#بيت_الشيخ_اسد
#يقين_التميمي
عقاب - عمه بيتج جهز كلشي هذا بصفنا وخليت حمايه عليه محد يكدر يوصلج بعد وبناتج خواتنا يدرسن وي بناتنا ويرجعن وياهن
سعديه - والله ماعرف شكلكم فضلكم هذا ماانساه
اسد - افا عليج الخوة المن يردوها اذا ماافزعلج هسه وخلي حد الهم شوكت
افزعلج بعد انتي خيتي واذا تردين ويانه
هم تعيشين هذا بيتج وذاك بيتج الي يعجبج بكيفج
سعديه - الله يحفضك الي ياغالي
زمرد - رحنا للبيت الي بصف بيت خالو يخبل مأثث من كل الاثاث ماما بقت يمهم واحنا اجينا عود نريد نضفا لكينا نضيف يلمع لمع بس يسوي واهسس
لابسه كيمونه سودة وستريج اسود
مخليه سماعات بأذني واسمع بالاغاني
واغني بصوت ماجنت ادري باب مفتوح
جنت اركص واتمايل بخصري وماخذني الحماس التفتت واشوف درغام واكف مصدوم صافن واني ثولة هم صفنت بيه
صراحه شخصية درغام كارثه ضيم لابس
زي العسكري واكف وخرت سماعات من
اذني وحمحمت
درغام - بوية بهداي من تركصين خصرج يميل وهاي شلت حالي
زمرد - شنوو شگلت
درغام - احم ماكو شي بس هذا غده دزوه الكم
زمرد - تمام خذيته من عنده وهو طلع
رحت يم البنات صحت بيهن ولجنننن
تعاااالن شوفن الضيم هذا ضابط ابن
خالي شنووو جماله
ماسه - اي لج شفته يجننن وعلي
زمرد - ربييي شريد منك بعد تره والله احلامي بسيطة بس اريده ضابط وهاي
هيه ماريد شي منك بعد
ذهب - اوووففف هم كلهم يخبلون
زمرد - خاصه هذولة ضباط والله احسهم ملائكة ويمشون على الارض مو بشر عبالك جكليت مطشر يبوووي ولكم نعمة الله هاي هيج مطشرة شووون بيه
فضة - تخبلت اختي
زمرد - هو الي يشوف هيج ضابط وشخصيه يبقى براسه عقل بعد.
ذهب - عفتهن وطلعت اشوف ماما وين لأن تأخرت حيل وهي ماكوو وصلت لبيت وخشمي طك دم گبل رحت اغسل مااسمع بس صوت ولد يحمحم رافعه راسي باوعتله هذا واحد من ولد خالو ابو درغام
سيف - هاي شبيج ليش خشمج نزف دم
ذهب - هاا لا هو دوم هيج عاديي
سيف - انتي منو من بنات عمتي سعدية
ذهب - اني ذهب
سيف - امم ذهب وعلى اسمج ذهب
ذهب - ماشفت ماما وين
سيف - ماميتج موجودة جوة
ذهب - تمام
رحت دخلت جوة شفت امي واكفه تريد تطلع وياها ميسر بيده علب حلويات وكذا رجعنا للبيت دكينا الباب فتحته ماسه دخلنا اني وماما
