احداث سابقة:
بينما اني اباوع علي..صار صمت وهدوووء جبير بالمكان
باوعت على ابوية.. وابو اشرف
جان ابوية موجه سلاح على ابو اشرف!!!
وابو اشرف ما مقصر هم شايل بيده سلاح
امير: انت اخوية.. بس الي يعيش..لو اني لو انت اليوم
بوكتها صار الوضع كل متوتر ومحد من عدنا يعرف شنو يسوي محد يكدر يمنع والدي ووالد اشرف من هاذ الشي
هم يعرفون الي ديسوونه غلط بس مستمرين
عمي رسول ضرب ابوية طلقه بگلبه وابوي بنفس الوقت ضربه صار صراخ كلش قوي بالمكان وما نعرف نشيل منو ونعوف منو بقيت بس ابجي على ابوية
وما انتبهت لاي شي صار يمي بس بقيت يمه
وبعدين من شالوه وودوه للمستشفى..
دخلوه غرفه العمليات وبقو هناك وقت طويل ومن طلع الدكتور..: البقاء بحياتكم.. حالته جانت متأخره
وللأسف خسرناه
بهاذي اللحضات توفى ابوية و من صدمتي ما بجيت
جنت انتضر يكولولي شصار ب ابو اشرف..
بس بعدين كالولي راح يعيش على الاجهزه للصراحه ما رحنا زرناه.. تخيلو نزوره هو الي قتل ابوية!!
بعدين دخلنا نشوف ابوية اخير مره قبل ما يدخلوه للثلاجه.. ومن شفت وجه ابوي وهو ميت
قررت ارجع حقه.. ان كان من شريف او من ابوه ما يفرق
عشت يتيمه الاب لمده 7 سنوات
يعني من صار عمري 20.. بديت مهمتي
مع العلم ترا اهل شريف نقلو لغير بيت بس جبت عنوانه
بهاذي السنين اشرف ارتكب هواي جرائم بحق اعداء والده هدفه الاساسي هو كان التخلص منهم كلهم قبل ما يموت والده
بس عمي رسول توفى من التعب والاجهزه الي عاش عليها لمده 3 سنوات
صار اشرف من اشهر المجرمين ب ايطاليا لدرجه صارت عنده مافيا
محد صار يكدر يلزمه دائما من توصل الشرطه يختفي
اووه.. نسيت اكول الكم
اني هسه.. الضابطه صبا
بيوم من الايام جبت لوحاتي وكعدت ابيع بيها وصدك جانت اكو ناس تشتري ف قررت اروح اشتري كم ورده من الشارع الي مقابيل مكان لوحاتي فـ اني وامشي
اجت سياره كلشي سريعه بس لمن صرت كدامها السايق
خفف السرعه وانضربت برجلي عالخفيف
نزل السايق وخلاني اكعد عالمقعد الي عالرصيف
واعتذر مني وسألني اذا محتاجه شي
جان كلش مستعجل بس مع ذلك بقة يمي ويتعذر
بس بعدين راح
السايق.. جان اشرف!!
مرت وراه سيارات شرطه سريعه كلش ديلحكونه
رحت للمستشفى بسبب الم رجلي وخلوني امشي على عكازات مؤقته
رجعت للمكان نفسه اليوم الثاني علمود اكمل شغلي
اشرف: صباح الخير..؟
صبا: اهلا صباح الن.. انتت؟؟
اشرف: اي اني هههههه
صبا: وتضحك فوكاها متشوف شصار من وراك
اشرف: تعالي زين نتمشى شوية واشرحلج
صبا: اذا ما اقتنعت بشرحك متلوم غير نفسك
اشرف: مبدئيا جنت مستعجل وجان عندي شغل
بعدين الغلط منج اني سألتج اذا اوديج للمستشفى لو لا
وكلتيلي لا م بية شي وسلامتك
صبا: اني الي كلتلك امشي على سرعه جبيره؟
يعني مثلا مو اني الي اندعمت ودعمت غيري وصارت اصابات قوية عدها.. شتسوي؟
اشرف: بسرعهههه اخترعتي سيناريو جديد..!
دقيقه انتي عراقيه؟ هستوني انتبهت ل اللهجه
صبا: اي اني من بغداد
اشرف: اني هم من بغداد.. اسمي اشرف.. اشرف رسول
صبا: اشرف رسوووولل؟؟؟؟ انت.. انت الـ؟؟
اشرف: اي اني المجرم الي محد ديكدر يلزمني
صبا: وحق الله ما اكول لاحد بس لا تكتلني
اشرف: شدعوه تره اني مو لهلدرجه خطر وانتي شنو اسمج
صبا: اني اسمي صبا..(صوت دراجه قوي كلش)
صبا امير احمد
اشرف: (ما سمعت اسمها الكامل بس استحيت اكول الها ما سمعته واطلب منها تعيده)
اشرف: تشرفت بيج صبا
صبا: لا لا لا ميحتاج تطلع سلاحك
اشرف: داطلع تليفوني شبييج؟
انطيني رقمج علمود اتكلف مصاريف المستشفى
صبا: سددتهم اصلا
اشرف: زين ارجعلج اياهم
صبا: هههه لا ميحتاج
ومشيت متجهه للتكسي الي وكفته علمود اروح لبيتي.. بس قبلها
صبا: ******077
اشرف: اوكييي 077**** شنو اخير رقممم؟؟
صبا: 9
اشرف:اوكيي 9
رجعت لبيتنا.. خلصت اول مهمه الي هي خليت اشرف يتقربلي ومع مرور الايام.. راح يقتربلي اكثر واكثر
اتفهم انو هاي حقارة وممكن اخدعه
وراح تكولون ابوه الي قتل ابوج اشرف شعليه
اني سبقا وگلت اذا ما اخذت حقي من ابوه.. اخذه منه
طولو صبركم.. الايام هواي
يتبع...
