ليلية هاديه ومُطر..
وبنص مدينة قديمة يمشي وايده بجيبه ورافع الكاب على راسه ويسمع اغاني هادئه ومندمج ويدمدم وياها وهو مندمج يشوف ظل من بعيد يركض بأتجاهه فصل وحده من السماعات وهو يركز والظل يقترب اكثر وبسبب غزاره المطر مَ عرف يحدده هل هو أنس او جِن او حيوان ظن انو هو يتخيل وكمل طريقه وبلحظه شروده ارتطم بشخص ووگعو الأثنين ب الگاع ويسمع صوت أنين من الشخص الثاني گام وسند نفسه وهو مبلل ومعصب وصاح بأعلى صوته : هييييي أنتَ منو ليش ماتنبه؟!! اتوجه ع الشخص بعد مارفع راسه بس ماباوع عليه
_ راح تحچي لو شون؟
_صمـتْ
_ ماشي اني اعرف بطريقتي
توجه عليه ودار وجهه ووخر الشعر من عينه وانصدم انها بنيه ...
ضل صافن من المنظر ومركز بيها وهي ترجف وتمتم ومتعرف تحچي ومحمّره من البچي
_منو أنتِ وشجابچ هنا اول مره اشوفچ
_صمـتْ
_أنتِ خرسه؟؟؟ ليش متحچين جاوبي؟؟؟
_ماكو رد
_زين انطيني ايدچ خلي اساعدچ؟ وعد ما اأذيچ اني اري. اساعدچ
_بعد صمـت طويل انطته ايدها ورفعها خلاها توگف فجأه تنلوي رجلي وحاولت توگع وسندها
_خلص اهدي رجلچ متضرره راح اشيلچ
_هزت راسها بـ لا
_لازم نروح للمستشفى
شالها واخذها للسياره واتوجه للمستشفى وهو يفكر وليهسه مفاهم كلشي
چان الصمت سيد الموقف ومانطقت ولا حرف
_وصلنا للمستشفى تعاي اساعدچ
اخذ ايدها وهي ترجف وراحو للطوارئ وسوو اللي لازم
_الحمدلله مانكسرت رضة بسيطه يلا نروح للسياره واوصلج لبيتچ
وهو يمشي ب السياره ويفكر يتشتت تفكيره بكلمة
_شُكراً
وگف السيارة فجأة وصفن بيها
_هههه واني عبالي متعرفين تحچين هسة ممكن توضحيلي شنو قصتچ ووين بيتچ حتى اگدر اوصلچ؟
انتهى البارت حبايبي انشالله تكون قصه مشوقه الكم♥️
الكاتبة: نور الخزعلي📽🤎
أنت تقرأ
ظل أبيض 🤎🎞 (مكتملة)
Aksiقصة عراقيه تتحدث عن ظُلم المرأة في المجتمع الشرقي لفتاة جميلة تعاكسها الأيام لتقع بين يدين رجل خيّر يكون ملاذً لها
