خُذني اليكَ
لنكُن مواطن هادئه لبعضنا .
ايلاف : حسيت اكو نغزه بكلبي ومرتاحيت
وشوي اسمع انو نقيب وكلها شرطه وأمن ترسو المستشفى علموده وهو بس يصرخ
كلت اشوف شصاير دخلت وأشوف عمر كله دم أيده وصاير عيونه عمر وشلون الأسد يلي ماخذين فريسته منه
ويصرخ عليهم محد بيكم كدر يلزمه ياحيف بيكم وبس يرزل بيهم
عمر : هذا النذل صوبني وشرد ومكدرو يلزمونه بديت أصرخ بيهم وهمه بس مدنكين رأسهم ويدي منا تنزف
وشوي اسمع صياحح باسميي
ايلاف : بلا وعي صرخت عمرر
عمر : شفت ايلاف صرخت باسمي طلعو جايبيني نفس المستشفى الي تشتغل بيهه
ايلاف : هاي شنو شصاير وليش هيج دم واصرخ بيه
عمر : محسيت بشي بعد اصراخهه وفقدت الوعي لان نزفت هوايي
ايلاف : من شفته وكع كبل دخلته عمليه وطلعنه رصاصه بيده
وبقه يوم كامل مكاعد
ومنتضرينه وأمه خطيه بقت وأخو الزغير بس يبجي عليي
عمر : فتحت عيوني وبل قوه اشوف
ايلاف : خالتي خالتي فتح عيونه
كبل ركضت اله وقست كلشي اله
وشفت رجعت كلشي تمام وبقه يفتح عيونه واني اكول عمر تسمعني
عمر : اسمع صوت وممركز عيوني مغوشه
ايلاف : فتح عيونه وأمه كامت تهلهل وخرت وطلعت انيي
عمر : ركزت وشفت ايلاف وراها راحت
ام عمر : يمه الحمدالله علا سلامته
عمر : الله يسلمج يمه
وبقيت يومين ويجي دكتور يشيك الي الوضع وطلعت
ايلاف : مكدرت ابقه طلعت وكمت ابجي اول مره أضعف هيج وراها خليت دكتور يعاينه واني اشوفه بل ليل
وراها يومين وطلع واني اشوفه كداميي بس هوه لا ميكدر
عمر : حسيت من طلعت اكو شخص يراقبني بس غلست
وصلت للبيت وبقت ناس رايحه جايه وام كاظم مقصرت هم
وراها 15ورحت افتح الخيوط
وتقصدت اروح اليلاف
ايلاف : مرت الايام وامي تحجيلي عن تحسن عمر بس بقت بكلبي النغزه الحسيتهه علي وكانو كلبي جان يحس انو هوه تئذه
عمر : وصلت وطلبت دكتوره ايلاف
ايلاف : طلبني شخص افتح خيوطه مالت العمليه وكلت يمكن واحد من الي سوتلهم عمليه
