انا محمد عادل طالب في كليه طب والحمد لله اول على دفعتى 4 سنين ...وعلاقتى كويسه مع اصحابي ودكاترتى ف الكليه ...وكنت عايش حياه جميله وهاديه ومفيش فيها اي مشاكل او اضطرابات لحد ما ف يوم اتقلبت كل حياتى .... يومي كان روتينى بيمشي طبيعي جدا بصلي الفجر واقرا قران وبعد ما اخلص بلبس واجهز نفسي واخرج اقابل زمايلى ف الكليه احمد ومريم من اعز اصحابى اللى قابلتهم في الكليه وبنحب بعض جدا
احمد طيب جدا وفضولي بطريقه رهيبه بيحب يسال عن كل كبيره وصغيره بس من اذكى الناس اللى عرفتها ...مريم مش بعتبرها صاحبتى وبس بعتبرها اختي التانيه زى اختى مهما بالظبط بتهتم بادق التفاصيل وبتخاف من اقل الحاجات ورغايه شويه الصراحه بس رغم دا كلو شخصيتها وهي لطيفه جدا ودمها خفيف ....
وف اليوم دا اتنقل للكليه طالب جديد باين عليه انه غنى او هو اللى عامل نفسه غنى من تصرفاته وطريقه كلامه مع غيره وتكبره بس اللى لاحظته عليه ان كان ليه تصرفات غريبه جدا لما بيبقى قاعد لوحده .....بعد ما خلصت محاضراتى ودخلت كافيتيريا الكليه مع احمد ومريم وقعدنا سوا ...
احمد : شفتو زميلنا اللى لسه منقول جديد للكليه دا ...؟!
مريم : اه شفته ..وباين عليه غريب كدا .
محمد : انا كمان شفته لانه حضر معايا اخر محاضره.
احمد : طيب اي رايكو فيه ...؟!!
مريم : انا شايفه انه غريب جدا الصراحه ومنطوي ولو كلم حد بيتكبر عليه وشكله بيقول انه مش لطيف خالص .
محمد : انا شايف ي جماعه انه عكس الكلام دا... انه تقريبا خايف او هو منطوي على نفسه وكلامه بتكبر دا عشان يعمل شخصيه بس مش اكتر .
احمد : لا ما اظنش كدا .
محمد : ع العموم دى كلها اراء احنا ما نعرفش حاجه عنه غير الظاهر بس .
مريم : معاك حق ي محمد .
محمد : طب يلا بينا نروح نكمل محاضراتنا .... انا عندى محاضره عند دكتور ابراهيم السيد..... محاضراته مفيده جدا وشخصيه ظريفه .
احمد : خلاص اشطا ... انا عندى بحث لازم اعمله ف هروح انا المكتبه .
مريم : انا مش ورايا حاجه ف هاجى معاك ي احمد اساعدك او اقرا كتاب ..
محمد : خلاص تمام ونتقابل بعد ساعتين عشان نروح مع بعض ..
دا كلو لحد هنا طبيعي بس الغريب ان الطالب الجديد دا قدي وحضر معايا محاضره لغه الجسد وكان ف البنش اللى قدامى .... ما ركزتش معاه اوى وركزت مع الدكتور وشرحه ...المحاضره كانت عن لغه الجسد وازاى افهم الشخص اللى قدامى من تصرفاته وحاجات معينه هو بيعملها واعرف اذا كان بيكدب او لا ودا مثلا عن طريق العيون وحركتها او توتر بيظهر ف الوش او غيرها ..... بس فجاه زميلنا دا بصلي ....
وقالى بصوت هادى : ازيك ... انا زياد .
رديت عادى : اهلا انا محمد ... انت جديد هنا صح ..؟!
زياد : اه لسه جديد ... لسه جاى هنا من يومين واول يوم ليا هنا النهارده ...
محمد : نورت مكانك وما تحسش بخوف او رهبه عشان انت لسه جديد وكدا واى حاجه تحتاجها انا تحت امرك ف اى وقت .
