وصيه حياتي❤🧚‍♀️

البارت الحادي عشر

ليال بعصبيه شديده :انت ياغبي نزلني انت بتعمل ايه
يزد بعصبيه وهو يدخلها العربيه ويغلقها :شششش بقي وربنا لو ما خرستي هيكون ليا تصرف تاني
قالها بنبره اسكتتها بعض الشيء
قالت بهمس :همجي
        __________
في القصر بعد ما وصلو ليال ويزد
قالت ليال لماجده:ينفع كده ياماما يجبني بالاسلوب ده
ماجده بحنيه:معلش ياحبيبتي انا طلبت منه انه يجيبك عايزه اتكلم معاكي
ليال باداب:اؤمرك ياماما بس لو علي موضوع الجواز ده منتهي
يزد بسخريه :انتي تطولي اصلا اتجوزك احمدي ربك يا شبر ونص انتي
ليال وخدودها احمرت من العصبيه:شايفه ياماما انا عامله احترام ليكي
يزد بسخريه :وانتي محترمه اووي يابت
ماجده بصرامه لكن بفرحه من تشاجرهم لان المشاجره تاتي بعدها الحب :يزد امشي دلوقتي وبطل الي بتعمله ده
يزد :عيوني ياست الكل، سلام ووجه نظره لليال:سلام يالمضه وذهب
ليال بعصبيه :مستحيل اتجوزه انا مستحيل والله مش هقدر ياماما
ماجده :اقعدي ياقلبي بس
اولا كده يزد طيب والله بيحب يرخم عليكي بس
ليال باستغراب:انتي وجنات الله يرحمها بتقولو كده مع اني مش شايفه طيبه خلاص
ماجده :طيب اسمعي انا بعتبرك زي بنتي والله واكتر وبحبك جدا من زمان وكان نفسي يبقي عندي ولد تاني يتجوزك والفرصه جت اهي فين المشكله
ليال :حتي ياماما افترضنا اني بحب يزد بس بحبه بقلبي عقلي شغال وبيقول مستحيل اتجوز جوز صحبتي لا اختي امي كمان كل حياتي انتو بتقولو ايه بس
ماجده وهي تمسك يدها :عارفه ومقدره الي انتي بتحسي بيه ده بس وصيه الميت واجبه وانتي كده هتتحاسبي
ليال بتصميم:مش مهم اتحاسب
ماجده :طيب يرضيكي جنات تتعذب
ليال بحزن :لا طبعا، بس ده مش هيحصل انا اعمل اي حاجه عشانها الا ديه
ماجده :يابنتي الوصيه ديه لازم تتنفذ لان الشخص بيتعذب في قبره وخصوصا انها كانت بتتعذب في الدنيا هتبقي دنيا واخرا يرضيكي  وكمان ده ذنب ووعد وعهد في رقبتك ليوم الدين وهي مش هترتاح غير لما يتنفذ وهي كانت تعبانه جسديا مش عقليا اكيد فيه سبب يخليها تعمل كده ياقلبي فكري ياحبيبتي فكري عشان خاطر جنات اختك وحبيبتك
ليال وهي تقوم بخيبه امل وترحل بدون النظر لها :خلاص انا هروحلها وهتكلم معاها واختياري الموافقه او اني اقتل نفسي واخلص من العذاب وذهبت سريعا
ماجده بامل:انشاء الله هتوافقي، انا حاسه انك انتي الي هتقدري تخلي يزد يحب واثقه من ده، من زمان وانا بحس بكده بس كنت بسكت عشان جنات
ودعت من قلبها ان توافق
         _________
في المقابر تحديدا عند قبر جنات كانت ليال تحكي معاها عن كل شيء وعن احساسها وعن ذكرياتهم
ليال بحزن :ودلوقتي مش عارفه اعمل ايه يا جنات وصيتك كانت صعبه جداا اديني اي اشاره يارب اوفق ولا لا اي اشاره تدل علي الخير والصح غمضت عنها وقالت بدعاء :يارب
وفجاه
يتبع...