نتعرف عن بطلة القصة
هلو اني اسمي اسينات عمري راح ادخل ١٨ سنة عندي خوات ثنين واخ واحد الاخت الجبيرة (لمار) والاخت الصغيزه(ياسمين) والاخ(جلال) اختي لمار عمرها ٢٠سنة واختي الزغيره عمرها ١٥سنه واخوية ١١سنة وعندي ام واب حياتي بسيطة عايشة بين امي وابوية وخواتي واخوية
جنت كاعدة ودموعي تجري وصافنة اذكر ذاك اليوم المشؤم الي صار ويانه من صار هذا اليوم بتاريخ٢٠١١/٥/٢٠ هذا التاريخ احس نفسي يتيمة لانه كلشش اكره
بهذا اليوم الصبح ساعة ٩:٠٠صباحا
جنت بالدوام اني جنت صف اول ابتدائي جنت فرحانه لانه سجلت مدرسة وية ماما لانه ماما معلمة واول يوم الي بالمدرسة وكلش فرحانه ... بهذا اليوم ماما جانت ضايجة كلش اكلها شبيج متقبل تكولي رحت لصف وكملت كل دروسي ورجعت للبيت تعبانه 🥺😂 رحت نمت كعدت واسمع صياح وماما تبجييي واني خفت عيوني جمعت بيهن للدموع اريد احد يفهمني شديصير رحت اركض على ماما كتلها شبيجج ماما صافنه بوجهي هيه جانت توي مكملة امومة ايي فماما ساكته متقبل تحجييي صافنه وتجري دموعها وابوي كلشش عصبي واخواتي يبجون عاد بابا طلع رحت لماما كتلها شبيج كالتلي ابوج زوج اني هنا نصدمت 💔🥺يعني شنو بعد ماكو ابوية بعد ميحبننا راح لغيرنا كمتت ابجييي ... ماما راحت خابرت اهلها وكالتلهم وتخبلت جديتي شون وماشلون وشيفيد الحجي بعد كالولها المن كالتلهم سورية الكل نصدم شنو سورية منين عرفها كالت ماما هو رايح لتركيا ومتعرف عليها هناك وزوجها وهيه مطلقة وعدها جهال 😞💔 مرت الايام ورضينا بالامر الواقع اجه جابها للعراق كعدها بيت جدو اهل ابوية وصارت مشاكل بين ابوي وعمامي لانه ميقبلون غريبة تكعد بينههم ف بابا اجر الها بيت يم بيت جدو وكعدت بي وصار يجي النا يومين او ثلاث ايام وماما تاقلمت مع الوضع بس اني جنت اليل كله ابجي 😭 ماريد يصير هيج بينه هذا ابوية الي وحديي دللنا ونسنا وضحك وياه بين ليله وضحاها يتغير كلشي 💔🥺 مرت الايام وصرت صف ثالث وجنت كلش شاطرة وفرحانه اني حلمي اصير محامية عمود اخذ حق النساء الي ينضلمون جنت اقرا في سبيل اول لحلمي
اختي جانت صف خامس كلش شاطره حلمها صير دكتوره واختي الزغيره صف اول ابتدائي واخوي بعدو جان زغيروني ..
في صباح جديد من بيت بطلتنا اسينات
كعدت الصبح اليوم جمعة فرحانه حيل لانه راح اروح لبيت جدي اعشقهم اني خصوصي جديتي ام امي حيل تحبني احسها ماما الثانية ♥️🥺بدلنا وكملنا ورحنا ودانا بابا رحت اركض لجديتي كعدت بحضنها وتلعب بشعري ارتاح كلش يمها ..
جديتي :يولي تعالي هنا رحت ..رحت اركض لجديتي كتلها ها امي (اني اسميها امي) كالت تعالي اريد اخيط ساعديني هيه عدها مكينه خياطة 🪡 كمت وياها وساعدتها كلش احب اشتغل وياها روحي من الدنيا هيه 🥺
صار العصر ماما راحت هيه وخالتي لسوك وخواتي هم وياهم اني بقيت ويه امي مردت اروح بقينه اني وياها اني اتفرج على تلفزيون تعرفون ماكو تلفونات قبل هيه جانت تخيط جنه كاعدين جان تجي مرت خالي وبنتها مريومة كلش احبها لانه جانت تبقى يم امي من نروح متخليها وحدها وكعدنا وضحكنا واجو ماما وخالتي ام حسن وخواتي ... كانو يسون عشا سوينه دجاج شوي ومقليات اني كاعده على مرجوحة بالحديقة صاحولي تعالي تعشي رحت اكلت جنه دناكل جان يدك التلفون ماما جاوبت طلعت خالتي كالت الها راح نجي باجر خالتي الخ ام كرم اني كيفتتت لانه اتونس وياهم احب اللمة كلشش ♥️🔥😂 اني جنت محبوبة قبل واحب خالي كلش جان مدللني حيل اني وبنته مريم
وماما شكد نروح لبيت جدو تبقى الحزن بعيونها انقهر كلش على ماما هيه تعبت علينه وهيه كبرتنه
بسنة ٢٠١٤ دخلت الدوله الاسلامية علينه احنا بنات ونخاف وحدنا لانه بابا راح ويه مرته منعرف وين بقينا نبجي عاد ثاني يومالصبح ماما اخذتنا لبيت جدي والصبح طلعنا الاربيل بيت خالي وخالتي راحو قبلنا رحنا لبيت خالي وتغدينا امي جانت كلش ضايجة لانه عافت بيتها تعرفون العجايز يحبون بيتهم ايي عاد اجرنا فندق باربيل بمنطقة اسمها **** كعدنا وستقرينه المنطقة حلوه جانت يمننا سوك وابوخضراوات ومواد غذائية وتعايشنا الحمدلله ابوية كلشي منعرف عنه عافنه وراح وماما يومية تبجي تكول عاف بناته وراح 💔💔🥺 .صار شهر ٩ وبدت المدراس وجنه خايفين خاف ماكو مال عرب وخفت خاف تروح سنه عليه اني نجحت على رابع ابتدائي سالنه وجان يكولون اكو مدرسه لنازحين بفلان منطقة فرحت كلت الحمدلله ياللله ثاني يوم رحنا سجلنه هيه مختلطة جان ماما هم صارت معلمة وخالتي هم جنت كلش شاطره ارجع اقرا وانام من وكت عمود اداوم
ثاني يوم ماما كعدتني كمت غسلت وبدلت وانتضرنا الخط وداومت جنت كاعده برحلة واجتي طالبة أسمهاعائشة صارت صديقتي هيه من الموصل هم بكدي صرنا صديقات
يتبع......
٧٠٦كلمة انتضروني ان شاءلله بارت جديد
احبكم
الكاتبه لول 🫶🏻✨🤍
انتِ حكاية يستَحيل الانتِهَاء مِنهَا ✨♥️.
هديه للبطلة 👆🏻😁♥️.
YOU ARE READING
رحلة حياتي
Romanceقصة تحكى عن فتاة تتكلم عن حياتها وحياة اهلها وقد عاشت حياة مولمة وتنتظر القدر كي يغير حياتها الى الافضلً معكم كانت اختكم الكاتبة لول🤍🫶🏻✨
