💣أشـــبـــال الأســـود💣
💣ملحمة الحب والدم💣
الفصل الأول : فروع الحب
FCM 0 \ 0 CAA -- 02:44
الدقيقة الثانية من عمر المباراة .. الهيمنة الكروية كانت كلها لفريق مَاناوس البرازيلي .... الستريس غاالب بزاف على نادي أمادورا خصوصا ان الخصم داخل قووووي مكيشدووش معاهم الكرة بتاتا ...
سلطان و اللاعيبن الاحتياطين لي معاه كانو جالسين تحت مضل فالكراسي وسلطان شاد قرعة دالما صغيرة كايضورها فيديه بتوتر .. و المدرب واقف كيشوف فالتيران لداخل و كيشير ليهم بيييديه معصب على الدخلة الكئيبة لي داااروو ...
الدقايق كتمر و دخلنا الدقيقة الرابعة و مزال الكرة برازيلية مَناوسية ... اللعابة بسبب الستريس الكبير لي ركبهم حسو برجليهم فلشو عليهم فقط الكابيطين لي كيتقاتل و حتى فاش كيحيد الكرة للخصم ويعطيها لواحد من اللعابة ديالو كيفرط فيها بسهوولة .. كانو متوترين قبلما حتى يبدا الماتش ..
ماكانوش راضيين بالتشكيلة و شاكين فقرارات المدرب .. زيد عليها الماضي ديالهم مع هاداك الحكم و معرفتهم الكبيرة بقوة النادي الخصم .. و لاعبي الخصم كانو كيدافعوو بهمجية و كيحاولو يستفزو نفسيتهم ويزيدوهم الارتبااااك هادي هي خطة كريستوفر الدنيئة ... موصي اللعابة مايلعبوش غير بالرجلين إنما حتى بلعقل ..
كارلوس مدرب امادورا بح صوتو بالغوات و هادشي يالاه الدقيقة الرابعة ... كيحاولو أمادورا يعليو وتيرة لعبهم كيجي الخصم مناوس كيهبط ليهم كووولشي بالقوة لي داخل بها و الثقة فالنفس العااالية .. كريستوفر مدرب مناوس كان واقف و ابتسامة على جنب فمووو على هاد اللعب الخببيت و داير يدو فجيبو ومرة مرة كيلوح عينيه لكارلوس و كيتبادلو نظرااااتت نااااارية كتشدها الكاميرة ... أي واحد كيبغي الكرة و متبعها غادي يعرف بتاريخهم و غادي يفهم هادوك الشوفات ...
الناس فالقهاوي مررركزين و منفعلين .. و كتسمع منهم غير " سيييير سييييير سير أصاااحبي مااااالك سييير " .. كلهم ولاو كيفهمو فكورة و كلهم مكرهوش يدخلو من تلفازة يلععبووو بالاعصااااب وحنا باقين فبداية الماتش ودخلنا لدقيقة الساااابعة ...
الجماهير فالملعب كانت حكاية أخرى .. جهة مشجعين فريق ماناوس كانت كتشتعل بمفرقعات و فيراج كبييير باللون الأحمر و الأسود .. دخان كثييف بهاد الألوان مغرق هاديك الجهة ..
و جهة مشجعين فريق أمادورا كانو كيردو عليهم بفيراج اخر بنفس المستوى بألوانهم الأبيض و الأزرق و مفرقعات زرقاء قاتمة ... و بأصوات عااالية كيغنييو و يغوووتوو صراخ حربييي و يدقو الطبول ... الكاميرة كتشد عليهم من لفووق و المعلق كيهضر بصوت مرتفع و دهشة ...
المعلق: مااا نشااهده هنااا .. أكبر من مجرد كرة قدم .. أكبر من مجرد مبااراااة ... شوووف .. شوووف الكراكااج الخياالي ... اسمع .. دقاات الطبوول ... مشجعيي أمادووراا يصرخووون .. مشجعيي أمادووراا يوووقظوون .. يوقظوون لاعبيي الناادي من السباات .. أفيييقووو إنه الفيناال .. إنه النهاائييي ... و الكرة تضييع .. الاعب كااسو من فريق ماناوس يقطع الكرة و يمرر ل سالا ... سالا الغدار .. سالا المرعب و العداء .... تمريرة طويلة إلى جبريل ... جبريل يا جبريل .. أول مباراة بعد الإصابة .. مباراة العودة ......عودتك يا جبريل .... مذا ستصنع يا جبريل ... يبحث عن والتر ... يمرر .. تصل الى والتر ...من والتر الى سالا .. تناغم كبير بين سالا و والتر .. كرة برازيلية ثابتة وتناغم جميل ... يتدخل محمد .. محمد الذي التحق بالامادورا هاته السنة .. يتمكن محمد من الكرة .. كرة طويييييلة يفوز بها سيرخيو ...تعود الى آنسيزو ... آنسييييزو يتقدم ... آنسيزو ... آنسييييزو الى منطقة ماناااوس .. مهاااارات عاااالية ... وووتدخل .... ودفااااع .. دفااع ابو بكاااار القوي .. الله يا كاميرون .. مذا انجبت يا كاميرون ..... اياي اياااي من دفااااع مناااوس الشرس .. شوف الاعاااادة ... كانت ستكوون كرة خطيييرة من القاائد ... ماعلش ..ماعلش يا انسيزو .. لا تزال فرص اخرى ماعلش ....
أنت تقرأ
أشبال الأسود ( الجزء الثاني من حبيبي الأصم )
Romance.......................🆕EXCLUSIVE!!!🆕....................... أشـــــــــــبــــــــــال الأســــــــــــــــود حـــبـــيـــبـــي الاصــــــم ، الجــــيــــل الــــثــــانــــي ___________K A M I L I A J O U D____________ ...
