هُيام الخَيبَر

مُقتطفات

السلام عليكم

القصة بقلمي عُلا
اتمنى أن تستمتعو بالقصة

ملاحضة : الابطال بأسماء مستعاره للحفاظ على الخصوصية
.
.
.
.
.
.
.
.
.
.
.
.
.
.
.
.
.
.
_________________________________________
(مُقتطف)

باريانا: جنت كاعدة يم نورهان و نور و قطع كلامنا رنة التلفون شفت اسمه وطفرت من مكاني صعدت بسرعه للغرفة وفتحت المكالمه وكال

خيبر: شلونج بل يذكرج وين ما يمشي؟
شلونج بل يقدسج يا بعد كلشي؟
شلونج بل يتيه روحه من يلكاج؟
من افتح ليش اشوفج عايشه برمشي؟

بريانا: خجلت حيل من كلامه يا كاع انشكي وابلعينييي خرب بحضي

خيبر: وينج بويه

بريانا: وياك بس شسمه

خيبر : هههه خجلتي

بريانا: هاا

خيبر : هممم

بريانا: هاا

خيبر: ولدهاا شمالج

بريانا: ماكو شيي بايي... ونهيت المكالمه ورحت للمرايه باوعت لكيت خدودي حمر و عيوني راح ادمع من الخجل يبووو اشتعلو اههلللكككك بنار ونفففططط

نورهان: هههههههه منو هاذ الي يشتعلون اهله

بريانا: يابه دطيريي بعد بس انتي عليه من خرب بحضي
___________________________
(مُقتطف ٢)

كعدت واني احس بصداع رهههيييببب احاول افتح عيوني بس احس اكو ثكل فوك جفوني حاولت وفتحت عيني وغمضتها اكثر من مره و وضحت الرؤيا عندي مكان ضلمة ماكو بس ضوة ابيض خففيييففف حيل خفيف واني مربطة بل كاع و حلكي مسدود بشريط لاسق ردت اصرخ من الخوف الوحدي ومحد يمي قبل ثواني جنت يم صديقاتي واضحك وهسه شنو حالي يا الله دخيلك ورة فتره من التفكير انفتح الباب ودخلو اثنين واحد ضخم حيل واسمر الى درجه مو طبيعيه وملثم و واحد مُقيد و واضح علي اثار ضرب باوعت برعب و رهبه من الموقف باوعلي المُلثم وكال

_ بعد وكت جان ضليتي نايمه صارلج قرنين بت الكو.... بربووكك

اتمنيت اكدر احجي وامرعدة تمرععددد و اخلي سنتين ايدور قطع غيار الكرامتة بس ما اكدر احججيي

المُلثم دفع الولد المُقيد بقسوة على الكاع وكال

_ لك كو... عاااار ابن عار شكد ضربناك وحته ما تخربطت عار عله ابوك

باوعلي واتقرب لناحيتي ورفع راسي بأصبعه وكال

_ تدرين انتي حلوة حيل حلوة وعندج جسم اويلي الله ايشك كلب المطي

كال هيج وابتعد عني و عيونه على الولد المُقيد

اتقرب المُلثم للولد و فتح الاسق و الولد بحالة سكون غريبه بس يباوع للمُلثم بغضب والشرار يطاير من عيونه رجع المُلثم اتقربلي وخر الاسق وكال

_ تعرفو عله بعض بس مو اتكو..... بدوني فهمتو

وتركنه وطلع من الغرفه
______________________________
(مُقتطف ٣)

صاحلي علمود اكوي القميص مالته انطيتة الة ولبسة وكال

_ اني طالع محتاجة شي

_ سلامتك ممحتاجه شي

باوعلي وخزرني
كال

_ الله واكبر عليج حته سلامتي ترديهه؟ ما كفاج كلبي و بنكرياسي و رئتي وما انسه خشمي و عيوني وعقلي
وتفكيري وجهازي العصبي وجهازي الهيكلي؟

ابتسمت على كلامة عبالي سويت شي غلط طلع دا يريد يتغزل
رجع كال

_ اخ يابه ما اكول غير سُبحان الي خلقج وخله بيج هل حسن كله

جاوبته واني اكول

_ ترا اني مو بهاذه الجمال ما اعرف انته ليش تحسسني انو اني اخر بنية بل كوكب

_ خفي علينة يل متواضعة دشوفي حسنج وتعاي احجي يمصكوعة

وتركني وطلع

رحت للمراية واكفة اتأمل بوجهي اول مره اتأمل وجهي هيج كضيتهه كلة دراسة وهم وقهر حتة مراهقتي تختلف عن باقي البنات ركزت بملامحي وكلت

_ ملامحي هادئه و طفولية اني ذات شعر بني فاتح طويل و عيون عسلية وغمازة بل خد الايسر وبيضة وطولي مُناسب وجسمي مُناسب الحمد الله ما بية عيوب بشرتي صافية وجميلة مو مدح بنفسي لاكن الي شفته دا احجي وفعليا اول مره اركز بملامحي وشكلي
____________________________
( مُقتطف ٤)

كاعدين بل غرفة بهدوء تام لا اني بادرت ولا هوه بادر كلت بصوت خافت بالكاد ينسمع

_ خيبر

_ ها يا بعد برابيك كلب خيبر

_ صصصخخاااممم كم مره كُتلكك لا تفشر كدامي عزا بعينيييي

اباوعلة غص من الضحك حته عيونة دمعت خزرتة وكلت

_ بعدين منو برابييكك كلبكك هااااا خخييبررر تخوووننييييي

ما جاوبني يضحك بصوت عااللليييييي

_ خييييببررر جاوبني دا اككوووللل ترا اعوفكك و اروح يم الولددد

_ اخ بوية كلبي جا انتي مو تكولين لا تفشر شو انتي عدتيهه

_ بككيفي اييييييي وهسه كلي تخونننييي

باوعلي وهمس

_ انشكت هدوم كلبي وطلع طي.... واني احاول اخليج تحبيني وره ما بدت بذرتي تنمو بكلبج اخونج؟ من كل عقلج اخونج ؟ صدكيني ورة ما عرفتج ماتن بعيني كل النسوان انتي بل نسبة الي مميزة دائما عن الكل بهدوئج برزانتج بمشيتج مو مثل بعض البنات خفيفات واحلة شي بيج قوتج ولسانج الطويل والله ما ادري شلون هادئه ولسانج طويل بنفس الوكت بس اكول سوبهان الله موهمد صلاوات

هوه كال هييج وانيي متت من الضحك اريد اسكُت ما اكدر وهوه ابتسم على ضحكتي وكال

_ من اغدي سبع فدوات لضحكتج
.
.
.
.
.
.
.
لهنا واكدر اودعكم وهاذي مجرد مُقتطفات و القصة احلى ان شاء الله انتضروني بل بارت الجاي