لماذا ولدت "الاصليه"

البارت الاول this one

ملاك malak l

البارت الاول
_________

ـ امشي بالشارع جوه المطر ماعرف وين اريد اوصل او اروح جنطي بيدي وملابسي المُبلله امشي بقلق وحيره وحزن ودموعي الدافئه الينزلن بڪل هدوء على خدودي بين افڪاري المشتته استوقفني صوت هورن مال سياره

ــ مرحبا عمو وين رايحه تحتاجين مساعده؟

ــ بتوتر: لا عمو تسلم ماريد

ــ عمو دنيا تخوف وماڪو واحد بالشارع تعاي اوصلج

ــ شڪرا عمو بيت اهلي قريب هسه حوصللهم

ــ براحتج بويه

ــ راح الرجال واني الخوف اخذني الوڪت مشى ومنتبهتله لان جنت افڪر ضليت امشي سريع حته اوصل لابعد مڪان حته ميشوفوني ويعرفوني

وصلت لشارع بيه هواي سيارات ولڪيت ڪيه رجال جبير يمتلڪها وسمعته يصيح - بصره ـ بصره ـ

ـ اعتقد هو احسن مڪان وابعد مڪان لازم اروحله حالياً صعدت واني دموعي عشره عشره بعدني ممفارڪه محافظتي وحسيت بغربه شلون ذا اروح واعيش هناك زين شلون ذا لڪوني وڪتلوني بحجه غسل عار وبين افڪاري قاطعني صوت مره جبيره بالعمر

ــ يمه انتي حديثه وين رايحه وحدج وين اهلج عنج؟

جاوبتها واني خايفه " لا حجيه مو اني جيت هنا علمود ڪُليتي قبل اربع سنين بالاقسام الداخليه عشت وهسه راجعه لاهلي بالبصره

ــ زين يمه عليمن هلبجي المفروض تفرحين

ــ شلون افرح واني راح افارك صديقاتي العشت وياهن ڪلهسنين

ــ حقج يمه حقج الله يبرد ڪلبج بنيتي ويدليج علطريق الصح

ــ ابتسمتلها مجامله ودرت وجهي علجامه والوم روحي لان جذبت عليها بس ماعندي غير هلعذر "  اباوع للطريق واتسائل بين نفسي هسه هم ڪعدو ودورو عليه زين هم افتقدوني' طردت كل هاي الافكار من بالي وڪلت باستهزاء
ــ شلون يفتقدوج وانتي صارلج خمس ايام ڪاعده بالسطح المقفل بالسندويج ومحد يجيبلج اڪل لو شرب هم زين من عمي من اجه فتح القفل وانطاني اكل وعافه مفتوح لان سكران ومطفي وممنتبه لنفسه وڪدرت اشرد منهم
وهسه اعتقد اجه الوڪت الي لازم اعرفكم علروحي

مرحبا " اني مريام عمري 20 سنه من بغداد

ماحب امدح روحي هواي بس راح احجيلكم شويه عن شڪلي اني بيضه شعري لونه جوزي وعيني لونها اخضر غامق رشيقه بس مو عوده يعني بيه لحم ههه لون عيني اخذته من امي وجسمي ڪذلك اما عن شعري وبشرتي فاخذتها من ابويه عندي 2 اخوان الاول والجبير اسمه عُمر عمره 24 اما الثاني اسمه اسامه عمره 22 وعندي اخوات 2 توأم زهراء وعذراء عمرهن 5 سنوات يعني اني الوسطانيه اما عن ابويه فاسمه فيصل عمره 53 سنه وامي اسمها هيام عمرها 45 سنه عائلتنه من النوع الهادئه صح هواي افراد يعني 5 اطفال بس ڪلنه جنه هادئين وامي من النوع البارده لدرجه وابويه جان عصبي بس بحدود يعني مو مثل البارود لا جان من يعصب عصبيته عاديه جنه ڪاعدين ببغداد باحد مناطقها الهادئه المهم " اني حاليا والمفروض اڪون مرحله ثانيه ومقبله على مرحله ثالثه لڪن للاسف حاليا اني مرحله اولئ صيدله حصلت على معدل بالسادس 97 وڪلت خليني اروح صيدله هم حلوه وهم ارفع راس اهلي بيه اخويه عُمر جان يڪره المدرسه فبالدفع يلا راح سادس وشد حيله وراح قسم عسڪري وهسه هو حيتخرج من ڪُليه عسڪريه اما اسامه فهو مهندس معماري اخواتي بعدهن ممسجلات مسحت دموعي الي ميرضن يوڪفن ابد وسألت مره الڪدامي