احداث سابقه:
رجعت لبيتنا.. خلصت اول مهمه الي هي خليت اشرف يتقربلي ومع مرور الايام.. راح يقتربلي اكثر واكثر
اتفهم انو هاي حقارة وممكن اخدعه
وراح تكولون ابوه الي قتل ابوج اشرف شعليه
اني سبقا وگلت اذا ما اخذت حقي من ابوه.. اخذه منه
طولو صبركم.. الايام هواي
كعدت من نومي وشفت تليفوني ولكيت اشرف دازلي رساله ديكولي بيها..
اشرف: عندج شي اليوم؟
صبا: لا ما عندي شي
اشرف: تجين نشرب كهوه؟
صبا: عادي ما عندي مشكله
اشرف: تمام ساعه 6:30؟
صبا: هاهيه
رحت رتبت نفسي واخذت احتياطات واخذت تليفوني
ورحت للمكان الي اتفقنا عليه اني واشرف
دخلت للمطعم واشرلي اشرف بيده
صبا: هلاااو شلونك اليوم
اشرف: زين الحمدلله وانتي.. اقصد رجلج شلون صارت
صبا: زينه نوعا ما فد كم يوم واشيل العكازة
بقينا نسولف اني واشرف ونضحك
اشرف: صبا انتي متزوجه؟
صبا: لا اني مطلقه وعندي اربع اطفال
اشرف: تحجين صدك؟
صبا: اي شبيك ههه؟ اجي هنا كل فتره علمود يشوفون ابوهم
اشرف: الله يحفظهم..
ضحكت بصوت عالي بنص المطعم ودمعت من الضحك
صبا: بربك صدكت اني مطلقه؟ شكلي مال وحده مخلفه اربعه؟ هههههههههههههه
اشرف: يعني انتي ممتزوجه ولا شي
صبا: لا وين يمعود بعدني
اشرف: صباا.. عندج مانع نصير اصدقاء؟
صبا: وتخلي الاسلحه على صفحه؟
اشرف: اخليها على صفحه تمام
صبا: يلة نصير اصدقاء ماعندي مشكله
اشرف: اليوم امي عازمتج عالغدة
غصيت بالكهوه وكلتله:
صبا: امككك؟
اشرف: اي امي شكو بيها
صبا: لا لا لا ماكدر اجي
اشرف: صبا والله ما نسويلج شي هاي شبيج
صبا: زين شنو رأيك بشغله
اشرف: كولي بس فد شي حلو مو يموت الواحد ما صارلي اسبوع من عرفتج
صبا: جدتي عندها شقة تصير عالجبل والثلج شنو رأيك نروح الها
اشرف: لجدتج؟
صبا: لا يا غبي للشقه
اشرف: شوكت
صبا: بكيفك عاد اني كل وقت متفرغه
اشرف: نروح بعد اسبوع
صبا: هاهيه تمام
اشرف: اوك
صبا: تعال اكو حديقه ليجوه خلي نروح نشوفها
اشرف: شمدريج اكو حديقه ليجوه
صبا: بابا عندي اساليبي الخاصه متدري انت
اشرف: تخبل
صبا: منية؟
اشرف: الـ الحديقه شبيج
وجانت اكو بحيره صغيره هيج تصير مثل الجرف
ف اني وداشوفها لاشرف عثرت وجنت راح اوكع بيها
اشرف حضني علمود ما اوكع بس ما سيطر لان صارت بسرعه وكعنا سوة
صبا: شفت وكعنا من وراك
اشرف: لا صدكك؟؟
صبا: هيهيهيهيهي
يتبع..
