يوم واحد

الحلقه 7

#يوم_واحد ❤ الحلقه 7 🥀❤

بعد 3 شعور /

* زيدان *

أنا مصبي حداه نور يلي راقده عالسرير ويبو يخشوها لغرفة العمليات بالأيش مقوي روحي ومسكت يدها يلي ترعش : أنا معاك يا نور ما تخافيش مش حانخليك ابدا
نور بدموع : شكرا زيدان وفي أمانه عند الدكتور شوفها
أنا : مش وقتها الأمانه المهم أنتي توا خشي للعمليات وما تخافيش ودعتها وأنا منهار من جوا ومن برا مش عارف شنو ندير يعني ليا 3 شهور خايف يصيرلها شيء وحاليا هي حامل أنا رفضت وجوده لأن يمكن يشكل خطر عليها كنت مسكر راسي علي رفضه وأن مش وقته هالكلام بس هي أصرت علي تمسكها بالجنين ان شاء الله خير وخلاص راجيت 3 ساعات علي نار 🔥 وخوف طلع الدكتور وهو مضايق قرب مني وقال : أنا أسف لكن فعلت المستحيل وجسدها لم يستجيب لشيء هي علي الأجهزه فقط عايشه ومستحيل تفتح عيونها والجنين عايش بداخلها
أنا بصدمه : يعني زوجتي توفت هذا القصد من كلامك
رد : أجل هي عائشه علي الأجهزه أعتذر لك وذهب من أمامي 💔

قعدت نبكي ماعش قدرت نتحمل بعد وقت من أنهياري مدلي الدكتور وصية نور طلعت وقريتها برا وأنا ناخد في نفس وفتحتها ( زيدان حبيبي أنا أسفه لأن حانخليك كنت عارفه من البدايه أن العلاج مش حايدير نتيجه فهمتك لكن كنت عنيد سفرتني وقعدت تعالج فيا أنا فخوره فيك وقلبي عرف من يختار بس نبيك أدير بالك علي روحك وعلي صحتك والدكتور قالي أن أحتمال حانعيش علي الأجهزه وصيته أن ما يقولكش بكل ولكن نبيك تسمع كلمتي وتاخد قلبي أنت مريض القلب خوده وحافظ عليه وما تنساني أبدا ولو الجنين عاش دير بالك عليه وتزوج من البنت يلي تحبها لو كانت عزباء مزالت سامحني وأنا حبيتك من كل قلبي وأنموت فيك مع السلامه وماتزعلش مني ولا من الحياه أرجوك ❤ )

دموعي زادت زياده ماقدرتش نتحمل يلي قريته ويلي صار حسيت بأحساس شين أنا ضعيف ومنهار لكن مع الأسف الجنين لحق أمه ومات لكن أعضائها سليمه ترجا فيا عشان أنوافق وناخد قلبها قعدت نبكي وبس ليش يا نور ليش لكن وصيتها حانديرها عشان خاطرها وبس أما حياتي ماتهمنيش تنهدت وأتفقت مع الدكتور علي موعد العمليه كانت في نهاية الأسبوع من أصعب الأسابيع يلي في حياتي جاه هاليوم ودرتها كنت وحيد مافيش حد جنبي لكن نور نحس فيها جنبي ومعايا وماخلتنيش بكل حسيت روحي حقير لأن أنا يلي نعاني توا وزمان كنت مخلي بنات واجد يعانو بسببي وكذبت عليهم أنا حقير مانستحقش الحياه ليش أنا يلي عايش ونور يلي ماتت أستغفر الله يارب لا أعتراض علي حكمك .... نضت بعد العمليه وأنا كويس وصحتي تمام بس كنت حزين ومضايق لعند ما جاه الدكتور وقال : يا زيدان أنت بخير الأن وصحتك جيده أريد أن أقول لك بأن هناك طفل عائلته حدث معهم حادث توفو ولكن طفلهم عاش وأعضائه مضرره قبل مايكمل كلامه قلت : لا تسألني ساعد المريض بأعضاء نور لأنها سليمه مزالت هز رأسه وأبتسم : شكرا جزيلا لك وذهب من أمامي .....