنيش ولا حسستني في مره اني فعلا جيت علي نفسي واني استاهل منك ولو شوية اهتمام وتقدير خزلتيني اوي وقتها لما فضلت كل حاجه عليا ودي اسباب بعدي عنك 💔
محمد بصدمه وزهول وحزن من نفسه: معقول كل دا كنتي شايلاه جواكي 😢😮من ناحيتي ومتكلمتيش💔
آية: لا رد.... 🙂
محمد: اسف مكنتش اعرف اني كنت خانقك وكانت علاقتي بيكي ضاغطه عليكي وتعباكي اوي كدا اسف بجد 😣
آية: خلاص عادي اللي حصل حصل واللي كان كان ومش مهم بقا الماضي مهما كان تأثيرة علينا كان اي المهم احنا دلوقتي بقينا اي انا دلوقتي مخطوبه وهتجوز اول ما اخلص السنه دي وانت اتجوزت وبقيت اب فا خلاص انا اتخطيت الماضي فا سيبنا منه وبلاش نتكلم فيه لاني حرفيا تعبت جدا وطاقتي خلصت من كل حاجه انا شوفت في حياتي بما فيه الكفايا مش قادره ازيد اوجاعي اكتر من كدا 💔 انت سألت وانا جاوبتك فا اذا ممكن امشي كفايا اوي كدا خطيبي ممكن يرن في اي لحظه سلام 🚶♀️
محمد: تمام براحتك بس مش هنتقابل تاني او ممكن تديني رقمك
آية ببرود: هي وظروفها بقا بس بتمني منتقابلش تاني لاني مش عاوزه افتكر الماضي او انه يأثر علي حاضري ورقم الفون مينفعش عشان مخطوبه وانا مش خاينه سلام 🚶♀️.
(وقامت سابته ومشيت وهي مخنوقه من زكريات الماضي اللي مش قادره تنساها حتي بعد السنين دي💔)
يتبع..... الجزء الثاني والاخير
بقلمي «آية شورة🌹»
ـــــــــــــــــــــــــــــــــــــــــــــــــــــــــــــــ
رأيكم في الكومينتات يهمني جدا ودا هيشجعني اكمل كتابه ودوسي علي النجمه اللي تحت مش هتخصري حاجه
أنت تقرأ
(ما بين الحب والالتزام) اسكريبتات ومقتطفات ꧁آية شورة꧂قيد الكتابه
De Todo(ماستجده هنا) 1مقتطفات حزينه ومقتطفات اخري تجارب نتعلم منها حتي لا نقع في اخطاء غيرنا وهناك قصص واقعيه حدثت بالفعل 🙂 2اسكريبتات كوميديه واخري دينيه واخري رومنسيه 3ستجد في المقتطف او الاسكريبت الواحد الكوميديه والرومنسيه ومعلومات دينيه والحزن 4ستجد...
