تلاشت الابتسامه رويدا رويدا من يعيد لنا تلك الوجنات الضاحكه من يعيد لنا الحياه السابقه الخاليه من الهموم والالم
____________________
البارت العشرون
لاتنسون التصويت
____________________
(مريام)
مريام: الو
عباس : اهلا وسهلا بالحلوه شلونج؟
مريام: منو انتَ؟
عباس : هسه شعليج المهم شلونج شلون صحتج؟
مريام : شتريد انت مني شتريد فوك ماشوهت سمعتي جاي تحجي وياي
عباس : حلو يعني عرفتيني؟
مريام : طبعا شلون لعد ماعرفك انت الانسان القذر والوسخ
عباس : لا لا لا مريام لا مو مستقبلج ڪله بيدي وحاضرج وحياتج كلها بيدي تدرين اذا احجي لعمر وين انت لو احجي لعمج علي وين انت شنو راح يسوون؟ بلا ابوج خيخه ميفيد لا يحل ولا يرب...
غلقته بوجهه وكسرت الشريحه مالتي وجسمي يرتجف خوف لان اعرف عمو علي ڪلش زين شلون يكتل بدم بارد بشغله الشرف لو عمر وحتى ووان ممسويه شي يكدرون يكتلوني لان شردت ونزلت راسهم بالمنطقه غمضت عيني وسرحت بفكري
الى متى اضل هيج احارب وحدي تعبت من كلشي اكدر انهي كلشي حاليا بس الواكف بعيني عقاب ربي لو مو حرام جان سويتها من زمان وخلصت اتخلص من حياتي واتخلص من البشر لكن حرام!!!
نمت ماعرف شلون كعدت ثاني يوم الصبح بدلت بسرعه ورحت للحضانه
اساور : ها خيه هلو
مريام : هلو شلونج
اساور : شبيج شو وجهج اصفر تعبانه؟
مريام : لا لا يمعوده كلشي مبيه
تبارك : ها خونه دتحجون من ورايه؟
اساور : كملت السبحه روحن روحن للغرفه راح يجون الاهل
رحت للغرفه اني وتبارك
مريام: لعد ليش مجبتي فهد وياج؟
تبارك : مو نمر ماخذه ويا وبقو بشقته
مريام: ها
بقيت ساكته طول اليوم افكر شنو راح يصير ببالايام الجايه وتبارك كلساع مصيحه عليه لان مااحجي
تبارك : هاي هيج ضايجه لان مجايبه فهودي باجر اجيبه
مريام : تمام
تبارك: هيو شبيج هيج شادتها
مريام : مابيه شي والله
تبارك: ضايجه لان عباس عرفج؟
مريام : ممم
تبارك: وشعليج بيه قابل؟
مريام : تبارك شلون شعليه يعني؟ انت تعرفين عمو علي شيسوي؟ اذا دره شنويسوي؟ ابسط مثال يڪرموني والله متعرفيهن هم من توصل الشغله يمي يشربون من دمي بس يم غير ناس لا عوفي عمامي على صفحه تدرين اخوتي شنو ممكن يسوون؟ اسامه جان وياي دائما وغدرته وشردت اما عمر من زمان كارهني ومتحلف بيه اكيد هسه زاد تبارك متعرفين شنو ممكن يصير بيه مجرد ينطق عباس
أنت تقرأ
لماذا ولدت "الاصليه"
Mystery / Thrillerبنت تائهه لا تعلم ماذا يحدث لها في المستقبل وماذا تڪون نهايتها دعونا نستكشف مغامراتها
