اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
#يوم_واحد ❤ الحلقه 2 🥀❤ علي ينتظر أمام العنايه وباله مع أبن عمه وصديقه المقرب زيدان أنشغل عليه كثيرا عندما أتصلو به وأخبروه بما حصل نظر للطبيب الذي خرج الآن من العنايه وذهب إليه وبخوف قال : شنو صار معاه طمني يا دكتور لو سمحت رد : بصراحه هو مريض بالقلب في حد من عيله مريض علي بحزن : أها جدي مرض منه بس هو حايتحسن ؟ رد : يدير باله علي صحته ما يهملها وياخد أدويه علي : أنت أكتبهم ليا وأنا حانجيبله كل شي رد : بأذن الله وربي يشفيه ان شاء الله علي : يارب يتحسن ويكون كويس
بعد 18 ساعه /
زيدان أستيقظ وجد نفسه بالمستشفى أغمض عينيه قليلا بتعب بعد وقت جاء الطبيب ليطمئن عليه عندما شعر زيدان بوجوده فتح عينيه : أهلا أمتى نطلع ؟ طبيب : أوو زيدان نضت شنو ليش مستعجل عالطلوع زيدان : مانحبش المستشفيات كنت من زمان خاشلها طبيب : ولد عمك من أمس يراجي فيك وخايف عليك زيدان : ممكن تكلمه نبي نحكي معاه لو سمحت طبيب : حاول ما تتأخر في حديثك معاه وبعد نتأكدو أنك كويس وكل شي تمام حانكتبولك علي خروج تمام زيدان : حاضر وممكن تساعدني نقعد تعبت من النوم أقترب الطبيب من زيدان وساعده عالجلوس وذهب لأبن عمه : صباح الخير وزيدان نايض يراجي فيك أمشيله علي : صباح النور شكرا يا دكتور
ذهب يركض لغرفة صديقه الغالي : الحمدلله عالسلامه زيدان بأبتسامه : خفت عليا يا عليوا علي : طبعا خفت علي صاحبي وولد عمي زيدان أبتسم : باهي في حد علمها من العيله علي : لالا ماحكيتش لحد قتلهم طلعنا لأستراحه زيدان : شكرا مانبيش أمي تنفجع عليا علي : عارف وما تخافش خوك الصغير معاها زيدان : نبي نطلع مانبيش نقعد هنا تعبان علي : حكالك الدكتور شنو سبب دوختك ؟ زيدان : لا ليش شنو عندي خوفتني راه علي : أنت وارث من جدي مرض القلب يا صاحبي زيدان أنصدم : معقوله وأنا نقول ليش قلبي متعبني علي : حافظ علي أدويتك في موعدها وأهتم بصحتك زيدان نظر في النافده وعصر يديه بقبضة يديه 💔
خرجت زينه من الشركه بعد أنتهاء دوام عملها وذهبت للمتجر الأكتروني لكي تأخد جهازها من الموظف لكن رأته مغلق تنهدت وغيرت طريقها إلي المنزل أستقبلتها والدتها بأبتسامه : كيف حالك اليوم يا بنتي زينه : كويسه الحمدلله دوم البسمه الحلوه هذي والدتها : تسلمي يا بنتي وعدي غيري ملابسك وصلى الظهر عشان نحط الغداء أكيده جعانه صح زينه : ميته جوع يلا حانمشي وبعد نكمل أنجيك ذهبت لغرفتها ورأت حسناء تتصفح هاتفها وشارده في عالم تاني أقتربت منها وبهمس مخيف : شنو أديري 🔥 حسناء وضعت يديها علي قلبها : فجعتيني حرام عليك زينه أنفجرت ضاحكه : خوافه بس شنو أديري ومن واخد عقلك من أمس وأنتي تتهربي من الإيجابه أحكيلي حسناء بخوف : لو حكيتلك ماتعصبيش علياا زينه : أحكي وبعدها نقرر إذا نعصب أو لا حسناء : لا خلاص مش حانحكي خايفه منك زينه بعصبيه : تبي تحكي أو نتفاهم معاك
