هُيام الخَيبَر

البارت <3>

السلام عليكم

القصة بقلمي عُلا

يا نظرتكَ تسوه ڪُل ذيجَ السـوالف
_________________________________________

بنات عُمري حبيت اعتذر منكم بسبب هذاك البارت جان كُلش قصير بس جانت عندي ضروف ان شاء الله هاذه البارت طويل و تستمتعون بي حبايبي يلا نبلش
_________________________________________

كعدت على صوت امي وهيه تكول

: بريانا ماما اكُعدي ليش ما اكلتي؟؟  يلا امي كومي

:  هها ماما شكو؟؟

:  شبيج ماماتي ليش ضايجه واول ما اجيتي نمتي

:  ماكو شي ماما بس تعبت بل شغل اليوم

:  تمام امي كومي اكلي وارجعي نامي

:  لا ماما ما جوعانه لريد انام

:  تمام حبيبتي نامي

:  ماما شكد الساعه هسه؟؟

:  الساعه بل 9:30 بليل

:  اوكي ماما

طلعت ماما من غرفتي واني رجعت نمت فعلاً جنت ضايجه وما طايقه نفسي لانو طارق ( الولد الي يلاحقني)  ما ناوي يعوفني بحالي

رجعت نمت وكعدت من وكت سبحت ومشطت شعري صليت صلاة الصبح وانطلقت للمستشفى شافتني لوزان وكالت

: هلاو

:  هلاوات عيناي

:  شلونج حُبب

:  تمام وانتي

:  زينه يلا روحي ابصمي ورانا شغل

: تمام

رحت بصمت ورجعت شافتني ختام وكالت

:  روحي لغرفه المريض (خَيبࢪ)

:  منو خيبر؟؟

:  هاذه الي سويتوله العمليه قبل فتࢪه

:  اها اذكرت بس ليش اࢪوحله

:  يحتاج كانولا

:  تمام

طلعت من غرفه الاستراحه وࢪحت لغرفه المࢪيض خَيبࢪ جذبني اسمه بصراحه المهم گيت الباب ودخلت وكلت

:  سلام علگيم

جاوبني هوه وشخص جان كاعد ويا بس مو نفس الشخص الي شفته اول مࢪه

:  وعليكم السلام

ࢪحت بدون كلام غسلت ايدي وعقمتها لانو هاذه المࢪيض اتوقع مهووس بل نظافه تقدمت وكتله

:  مُمكن تنطيني ايدك

: اي

مد ايده واني مسكتها حطيت الكانولا والمغذي وكلت

:  اسفه اذا أذيتك

:  لا عادي

رجع كال