______
يناير
______
رواية اخذت من احداث واقعية بنسبة خمسين بالمية ف تشابه كم اسم وردود فعل بعض الشخصيات اقتبست من ردودة الواقعية، وهدف الرواية اني احتفظ بقصة حب اشخاص كان كل شي ضدهم حتى هم ضد علاقتهم،
علاقة حب غريبة خلتني اكتب عنها رواية.
(قيد التعديل)
تسعدني ملاحظاتكم أحاول اعدل بعد الإكتمال، هذا وعد.
_____
صوت رياح عالية وتجمع غيوم بالسماء معلنة نزول
المطر بينما هو يمشي بهدوء فالشارع وكأنه ولا صاير شيء
عكس الناس اللي حوله، اللي كل منهم قفل محلة وراجع لبيتة بسبب ان الرايح كانت مرة عالية.
ناظر لمصدر الصوت اللي جاه من ورى وسحبة له على طول بدون مقدمات
"علي تستهبل تمشي بهداوة
ولا هامك الجو منجدك انت؟"
مسك يديه و ماعطى الثاني مجال يجاوب عليه، وعلى طول فتح باب السيارة وعيونه تتلفت يمين ويسار بسبب خوفه على اخوه من منظر الشوارع والعواصف
ولانه يدري فيه يخاف مرة من هالمنظر
"شمنتظر ادخل لا تجنني"
قالها محمد وهو يناظر علي اللي آخر فترة صاير مستفز بسبب هدوئه وبروده
لذا ما اخذ وقت طويل وامسك ونطق بأمر
"اخلص يبني"
دخل علي السيارة والتفت لمحمد اللي قفل الباب ولف للجهة الثانية اللي هي مكان السايق
"محمد"
قالها بنبرته الطبيعية والهادية لكن تحتوي على نبرة من الحزن اللي يخليه يستصعب يتكلم
أجاب محمد بـ "عيوني" وبقى مركز مع الطريق ومسمعه عند أخوه..
واصل تركيزة على الطريق لكن هذا مامنعة ان يرد على اخوه اللي هو بالنسبة له الدنيا ومافيها ويعزة اكثر من كل اللي ف حياتة
ابتسم علي بشكل خفيف ورجع يناظر الجو من شباك السيارة وكمل كلامه بتأمل
" إذا انتهى الشتاء وخفت هذي العواصف توعدني نشوف أمي مرة ثانية؟ "
" قد وعدتك يشيء وكذبت؟"
مسك محمد يد علي ومسح عليها بهدوء وهو مازال يناظر علي اللي مو ملتفت له