زياد : تسلم ي محمد... ممكن رقم تليفونك.؟
محمد: ايوا جدا مفيش مشاكل... اتفضل انا كتبته ف الورقه دي
زياد: شكرا جدا
بعد ما خلصنا المحاضره وخرجنا انا قعدت اسال نفسي اسئله كتيره عن زياد ...يعنى ازاى من بعيد يبان متكبر او غريب .. رغم انه كان طبيعي جدا معايا وخجول وهو بيتكلم معايا ... واللى لاحظته كمان مفيش تكبر او غرور ف طريقه كلامه خالص ولا دا عشان ما اتكلمتش معاه كتير ...جايز ظلمناه انا واحمد ومريم وجايز بردو كلامنا صح ... ع العموم الايام هتثبتلنا اى الصح واى الغلط .
قابلت احمد ومريم زى ما كنا متفقين وكدا وروحنا زى اى يوم عادى .
تانى يوم بقى صحيت على غير العاده على رنه تليفون من زياد ....
زياد : الووو ..(بصوت غريب)
محمد : الوو .. ايوا ي زياد
زياد : صباح الخير ي محمد
محمد : صباح النور .. خير ي زياد اؤمر ...
زياد : ممكن طلب ي محمد ..؟!
محمد : اتفضل ي زياد ..
زياد: ممكن تقابلنى النهارده ف المكتبه لانى ما بداتش من اول الدراسه عشان اجراءات النقل و كدا اتأخرت شويه ف الدراسه ف محتاج مساعده منك.
محمد: ماشى موافق أمته كدا..!؟
زياد: ممكن بعد م نخلص محاضراتنا ..!؟
محمد: اه عادى مفيش مشاكل.
زياد: خلاص تمام اتفقنا
محمد: خلاص تمام... سلام
زياد: سلام.
بعد المكالمه دى استغربت من صوته لانه كان غريب شويه مش صوته الطبيعى حسيت ف حاجه بس قولت اكيد عشان هو لسه صاحى و كدا.... نزلت زى العاده قابلت احمد و مريم و حكيتلهم كل حاجه.
احمد: طب هتروحلو ولا اى...!؟
محمد: اه عادى هروحله..
مريم: هتبقوا لوحدكوا و كدا...!؟
محمد: اااه.. ف اى يا جماعه.. عادى مش عشان غريب نخاف منه او نعاملو كانه مش زينا بلاش عنصريه.
احمد: خلاص تمام... بس طلب!؟
محمد: اتفضل ي احمد
احمد: ممكن اجى معاكو!؟
محمد: لا بلاش المرادى.... خليها مره تانيه.
احمد: ماشى بس لى لا.!؟
محمد: عشان عاوز اكون معاه لوحدى عشان افهم اى سبب كونه غريب كدا و اقدر افهم شخصيته اكتر ف خليك مره تانيه ابقى اجيبك معانا.
احمد: خلاص ماشى
مريم: تمام ي محمد و ابقى احكيلنا عملتو اى.
محمد: حاضر اول م ارجع ان شاء الله.
خلصت كلامى معاهم وروحت عشان الحق المحاضرات بتاعتى ....بعد ما خلصت المحاصرات قابلت زياد وروحنا المكتبه ....
زياد : بص ي محمد الصراحه مش جايبك معايا عشان مذاكره ..
محمد : اومال اي ي زياد ..؟!
زياد : انا الصراحه في مشكله بتحصل معايا من فتره قريبه ومحتاج حد يكون شاطر زيك يساعدنى فيها ..
محمد : مشكله ف المنهج يعنى ولا مشكله شخصيه ولا اى ..؟!!
زياد : لا هى مشكله من نوع تانى ..هنروح المكتبه وهناك هفهمك كل حاجه ..
أنت تقرأ
الجاثوم
Horrorقصه من وحي خيال الكاتب وهي عباره عن جاثوم شيطاني يسبب الكثير من المشاكل لابطال القصه
