رواية:سيدة كل النساء
🦋الحلقه الثاني عشر🦋
بيبدأ البارت ب مراد وكريم وصلوا البيت بعد ما وصلوا عشق وجميله
مراد:جعان اطلب اكل؟
كريم:لاء لاء ماليش نفس انا هاخد شاور
مراد:اوك وانا هشوف روز واعمل حاجه نشربها
كريم:اوك
_راح كريم خد شاور ومراد اطمن على روز وغير هدومه وعمل قهوه ليه ول كريم واستناه في البلكونه وبعد دقايق دخل عليه كريم...
مراد:اي احسن من الاول
كريم:بكتييير
مراد:طيب اشرب القهوه قربت تبرد
كريم:تسلم إيدك
_وحل السكوت بينهم لمدة دقايق قطع السكوت ده مراد
مراد:كنت خايف عليها؟اول مره اشوفك خايف على حد بالطريقه دي
كريم:خايف دي كلمه قليله انا...انا عيطت من خوفي عليها!!
مراد:بتحبها اوي كدا؟
كريم:هي كل حاجه ليا يا مراد بنتي وصحبتي وامي واختي وحبيبتي وكل حاجه لقلبي للحظه حسيت انها ممكن تضيع منيي انا كنت هروح فيها لو كان جرالها حاجه ربنا يحفظها ليا وياخد من عمري ويديها وياخد من نصيبي ف الفرحه ويديها اللهم آمين
مراد:اللهم امين يا صحبي واشوفكم متجوزين ومعاكم مراد الصغير
كريم:ومين قال اني هسمي مراد؟؟
مراد:وانت تطول يالااا
كريم:لو اخر اسم في العالم مش هسميه
مراد:اوك اوك هنشوف
كريم:طيب هدخل انام عشان لما ابقا اصحى اروح اطمن على عشق
مراد:خدني معاك
_في مكان تاني
مجهول ١ :الو يا بيه
مجهول ٢ :ها اي الأخبار
مجهول ١: كلها ايام يا بيه والشركتين يكونو تحت امرك
مجهول ٢: هايل هايل
مجهول ١: بس انت كدا مش هتأذي ابنك في شغله يا بيه؟
مجهول ٢: والله ده بزينس شركات عجبتني وهشتريهم فين الاذى بعدين مالكش دعوه انت
مجهول ١:تمام اللي تشوفه سيادتك
_اشرقت صباح يوم جديد بنورها الساطع فى سماء القاهره لتبدء عشق تفتح عيونها ب إرهاق وجميله جنبها
عشق:جوجو...جوجو اصحي
جميله:ايي.. إن.. انتي.. كويسه حصل حاجه؟
عشق:اهدي انا كويسه اهو
جميله:الحمدلله
عشق:طب يلا قومي اتوضي معايا عشان نصلي سوا ونفطر
