السلام عليكم
القصه بقلمي عُلا
ما أكثر الناس وما أندر الإنسان.
_________________________________________
حرب: الموضوع هوَ راح نحاول انطلعجن من الموصل
ضلينا صافنات اخير شي حجت نور
نور: بس الموضوع خطر وعلى حسب كلامكم دتصير مواجهات بينكم وبينهم يعني اذا الوضع هيج شلون راح اطلعونه؟
حرب: هوَ صح خطر بس اذا ضليتن هنا راح يصير اخطر لين بكُل بساطه المنطقه الي احنه بيها عن قريب راح تصير بيها اشتباكات وما حاجه اكمل انتن كبار و واعيات وتعرفن حجم الخطر اذا بقينه هنا
نورهان: لعد وين نروح؟ واذا تدري خطر ليش جبتنا هنا من الاساس؟
حرب: ليش اني شيدريني؟ شفتني شلون تفاجئت من شفتجن جانت صدفه ولكيتجن ولو ادري بيجن قبل لا تجن جان ما خليت عراق يجيبجن هنا بس كلشي طلع عن سيطرتي
نورهان: عود اي
حرب: عود راح اترس حلگج تبن اذا عوجتي حلكج
باوعتله نورهان بطرف عينها واني كاتمه ضحكتي كوة
حرب: عايني عدل لا افكسهن
نورهان: اذا بيك خير مد ايدك تااشوففف
حرب: استغفر الله يا ربي ولي مني
نورهان: ليش هوَ اني ميته عليك
هزت ايدها وكالت
نورهان: والله يا الله
عافتنه ودخلت للغرفه ضلت نور تتناقش ويا مرن يومين ما صارت بيهن أي احداث الوضع جان ططبيعي اجانه حرب فجأة وكال
حرب: حضرن نفسجن ترا اليوم بل 2 بليل نطلع فهمتن
هاجر: عفيه حرب ما نلحك ترا هسه دنيا العصر
حرب: ليش شعدحن ومن هسه جيبن شغلات قليله لين جنطه ام الجتف جيبن بس الشغلات المُهمه
هاجر: اووف حاضر
ضلينا نحضر غراضنا ما سئلنه على اي شي ما دام حرب ويانه هاذه الشي كلش كافي
كعدت حطيت قطعتين ملابس وكم شغله ضروريه ثانيه والجنطه صارت خفيفه لانو ما بيها هواي اشياء وحرب كال البسن اشياء ترتاحن بيها لانو راح نركض هواي
بس ضلمت الدنيا انقبض گلبي مدري ليش كنت سبحت ومشطت و وراي البنات هم دخلن سبحن صارت الساعه ب 1 كمنه غيرنا ملابسنا وتجهزنه ومن طلعنه لكينا حرب وخيبر وعراق ونبراس طلعو كدامنه طلعنا وراهم المكان عباره عن بستان جبير وبي هواي اشجار ضلينا نمشي نمشي لحد ما فجأة صارت اشتباكات حيل قويه ومنعرف منو رمه علينه حررب سحب البنات وما ادري وين راح و عباله اني وياهم بس اني ضعت صرت بوجه المدفع ما اكدر اتحرك خطوه فجأة انسحبت ايدي ودخلت لبقايا بيت طايح ومتآكل و اثار الطلق البيت مزرف منخوول نخل من الطلق باوعت على الشخص الي سحبني لكيته خيبر سحبت نفس براحه لانو جنت خايفه
أنت تقرأ
هُيام الخَيبَر
Fanfictionتكلم بنبره صوته الشرسه وهو يكول: محد يخلصج مني يحلوه وين ما ترحين راح تلكين نفسح تتقربين الي اكثر مثل ظلج وين ما ترحين وياج اهتز بدني النحيف وعيوني تقرقرت بلدموع من كلامه ما اهتم الي ولا لعيوني الي نملت دموع واخذ سلاحه الاسود مثل سواد شعره واكثر وح...
