أحببتها رغم ألمصاعب

بارت الثاني..♥

يكول عࢪيان السيد خلف:
"لاغرنا المدح بشفاف المحبين"
"ولا همني بشماته شما حجو عني"
"يلتمن عليه مشتتات الباب"
"وانفضهن نفض وانهض ولاجني" ♡
*
*
ملاحظه: طبعاً اعتذر عن التاخير لي صار جان مفروض كل يومين ينزل بارت بس خلصتها 4 ايام تسخت ومكتبت شي 🙂 مهم اعتذر عن تأخير وانشاءالله ميتكرر ❤️🍒
*
*
الكاتبة:رفل♥...
قرأه ممتعة♥...
___________
قبل يومين//

رقية:صباح الخير.

حسين:هلو صباح النور ها وين.

رقية:ليوم رايحة لمدرسة عندي اضاف

حسين:خوش اتريكي وروحي.

رقية:لا ماشتهي شنو بعدك منايم.

حسين:اي سهران هسه راح انام.

رقية: تمام حسون انتَ نام واني حروح ب 11 ارجع ما اتأخر .

حسين: خوش الله وياج..

حسين:طلعت رقية واني رحت علمود انام طفيت السيار وتقريبا كل اجهزة لبيت بقت بس ثلاجة مشتغله لسيار تقريباً بقى يمي واني نمت..نايم وماحس غير فد شي نفجر عليه فزيت اريد اشوف شنو لي انفجر ماكو لحضات واحس رجلي اشتعلت نار بدت نار تشتعل اكثر واكثر وتاكل بل بيت بديت اعيط علمود اهلي يكعدون ومتوصل نار لهم وكل هذا ونار بعدها مشتعله برجلي..

حسين: اكعدووووو لبيتت احترررك.. ابوي جان بدوام هو ورقية و اختي وامي وليث نايمين وغرفهم بطابق الثاني بقيت اصيح عليهم ينزلون لنار كل ومابيها تاكل بغراض ولبيت وبرجلي وايدي احتركت بس متأثرت مثل رجلي وماحس غير دقايق واهلي نزلو امي تصرخ لبيت احترك واختي تبجي وليث احتار يطفي بلبيت لي اكلته النار لو برجلي واني اريدهم بس يطلعون لان نار صار شكلها مخيف يعني لو نموت لو نطلع بمعجزه بدت الجيران تلتم علينا ويردون نطلع من لبيت شلون مجان..

حسين: ولك ليث عوف رجلي طلع امي وبنين راح يحتركن.

ليث: حاير بين اخوي وامي وبنين ولبيت لي جاي شوية شوية جاي تختفي ملامحة وتتحول لنار دخلو الجيران وطلعو امي واختي وبقيت اني وحسين كومته وطلعته والحمدالله كدرت أسيطر ع رجله بس شنو جلد كله احترك بديت اصيح عليهم علمود يجبون ماي نطفي لنار قبل لايروح كلشي.. ولكم بسرعه جيبو شي نطفي لبيت راح يروح كله.

_اهداء ابني خابرنا الأطفاء وهسه تجي اهمشي سلامتكم.

حسين: استغفرالله ياربي انت شجاي تحجي يا اطفاء علئ ماتوصل لبيت رايح ومحترك.. صحت بيهم بدو الجيران وليث يطفون بنار علئ اساس يطفون بيها وهي بلعكس كلما بيها جاي زيد وماكدرت اكوم واساعدهم من رجلي لي تشوهت امي تبجي وتصيح راح بيتي وراح تعبي واختي تحاول تهدي بأمي ودموعها تنزل بكتم وهدوء متعرف شلون تتصرف وياه امي لي ملخت نفسها ولا اني اعرف شلون اتصرف لان هذا بيتنا وتعبنا تعب ابوي واخوي وتعبي تعب سنين كله بدقايق تبخر بيت طفولتنا ولحظاتنا الحلوه وياه اخواتي وابوي وامي هنا درسنا وهنا فرحنا وهنا بجينا وهنا تشاقينا وهنا تمرضنا وكلشي صار هنا وهسه كل ذني صارن عباره عن شي اسود ولي داخله رماد ماعرف وين راح نروح وشلون راح تكون رد فعل ابوي لو صدمة رقية من تجي ماعرف شلون اتصرف عبالك واحد مچتف أديهه علمود ماسوي شي حيره كلش جبيره قاطع تفكيري صوت امي وهي تبجي وتعيط عليه.