الحياة أقصر من إننا نعيش حياة مش بتاعتنا ..
أو نقبل بأوضاع مش مُلائمة لظروفنا
أو نتحمل حجات فوق طاقتنا ..
أقصر من إننا نِظلم حد .. أو نوجع حد ..
أو إننا نفرط في كرامتنا أو أبسط حقوقنا ...
الحياة أقصر من إننا نزعل على حاجة أو نزعل على حد أكتر من اللازم وأتفه من إننا نعيش شايلين همومنا على قلبنا فـ تطلع على ملامحنا خطوط زعل وتعب ملهاش أول من آخر..
أقصر من إننا نكتِم عتب .. ونمتنع عن كلام جوانا مكتوم محتاج يطلع ..أقصر من إننا نتبِّت في ناس بايعين .. و نحب ناس مش مقدَّرة قلوبنا .. أو نتعايش مع ناس مش حابينها ..أو اننا نيجي على نفسنا عشان خاطر حد ..الحياة أقصر من اننا نعاشر ناس لا احنا شبهم ولا هما شبهنا "بغض النظر مين احسن من مين"، المهم احساس إنك مش مُنتمي لهم ...الحياة أصغر من إننا منواجهش .. ومنقولش للظُّلم لأ .. ونشوف الحق ونخاف نمشي وراه عشان ميتقالش علينا حاجة مش ولا بُد ..الحياة أبسط من اننا ننافق .. أو نطبل للباطل ..أو إننا نستخبى من حد عشان منضطرش نتكلم أو نِسلِّم ...الحياة هتتعاش "مرَّة واحدة" أيوة "مرَّة واحدة بس" بحِلوها ومُرَّها ..محدش بيموت من قرار .. محدش بيموت من فراق .. و افتكر إن أي حاجة انت عايشها رغم كونها نصيبك إن "إيد الاختيار" عامل مهم وقوي فيها ..اختار طريقك..
وافتكر إنك تسعِد نفسك لأن محدش جاي الدنيا يسعدك أو يستعرض إنسانيته تحت أمرك ..
حط نفسك في قائمة الأولويات ..
ومتفقدش شيء من مبادئك عشان اي حاجة مهما كانت هي إيه ..
iyten 💗
