انها كانت خيبتي الوحيده

انها كانت خيبتي الاولى

كنت قد تعرضت لكثير من الخيبات لكن لن اتعرض لتلك الخيبه عندما كنت في المرحله الخامسه اعدادي من مدرستي تعرضت خيبه من احدى الصديقات كانت اسمها منتهى كانت جميله جدا كانت عيناها جميله جدأ كانت بنظري مختلفه جدا وكأنها الحياه كانت تستمع لاحزاني وافراحي لن تتركني يوما فكانت تشجعني كثيرا كنا كل يوم نتحدث وكنا نضحك كثيرا كنا نتحدث عن الاشياء السعيده المؤلمه والمفرحة في حياتنا كانت دائما تنصحني جانت اكثر شخص احبه وفي بدايه علاقتنا اختفت فجأه فقد قلقت بشأنها لكنها حينها كانت تشعر بالحزن وبعدها رجعت ورجعنا نسولف مثل قبل بعدين بدت تحجي عن صديقتها الجزائريه وطبعا مو بس هيج جانت هم عدها صديقه مصريه جانت دائما تحجي بيهم مو كلش اتذكر اسمائهم بس جنت مااحبهم لان جانوا يزعلوه اهوايه ولمن جاانوا يزعلوه كلشششش انقهر ومااحب اشوفه زعلانه طبعا هيه جانت تحاول تفهمني الاشياء الي تكرهه واني هم نفس الشي صراحه جانت علاقتنه كلش حلوه جنت دائما اسئل عنه وهيه هم تسئل عليه دائما جانت علاقتنه كلش حلوه بدت هيه تختفي كلشش وجانت تتحجج بأمها طبعا اني كلش تفهمته بس بعدين بدت صارت ظروف ويايه كامت تحجج وبدت تزعل مني اهوايه طبعا حاولت اغلس وامشي الوضع عادي جنت دائما اخليها سعيده جانت امنيتها تشوف ممثله او تحجي وياها فأني من شده حبي الها دزيت لهل الممثله بس حتى تحجي وياها لان جنت بس اريد اشوفها سعيده وظلت صداقتنه حلوه مابيها مشاكل رجعت مره ثانيه تحجي على صديقته الي بالجزائر وشلون انو هيه ادزله رسائل وتشوفه ومتجاوب طبعا اني كلش انقهرت عليه لان اني هم اضوج من احد يتأخر بالرسائل وجنت دائما احاول اطبطب عليه فبوكته كلش انقهرت وظلت تنقهر وتزعل وراها اجت الامتحانات اختفت هيه واني هم وظلت تعتذر واني هم وبعدين استلمت النتيجه وجنت فرحانه وباركتلي وجان هيه تستلم النتيجه وهم باركتلها وراها كلشي اتغير كمت ادزله رسائل متجاوب انزل ستوريات متفتحه فعليا حطمت نفسيا جنت كل يوميه ادزله متفتحه دزيت لوحده اعرفه حتى اعرف شنو صاير جان تكلي منتهى متريدج بعد بحياتها طبعا بوكته كلش نصدمت واختنكت كمت ابجي صراحه دزيت لمنتهى كتله اذا متريدني كليلي بس شنو السبب بعد عناء طويل يله جاوبت كلتلي عزيزتي زينب اني تعبت ومااريد هالصداقه بدون زعل بعد مااريدج طبعا متتخيلون من شده غبائي جنت احاول اقنعه تتراجع لان جنت متمسكه بيه بس مفاد بوكته ضليت ابجي وابجي جانت اكبر خيبه الي طبعا جان الشعور كلششش مؤلم طبعا والدتي سمعت صوت البجي مالتي طبت للغرفه كلتلي بنتي شبيج كتله تعبت وعيوني مليانه دموع كلتلي شبيج يا بنتي كولي ماما تعبت من انو اخسر وانخذل تعبت من انو اتحمل تعبت من انو اسامح تعبت من انطي واحارب وبعدين بس اني الضحيه بهالقصه ليش اني ليش اني بس اتحمل ليش بس اني الي اتاذى ليش همه ميتاذون اني تعبت جان تكليلي وليش متكولين همه خسروا ليش هيج تفكرين تره اني بعدني عايشه الله يعوضج بالاحسن هاي مو اول صديقه خلي ابالج شغله ماكو شي اسمه صديق بنتي لتبجين هاي دموعج غاليه طبعا ضليت ابجي ومكدرت انسى هالخيبه العشته جان اسوء يوم عشته طبعا بوكته بالرساله كلتلي رح اسويلج بلوك كلتله اوكي وطبعا هيه سوتلي بلوك واني هم ومن وكته سويت بلوك للكل وراها ضليت اسبوع نفسيتي تعبانه وبديت اقره اهوايه حتى انسى الي صار بس جان تفكيري غلط لان حتى لمن ادرس اتذكر الموضوع وابجي وراها مرت شهور واجه رمضان اتخيلوا من شده غبائي كلت رمضان وشهر خير جان ادزله بس يجماعه بوكته جانت اكبر غلطه وندمت عليه وهم جانت خيبه ثانيه وكلش اتاذيت بيه وجنت دائما افتح حسابها لان جنت اشتاقلها لان جنت كلش متعلقه بيه وجانت كل صوره موجوده بس يجماعه قررت اترك كلشي ورايه وقررت انسى الموضوع فعليا بديت ابطل ادخل حسابها وبديت امسح صورها كلشي الي جان يهمني هم ودراستي وبس والحمدلله نجحت طبعا ما اكلكم انو نسيت بس قرر قلبي يسامحها على الي سويته بقلبي وكلت بعد كل شي صار لو فعلا هيه تريدني من البدايه مجان كسرت قلبي بس هيه مرادتني وطبعا السبب يعود الي بسب سوء اختياري بس طبعا جان درس وهاي نهايه الروايه
اكول ان مو كل صديق صديق فجميعهم بالاسماء فقط لا اكثر ✌️