أهلا !
اني صبا عمري 12 سنه.. اني من بغداد بس ساكنه بأيطاليا اني وعائلتي.. من اكول عائلتي ما اقصد فقط امي وابوي واخواني لا اقصد عائلتي كلهم مثل عمامي واخوالي واجدادي.. كـ كل يعني
ما جانت انجليزيتي قوية علمود اكون الي اصدقاء ب ايطاليا هذا الشي كان مضايقني نوعا ما
ملاحظه.. اني ماعندي بنات عم بس ولد
ومحد جان منطيني اهمية للصراحه بسبب انو اني بنية وهم ولد بس جان ابن عمي اشرف هو اقربهم الي وجان دائما وياي نلعب سوة وطول الوقت احنا سوة..
بهاذي الفترة بحكم ان اشرف كلش قوي باللغة الانجليزيه ف چان يعلمني وجانت تقريبا علاقتنا مبنية على هذا الشي.. على التعلم بس كدام عائلتنا
بالحقيقة احنا بس نصرف وقت
مرة جنا اني واشرف كاعدين ودنتشاقه ونضحك وفجأة نسمع بالطابق الي جوة تكسير واصوات عركة كلش قوية
نزلنا خايفين لان ولا مره صايرة عركة ببيتنا وعمامي موجودين من نزلنا جان عمي رسول الي هو ابو اشرف ديتعارك وية ابوية الي هو امير
شاورني اشرف وگلي
اشرف: ما اتوقع نبقى ببيتكم
صبا: ولا اني.. بس باع من يتصالحون تعال
اشرف: اكيد يتصالحون باجر لو اليوم ما يطولون
بينما جان اشرف يحجي سحبه ابوه وطلعو من بيتنا
رحت لأمي اسألها شكو بس مجاوبتني
واكيد ما راح اروح اكول لابوية شكو الي بي كافي
رجعت لغرفتي واني دافكر ليش تعاركو واكلني الفضول كلش بس حاولت اخلي نفسي انسى الموضوع وطلعت بره بالحديقه لان اجواء بيتنا كلش ما تريح الواحد
اخذت دفتري والواني.. اووه نسيت اكول الكم.. اني رسامه.. او بالاخص احب ارسم فـ بعض الاحيان اعلم اشرف الرسم وهو يعلمني انجليزي
اكثر الرسمات الي موجوده بدفتري جانت من افكار اشرف
وبعد كل رسمه لازم اضيف عالرسمه توقيعي وتوقيعه
لانو هو شاركتي بالفكره الي اني رسمتها
كعدت دافكر شنو ارسم شنو ارسم.. بس ماكو
رجعت لبيتنا ومرت الايام وعائلتي وعائلة اشرف ما تصالحت لحد ما فقدت الامل واني اشوف يوم وره يوم وماكو اي تغيير والطرفين متعاركين للان
مرت سنتين.. وكلشي ماكو
لحد ما فد يوم على اساس اكو مناسبه ولازم نروح الها
رحت اني واهلي.. جان اكو اشرف هناك وابو اشرف هم
احجيلكم الصراحه خفت يصير شي لان.. ابوي وابو اشرف.. وبنفس المممكان؟ ما ترهم احسها
محد سلم عالثاني لحد ما صارت بينهم نضرات وللصراحه ابوية الي جان يدور مشكلة
بس اني اكيد ما راح اكول ابوي يدور مشاكل كلت ابقى ساكته.. ركزت على شريف بس جان متغير.. صحيح ما مرت فترة هواي من شفته هي سنتين بس حسيته كلش تغير مو بس ك شكل لا اسلوب هم وصاير بارد حيل وغير مبالي.. متخيلين يمكن حتى ما تذكرني.. شنو ما تذكرني حبيبي هو اصلا ما باوع علية
بينما اني اباوع علي..صار صمت وهدوووء جبير بالمكان
باوعت على ابوية.. وابو اشرف
جان ابوية موجه سلاح على ابو اشرف!!!
وابو اشرف ما مقصر هم شايل بيده سلاح
امير: انت اخوية.. بس الي يعيش..لو اني لو انت اليوم
يتبع...
