الجاثوم

الفصل الثامن: اعاده الصياغه

اول ما فتحت الكتاب الدم نشف ف عروقي انا واصحابى واتجمدنا ف مكاننا.... اتضح ان الشيطان حاطط صوره لمريم وصوره لابراهيم وعامل عليهم اكس بالدم على صورهم...

ابراهيم:  لازم نحل الموضوع دا بسرعه...!!
محمد:  دلوقتى حياتنا احنا التلاته بقت ف خطر
مريم:  هنحل الموضوع ومفيش حد فينا هينضر او حتى يتاذي....
محمد: ثوانى ي جماعه....!!
ابراهيم: في اي ي محمد..؟!
محمد: المقدمه بتاع الكتاب اتكلمت عن اليومين اللى الشيطان قال عليهم.....
مريم: يومين اي...؟! وهيعمل اى ف اليومين دول...؟!
محمد: مش عارف لسه هنشوف اهو...
ابراهيم: طب اقرا ي محمد...
محمد:  ف بدايه المقدمه اتكلم عن الشيطان انه اسطوره وانه روح شريره وان الكتاب دا سجن للارواح دى وان فيه الطريقه لسجن اى روح فيه وبعد كدا بدا يتكلم عن الاضرار اللى بيسببها وجه ف جزئيه اتكلم عن اليومين اللى قال عليهم...
مريم: قال اي عن اليومين دول ي محمد..؟!

محمد: قال ف المقدمه:" ان ف اول يومين الشيطان بيسيطر على حواس الجسم زى النظر واللمس والسمع وغيره م الحواس وبتكون سيطره ضعيفه مش كامله للحواس واما اليوم التانى ف بيبدا يسيطر على اجزاء من الجسم زى الايد او الرجل او غيرهم اما بعد اليومين بيكون سيطر على جسم الشخص سيطره كامله ويقدر يتحكم فيه بالكامل...."
ابراهيم: يعنى كدا يعتبر الشيطان لسه ما اتحكمش فيك ي محمد...؟!
محمد: ايوا لسه ولازم نحاول نمنعه بسرعه.....
مريم: طب حاول تشوف طريقه ف الكتاب نمنعه بيها ي محمد

دورت ف الكتاب كتير لحد ما لقيت جزئيه بتتكلم عن الجاثوم وازاى تسجنه ف الكتاب وانه لازم تتم العمليه دى ف ضوء القمر وكان فيه معاها جمله  غريبه كدا وفي تحذيرات جنبها انها لازم تتقال عشان نسجن الشيطان و كانت بردو مكتوبه بالدم مش حبر عادى زى باقى الكتاب ..

محمد: طيب دلوقتى انا لقيت هنا ان المفروض عشان نخلص منه هنقرا  الجمله دى عليا انا بالليل الساعه 12 ف مكان بعيد تحت ضوء القمر ووقت قراءه الجمله دى هو هيخرج منى وقتها لازم حد يسجنه ف الكتاب...
ابراهيم: طيب هى اى الجمله دى ....؟!
محمد:  الجمله : " الكتاب نسج يحمي  الشيطان"....
مريم: طب ودى جمله تسجنه ولا تحميه....؟!!
ابراهيم: ازاى دا...؟! كدا اكيد في حاجه غلط..؟!
محمد: اكيد ي ابراهيم لان كدا مستحيل نسجنه ف الكتاب لو الجمله دى صح...!!
مريم: طب نحاول نسجنه بالجمله جايز تكون صح..!!
محمد: نجرب بس ما اظنش انها هتنفع....
ابراهيم: كدا هنستنى لحد الساعه 12 بالليل ويبقى كدا اول يوم قال عليه عدى....
محمد: ماشي بس بردو هحاول كدا حاجه ف الجمله...
مريم: هتعمل اى....؟!
محمد: هحاول اصيغ الجمله بشكل تانى بحيث اوصل لمعنى يساعدنا لان كدا الجمله دى ما اظنش انها هتساعد بشكلها دا.....
ابراهيم: خلاص تمام جرب كدا...

