نيروان:
كملت زيارة ورجعت للبيت بس احس نفسي خفيف و أول مره هيج أرتاح
صبح الصبح و قررت اروح لشاهين وأعتذر منة وحتى لْـۆ يقبل ابوس رجلية هْم موافق
رحت وتوكلت على •اللّـہ̣̥ واني اردد بداخلي "سبحانك لٱ آله الا أنت ،سبحانك اني كنت من الظالمين فعلًا كُنت ظالم نفسي وظالم شاهين وياي بس هو شنو ذنبة يتحملني ؟
طلعت من الشقة واني اغلق بابهه بالمفتاح بس خايف واطرافي ترجف مو خوف لٱ والله وانما خجل! من الي تعب وكبر و سهر ليالي وأيام علي في سبيل اكون ڵـهٍ سند وانا شسويت بتالي تركت الجمل بما حمل و غادرت حياتهم مثل نسمة هوه جتاحت ليالي آب " طلعت من بيت شاهين واني بس جسد بلا روح روحي هناك كانت يم شاهين انا شاهين احبه حب أبن لأبو واحب اختي واحب امي تنسيم وحتى بيبي سمية هم احبه ما كرهتهم بيوم، بس كلام سمية كان حقيقة والحقائق دائمًا صعبة على الانسان،
لذلك غادرت بيتهم بهدوء بدون ما اواجه شاهين واكولة اسباب خروجي
طلعت منهم وتارك ذكرى حلوه بداخلهم
بس هسة اني محتاجهم وياي يوكفولي بزواجي
بس خايف من رد فعل شاهين من يشوفني!
رجعني من صفنة ذكرياتي ابو التكسي وهوه يكولي وصلنة نزلت لشارع الي يوصلني لبيت ابوي
ولخجل يسري بطرافي
" ألف كلمة وكلمة لا تزال عالقة في حنجرتي كالغصة لم أخبرك عنها قبل رحيلك، أولها أحبك أبي وأشتاقلك كثيراً."
شاهين:
من يوم الطلع بي نيروان من البيت واني ما ضل شخص ما كلفتة يدور علية لحد ما يوم كاعد بالمحل واجة ولد شاب كال اليوم شفت أبنك بشارع نايم
انا جنت كاعد من سمعت كلامة وكفت من طولي اني ابني بشارع كتلة نطيني العنوان انطاني العنوان تشكرت منة ورحت للمكان من الصبح لحد الليل انتظرة اجة وريت عيوني لاشافتة بذاك الحال
التعب واليتم واضح علية شفتة خلة ادينة جوة راسة ونام بالحدايق رحت لصديقي عندة محل معجنات كتلة هذا من طرفي شغلة وياك و نطي اجور وانا كل شهر انطيك مضاعف المبلغ التنطي اله
وكولة ذا ماعندك مكان تنام بي نام بغرفة الأستراحة مال العمال ..
وبقيت كل يوم اروح للفرن اشتري وشوفة شلون يشرد مني ويباوع من بعيد
جنت اشوفة شلون بليل يجي للبيت يباوع ويبجي
بس كلت خل يعتمد على نفسة اني ما دايم الة خل يتعب ويحس نفسة بتعبة وصل لـ هذا المكان من جهدة خليني من بعيد أشاهد ثمرة تعبي و رباي ..
وَيَاأُبَتِي ،تَلَاشَى ذَلِكَ التَّعَبُ گشَمْسٍ خَلْفَ تِلْكَ الْقِمَّةِ
