قلب مشوه

بارت ٣

هــذولــه احــنــه
للـما عرفـو مـلامـحـنـه
ولا نـشـدونـه مـتغيـرين  تعـبانيــن
لامـيـتـين
صـار سـنين مــن مـتـنه

- ضرغام لطيف

بقلم أسيل الطائي

# قلب مشوه

   ....................................................................................

گال الكلام وراح اني بقيت بمكاني ما اعرف شنو اسوي گمت قفلت الصيدلية واتصلت على ابوي

رنيم :- بابا قفلت الصيدلية شوية تعبانة

- بيچ شي اجي اخذچ للمستشفى

- لا لا بابا ما يحتاچ

- ماشي بنيتي،  مع السلامه

- الله يسلمك

وبعدين اخذت تكسي ورچعت للبيت وصعدت لغرفتي وحطيت رأسي ونمت

......................................................................................

ارياف

مثل كل يوم گمت صبحت على امي واچت رنيم واخذتها وصلتها وبعدين رحت على المحكمة ومرفعات ولغوة ودوخت رأس المهم خلصت ورحت اتغديت وبعدين رحت احجز يم الدكتور

ارياف :- السلام عليكم

- وعليكم السلام،  تفظلي

ارياف :- ممكن حجز بسم ارياف محمد

- ماشي باجر الموعد على الساعة أربعة

- تمام

رچعت على البيت

ارياف :- شلونچ يمة

- بخير يمة تغديتي

ارياف :- اي،  رايحة انام شوية

صعدت نمت ورى تقريباً تلاثة ساعات گعدت رأسا اتذكر رنيم چانت تعبانة اليوم ونسيت ما دگيت عليها اطمن اتصلت عليها مرة مرتين تلاثة والمرة الرابعة ردت

رنيم :- شبيچ ما تخلين واحد مطمور يعني واحد من اول مرة ما رد يعني ما يريد يرد

ارياف :- شبيچ اكلتيني حاصل فاصل والله مو صوچچ صوچ ارياف الغمة  الچانت خايفة عليچ يلة امشي ولي

رنيم:- لا لا اوگفي اريد اشوفچ ونحچي سوى

ارياف :- ليش شنو الصاير

رنيم :- تعالي وانتي تعرفين

- ماشي چاية

نزلت ورحت على رنيم دخلت بيتهم چانت خالة ام رنيم بالمطبخ

ارياف :- شلونچ خالة

- زينة الحمد لله شلون الوالدة

ارياف :- زينة بخير،  خالة وين رنيم

- فوگ بالغرفة

- ها خالة صاعدة عليها

- البيت بيتچ يمة