"حرامية في مهمه سريه"

الحلقه الثانيه

- ياااااااااااااااه ده انا عملت عمايل بصي ياستي انا عملت.....

فلاش باك

- بص ياسيف انت هتروح مع سيد و ابراهيم تسلموا للمعلم شلبي شحنة الاسلحه و هما هيسلموكوا الفلوس

- و هما هيبقوا كام بقي علي كده

- مليون ارنب

- أيه ده يابابا انت بقيت تستورد ارانب؟!

- تمام يابراهيم خد سيف من وشي قبل ما اشوهوا

- تمام ياباشا ...يلا ياض قدامي هتجلطه

- طب متزقش بس

"علي طريق صحراوي عشان يسلموا المعلم شلبي شحنة الاسلحه"

- عامل أيه يابنعمي

- ابن عمك؟! فين شحنة الاسلحه ياض

- ما تستهدي بالله ياجدع في أيه

- اخلص ياض متجننيش

- فين طب الفلوس الاول

- لما تجيب الاسلحه الاول

- هه لا ياحبيبي مفيش الكلام ده سلم و استلم

- طب سلم انت و انا هسلمك ان اراجل مبرجعش في كلامي

- يعني انا اللي سوسن؟!!!!

- اخلص ياض متغلبنيش معاك

- طب خمسه هروح اجيبهملك و هاجي

"بعد مرور خمس دقايق"

- أيه ده ياض جايبلي كتاكيت علي انها سلاح؟!!!!!

- ها!!!! ءءء تلاقيك انت مش واخد بالك بس يامعلم دور كده ده اكيد تمويه من ابويا بس عشان منتكشفش في الطريق

- تمويه ياروح امك!!!!!! ده انا هطلع روحك في ايديا

- اجري ياسيددددددددددددد

باك

- يانهارك ابيض ضيعتله مليون ارنب عشان كتاكيت!!!!!!

- ياستي بلا ارنب بلا فرخه بقي انت هتقرفيني و بعدين و انا ايش عرفني هو انا اللي كنت حطيتهم

- اه صح هو انت مالك فعلا؟!

- لا هو انا ليا بس مش اوي يعني

- نيلت ايه؟!

- احم ما انا اللي كنت جايب الكتاكيت دي فعلا و حاططهم في المخزن جنب صناديق الاسلحه عشان ابويا مياخدش باله فا هما باين عليهم اتلغبطوا و نقلوا دي مكان دي

- تعرف ياسيف

- ايه؟

- انت خساره فيك الشتيمه

- احم طب و انت عملتي أيه بقي

- ضيعتلهم شحنة المخدرات

- ازاي

- رميتهم في الطريق عشان حرام المخدرات دي تأذي شباب كتير

- هه اديكي انت اللي اتأذيتي

- يلا الحمدلله

- حلا

- همممم

- "بنظرة جرو صغير" انا عايز انام

- هو انا مسكاك ما تتخمد

- ما انا خايف

- امممم و العمل يا اخرة صبري

- تنامي جنبي

- نعمممممممممممم

- استهدي بالله بس انا قصدي تبقي قريبه مني بدل ما انت في اخر الدنيا كده

- طب ابقي حسن ملافظك بعد كده عشان مقلش منك

- شبر و نص بيتكلم؟

- حوش حوش الطول اللي مش عارف تمشي منه ده

- انا 177 سنتي يا اوزعه

- و انا 160 سنتي يا اوزعه برضو هه

- ياشيخه اتنيلي

- انت اللي.......

- انت يالا ياسيف انت و البت حلا المعلم زيدان عايزكوا

- احيه

"عند المعلم زيدان"

- طبعا انتوا الاتنين جايين عليا بخساره و دي حاجه مش جديده عليكوا فا انا قررت حاجه

- قول يابنعمي

- انت تخرس خالص...القرار هو اني هطلعكوا مهمه انتوا الاتنين بس و لو منجحتوش فيها فا دي فيها رقابتكوا

- احم و أيه هي بقي يامعلم

- عايزكوا تجمعولي 2 مليون جنيه بأي طريقه

- و دي نعملها ازاي ان شاء الله

- تتصرف انت تسرق هي تخطف اي حاجه

- و ده في خلال قد أيه

- شهر ، شهر واحد تجمعولي فيه 2 مليون جنيه

- تمام

- تمام أيه هنعملها ازاي دي يافالح

- سيبيها عليا

"بعد ما خرجوا من عند المعلم زيدان"

- هنعمل أيه بقي يافالح

- بصي انت هتعملي نفسك شغاله في البيوت و اي دهب تلاقيه قدامك تنتشيه علطول هيجروا وراكي و هيدوكي علقة موت محترمه اه بس مش مهم و هتفضلي تعملي كده اي بيت تدخليه تسرقيه

- طب و انت؟

- انا هسرقلي اي عربيه و ابيعها

- بس لو اتقفشنا؟

- هنخش السجن اسألتك غير منطقيه بالمره

- انا لو اتسجنت انت اول واحد هقول اسمه

- واطيه

- مش اكتر منك ياخفيف

- طب أيه يلا؟

- يلا

"يتبع"