ف لحظه صمت....

الشيطان: ههههه...... عرفت ي محمد ان حتى بعد ما توصل للكتاب مش هتعرف تعمل حاجه...
محمد: لا هعرف وهسجنك فيه قريب....
الشيطان: ههههه......النهارده سيطرت على حواسك بس ي محمد فاضل يومين واسيطر عليك بالكامل هههه....
محمد: مش هتقدر تسيطر عليا هقاومك ومش هتعرف تعمل بيا حاجه ولا تستعملنى ف انك تاذي صحابى..
الشيطان: ههههه.....احلى حاجه فيك سذاجتك وانك فاكر انك بردو هتغلبنى......مش هيحصل ابدا ومهما وصل بيك عقلك الصغير دا مش هتعرف تمنعنى...هههه
محمد: عقلي دا هو اللى حرقك اول مره...
الشيطان: قصدك اللى حررنى اول مره....هههه مش بقولك عقلك صغير ومش هتقدر تمنعنى......
محمد: هتشوف مين فينا اللى هيكسب ف الاخر....

كل دا صراع نفسي جوايا وبدا يظهر اثره عليا قدام ابراهيم ومريم واول مره يشوفو قد اى بعانى لما بيجي الشيطان جو دماغى....
مريم: محمد..!!! محمد....!! اهدى احنا معاك اهو....!!
ابراهيم: اسند عليا ي محمد وتعالى اقعد ع الكرسي دا

مش سامع منهم غير اصواتهم ومش مركز ف الكلام كل اللى مركز فيه تفكيري وان الشيطان هيكسبنى ولا انا اللى هكسب واخلص منه مفيش قدامى حلول غير انى اكمل للاخر وما استسلمش ليه.....

مريم: ي محمد...!! فوق..ركز....ي محمد..!!!
محمد: ايوا معاكو اهو...
مريم : اي ي محمد روحت فين...؟! بقالك شويه تايه خالص ومش معانا...!؟
محمد: لا مفيش ي مريم...ما تقلقيش.....المهم هنروح النهارده بالليل ف نفس المكان اللى حرقنا فيه الكتاب الاول ونقول الجمله دى ونشوف اى اللى هيحصل
ابراهيم:  ماشي نروح بالليل وان شاء الله الموضوع هيتحل.....
محمد:  دا اللى انتو فاكرينه هيحصل......هههه
مريم:  في اي ي محمد مالك...؟!!! 
محمد:  مفيش... لي...؟! 
مريم:  انت ما قولتش حاجه متاكد...؟! 
محمد:  لا ما قولتش.... انتو سمعتونى قولت حاجه..؟! 
ابراهيم:  اه انت قولت دا اللى انتو فاكرينه هيحصل وضحكت بصوت مرعب...
محمد:  دا مش انا ي جماعه دا هو..... ودا اللى يخلينا نحاول نحل الموضوع اسرع....!!! 
مريم:  خلاص لازم نخلص الموضوع النهارده....

وقبل الساعه 11 بالليل كنا ف المكان اللى حرقنا فيه الكتاب الاول ومستنين الساعه 12 وضوء القمر عشان نقول الجمله اللى هتخرج الشيطان ونسجنه ف الكتاب
واول ما بقت 12 اتجمعنا ف دايره ابراهيم ماسك الكتاب وانا ومريم واقفين

محمد:  يلا ي ابراهيم قول الجمله....
ابراهيم:  " الكتاب نسج يحمى الشيطان "...!!
بس ما حصلش حاجه.... زى ما احنا ف مكاننا ومفيش اي تاثير لا ع الكتاب ولا اى حاجه
محمد:  زى ما انا كنت متوقع الجمله كدا مش صح في حاجه غلط ولازم نوصلها بسرعه...

بس اي الغلط اللى ف الجمله واى اللى محمد وصحابه هيعملوه واول يوم كدا عدى ياتري التانى هيحصل فيه اي