قد ضيعوا لهفتي
وانزلوا دمعتي
ليت الليل يختفي
ان ضهرت حيرتي
بعد ما رجعت ندى وهي حالته غريبه رحت لغرفتي ابجي لان حسيت روحي غريبه لان مافهموني الموضوع
عزة عززززززززة ماما كعدي ماما فدوة لتموتين
يمه وكع كلبي سمعت ندى هيج تحجي طبيت للغرفه لكيت ماما شبه ميته كم اعيط واملخ بروحي طلعت اركض مثل مخبله رحت على جوارينه بيت خاله هناء ادك الباب حيل بس تطلعلي دخيلك ربي ادك بالباب ما طلعتلي
عفتهم رحت اركض بالشارع لكيت محل عمو علي مفتح طبيت عليه ابجي وحالته فدمرة كتله عمو فدوة ماما تخربطت اريد اوديه للمستشفى ماعندي احد كال ولا يهمج عمو هسه اجيب السيارة واجي
اني رجعت اركض للبيت ما هلكد جنت سريعه وكعت من طولي ما دري شنو طب برجلي لان جنت حافيه
ماعندي مكان وين اودي اختي صغيره سهى حيره بس ربي جبير كلت ماعندي حل بس ارجع بيت خاله هناء همزين طلعتلي ابتهال بنته لخاله هناء كتله فدوة بس خلي سهى يمكم كالت من عيوني بس خير كتله بعدين احجيلج
صعدنه اني وندى ماما للسيارة
سيارة كله بس تون امي
دخلناها مستشفى ودكتور كال انتضرو
كعدنا اني واختي وكبالي بنات ثنين بس شنو على اخر حبه مثل ميكولون وكشخه فوووول
بس يتمضحكن اني مادرتلهن بال
بس شو شغلتهن مو طبيعيه التفت الي ندى كالتلي ترة يضحكن عليج كمتلهن عاد
كتلهن ممكن تفهمني على منو دضحكن
ههههههه عليمن نضحك غير عليج حبي
عليه ليش شبيه
باوعت على روحي ثاري من دوخه والاستعجال تكرمون جايه بنعال
مهم طيتهم محاضرة وعفتهن
رحت لدكتور
دكتور فدوة طمني على ماما كال بعده حالته مامستقرة ماكدر اكلج
دكتور فدوة بس يعني راح تتحسن
اعذريني ماكدر اكول من عندي اله من بعد ماشوف حاله وبعد متستقر
سودت دنيا بوجهي وطلعت برة ضليت ابجي وطلعت كل الي بداخلي من جهه حاله ماما من جهه ماعندي غير بس الله الي يعني وسامي مشتاقتله وتمنيته يكون وياي بهل حاله لان ضعيفه دنيا ضعفتي
تمنيت لو موبايلي يمي واتصل عليه واسمع صوته واحجيله الي صار
شفت عامل نضافه جبير بسن رحتله
السلام عليكم عمو
هلا بنتي
عمو بس اريد مساعدة منك
