"حرامية في مهمه سريه"

الحلقه التالته

"عند سيف امام (night club)"

سيف في نفسه: امممم هي دي الشغلانه التمام مفيش احسن من سرقة العربيات

شاب: بس بس خد ياسكر مفاتيح العربيه دي اركنهالي

سيف بحنق: سكر؟! بتكلم ابن اختك انت؟!

الشاب: بطولك و شكلك اللي ميعديش العشر سنين ده اه

سيف: طب هات ياعم الظريف اركنهالك

"بعد مرور ساعتين"

الشاب: لو سمحت انا كنت مدي لشاب صغير هنا مفاتيح عربيتي عشان يركنهالي هو فين؟!

الأمن: شاب مين؟

الشاب: شاب كده قصير شويه و شكله صغير

الأمن: قصير كده و عينه تحسها فيها برود؟!

الشاب: إيوه بالظبط

الأمن: يابنلكلبببببب ده عيل نصاب كل شهر يجي يعمل الحركتين دول و يسرق عربيات الناس و يهرب

الشاب بصدمه: يسرق أيه ده طفل!!!!!!

الأمن: ماهو بيستغل ان شكله طفل عشان كده

الشاب: يعني انا دلوقتي اتسرقت؟!

الأمن: للاسف يافندم

الشاب: ده انتوا هيطلع عين اللي جابوكوا فين المديييييييييير

"عند سيف في العربيه"

سيف: و شربت حجرين علي الشيشهههههههههههه مع..... أيه ده في أيه

"مره واحده لاقي بنت ركبت العربيه منغير اذن"

سيف: انت مين ياحجه

البنت بقرف: حجه يابيئه اطلع يلا علي مصر الجديده

سيف: مصر الجديده أيه انت مين؟!

البنت بشك: مش انت اوبر برضو؟!

سيف بغباء: اوبر؟ و ماله شغال بس معلش قوليلي المكان تاني عشان اللوكيشن باظ بس

البنت: اللهم طولك ياروح مصر الجديده شارع****** عماره**

سيف: تمام ياحلوه

"عند حلا في الاشاره"

حلا بتمثيل: اي حاجه يابيه ربنا يخليلك عيالك

الشاب: عيال مين انا عندي 22 سنه

حلا: خلاص ربنا يخليلك اخواتك

الشاب: انا وحيد

حلا بنفاذ صبر: خلاص ربنا يخليلك امك و ابوك

الشاب: انا يتيم

حلا بغضب: خلاص ربنا ياخدك يأخي انت هتقرفني

الشاب: يابنتلجزمه

"عند سيف"

سيف: انت مودياني علي فين ياست انت