_ أشرقي و كأن الكون كله لكِ.
Shine like the whole universe is yours.
البارت العاشر
ـــــــــــــــــــــــ
القصه منقوله على لسان تبارك
مرحبا اني تبارك عمري 23 سنه طبعا عائلتي متكونه من 5 بنات و3 ولد الاول اسمه امير عمره 33 سنه اڪبر واحد باخواني تليه اختي ريتال عمرها 30 بعدها اخويه نمر عمره 29 بعدها اختي استبرق عمرها 27 بعدها قمر عمرها 26 وبعدها هيثم عمره 25 تليه اني واخر العنقود بيان عمرها 15 سنه اما ابويه وامي قصه عشك بينهم رغم ڪبرنه بس بعدهم واحد يعشق الثاني واحسدهم صراحه هههههههه ابويه اسمه جاسر عمره 60 سنه اما امي حياه عمرها 55 سنه احنه من بغداد بس الحظ خلانه ننتقل للبصره يم بيت جدي وعلمود شغل اخواني وابويه.
طبعا فهد ابن اختي استبرق اما زوجها ڪان ضابط ويا نمر اسمه غيث طبعا علاقتهم ڪلش حلوه قبل 3 سنوات تزوجو والفرحه واضحه بعينهم وجانو يجونه بين ڪل يومين والفرحه تريد تطلع من عيونهم صح فهد مو اول حفيد بس معزته خاصه وبيوم اجتي استبرق مستعجله
استبرق ــ هاج بيون هاج
حياه ــ شڪو شبيج وليش تارڪه فهد
استبرق ــ ماما مستعجله اريد اروح اني وزوجي نحتفل بدون مناسبه
بيان ــ تخبلتو انتو شنو تحتفلون بدون مناسبه شبيڪم وثانيا اخذي ابنج مني مو تدرين بيه يڪرهني
استبرق ــ اي عيني ليش مضغوطه اني ووزوجي نحتفل بدون هذا (تأشر علئ فهد) هههههه بزعني بس يبجي خلي يم توتو حبيبتي هو يحبج يجوز نتأخر.
تبارك ــ وشنو هنا حضانه
استبرق ــ والله ذڪرتيني لو موديته بحضانه اساور هواي اشرفلي منكم
حياه ــ دولي ولي ام حلك ملطخه روحج مڪياج ميحجي وياج رجلج
استبرق ــ نو حبيبي يحبني انطيني فهودي ابوسه واروح
باسته وراحت وفهد ضل يبجي اخذته امي لانو متعلم عليها وسڪت مرت الساعات وصارت ساعه 1:00 بليل ونمر اجه معصب مدري شبيه
نمر ــ يمههه وينجج يمههه
حياه ــ ولكمم هاا مارتاح مارتاح
نمر ــ هسه اني شحجيت مو صوجڪم
حياه ــ تعال ولك شبيك
نمر ــ يمهه وين استبرق ليش اتصل عليها وماڪو وغيث هم مااحصلهم ليش
حياه ــ واني شمدريني وهيه ڪالت اتأخر لتنتضروني
نمر ــ اي زين جيبي فهد اطلعه وياي
حياه ــ ولك يمه عمره 9 اشهر شتطلع منه
نمر ــ يمه شنو السالفه شبيج قابل ماحافظ عليه
حياه ــ دهاك هاك مو تجيبه وتڪلي ليش يبجي
ديحجون ونزل امير
أنت تقرأ
لماذا ولدت "الاصليه"
Gizem / Gerilimبنت تائهه لا تعلم ماذا يحدث لها في المستقبل وماذا تڪون نهايتها دعونا نستكشف مغامراتها
