I AM A CAT! BUT.......( Complete✅✅ )

I am a cat! but..

Chapter_4 Final
...........

ပြေးမိပြေးရာ ပြေးလာရင်းကနေ ဘယ်ဝယ်ရောက်လို့ ဘယ်ပေါက်လာမှန်းမသိ  ။ အတော်လည်း မောဟိုက်နေပေပြီ ။

မှောင်မဲနေတဲ့ လမ်းကြားထဲက ယင်ကောင်တွေတလောင်းလောင်းနဲ့ အမှိုက်ပုံ ။

သေချာသည် ။ ကျွန်တော် ဘယ်တုန်းကမှ ပြန်မရောက်ချင်တဲ့နေရာကို ပြန်ရောက်လာတာပဲ ။

မှောင်ရိပ်ကျနေတဲ့နေရာတွေကို ကြည့်ရင်း စိတ်တော့ပျက်မိပါရဲ့ ။ အရင်ထက်ကို ပိုပြီးစုတ်ပျင်လာတာပဲ ။

အဲဒါကြောင့် သခင်က ကျွန်တော့်ကို အပြင်အထွက်မခံတာကို ။

ဟိုသည်ပတ်ရှာကာ လမ်းစရှာကြည့်လိုက်တော့
မှောင်မည်းပိတ်ဖုံးနေတဲ့ တသားထဲသော နံရံထောင့်ထဲမှာနီရဲနေသော မျက်လုံးပေါင်း မြောက်များစွာ ။

နှစ်လုံး ၊ လေးလုံး ၊ ဆယ်လုံး ။
ဘုရားရေ! ဘယ်နှစ်ကောင်တောင်ပါလိမ့် ။

တဖြေးဖြေးနှင့် တရွေ့ရွေ့တိုးကပ်လာသော ထိုမျက်လုံးတွေက လမ်းမီးတိုင်အောက်တွင် ကြီးမားသော ခွေးတွေအဖြစ် ပြောင်းလဲကုန်ကြလေသည်  ။

အမြှီးပါပဲ ။ အခုကျမှတွေ့ရလား ငုံးမသားတွေရ ။

ခွီးးးး!!!!!

မရှိမဲ့ရှိမဲ့ အစွယ်လေးထုတ်ကာ အရှေ့မှ ခွေးကြီးတစ်ကောင်၏ ပါးအား ပိတ်ကာ ခြောက်ချက်ကုတ်ပြစ်လိုက်၏ ။

မှတ်ကရော ၊ နောက်ခါလာနောင်ခါဈေးပဲ ။
သူတစ်ပြန်ကိုယ်တစ်ပြန် တိုက်ခိုက်ကြရင်း ပြေးဖို့ရာလည်း လွတ်လမ်းက ဗလာနတ္တိ ၊ လုံးဝ မရှိတော့ ။

ဘယ်ဘက် လက်တွင်  မီးစနဲ့ထိုးလိုက်သကဲ့သို့ ပူခနဲ့ဖြစ်သွားရာမှ ငုံ့ကြည့်လိုက်တော့ ။ သွားပေပြီ ၊ ဟစ်အော်ကာ ငိုလိုက်ချင်ပေသည် ။

ကျွတ်ထွက်သွားသော အမွှေးတွေနှင့်အတူ အပေါ်ယံ အရေခွံသည် အနည်းငယ်မျှ ပြဲစုတ်သွာကာ သွေးတို့ထွက်ကျလာတော့သည် ။

ဤပုံစံအတိုင်းသာ ဆက်သွားပါက ခွေးတစ်အုပ်ကြားတွင် မိမိမှာ သေဖို့ရာပင် ရှိတော့သည် ။

ခွီးးးး!! မြောင်!!!!

ကျယ်လောင်ကာ စူးရှသော အသံနှသ့်အတူ  မိမိဘေးသို့ ပေါ့ပါးစွာကျရောက်လာသော ကိုယ်ထည်တစ်ခုကြောင့် အဖော်ရပြီဟူ၍ ဝမ်းသာလုံးဆို့သွားရလေသည် ။