____
يناير
____
يوم طويل مر وكان حلو بالنسبة لعلي كونه شاف ابوه وماصادفته او صارت مشكلة
بالاضافة انه خطط مع سند بيروحون كوفي بنهاية الاسبوع وسمح له محمد يطلع متى مايبي وذي الاشياء البسيطة كفيلة انها تخلي علي يفرح
"نام بكره عندك مدرسة ناوي نتأخر زي اليوم؟"
علي وهو منسدح على السرير ماسك جواله
رد على محمد بدون مايلتفت
"ايه بنام بنام"
" قفل الجوال ونام بسرعة"
" قاعد اكلم سند اتركني"
"مايطير سند بكرا تروح وتشوفه"
تقدم محمد وسحب جوال علي وقفلة وحطه على جهة
"نام اقولك"
كشر علي وسحب الغطا وناظر لمحمد بطرف عين
"يلا روح ابي انام"
"يالزعول مادري متى تكبر"
طفى الضوا واغلق باب الغرفة وطلع عالصالة
جلس على الكنب وفتح جواله شاف عليه اتصال من شخص مايعرفه وطبيعي استغرب وراح تأكد من الرقم
" معقول يكون ابوي برقم ثاني"
عقد حواجبة بحيرة وراح اتصل على الرقم بتردد
"هلا.. "
فتح الخط وانتظر الثاني يرد وإستغرب يوم عرف الشخص ذا من نبرة صوته
" هلا محمد"
" ارحب والله انت أخوه لسند ؟ "
" والله ذكي كنت اخطط اسوقها عليك"
" لا ما دريت مو هين انا "
قالها مع ضحكة خفيفة ومازال فضوله يدور حول اتصال محمد، لذا رجع سأل
"تأمرني بشيء؟"
" والله ابي اسألك إذا بكرى عندك شغل و لالا"
"شغلي ما يخلص بس اذا عندك موضوع تقدر تتكلم فيه الحين"
"لا بس.. بما انك مشغول وانا هالفترة بفرغ شي ساعة بالنهار فبقدر وصل علي مع سند بكرى فما يحتاج إنت تجي"
