لا مثيلآ لأمي

مشهد

بسم الله الرحمن الرحيم

لا مثيلآ لأمي ( للكاتبة رفل )

من أرض الواقع

سنة : 1985

ساعة : 5 صباحاً

فضيلة :  فتحت عيني شفت الضوا طالع نايمة بالسطح واخواتي يمي
واسمع صوت امي تكعد بخواتي  فزيت بسرعة وكعدت ها يمة صباح الخير

الأم: صباح النور كعدي خواتج يمة راح الوكت الراعي ينتظر الحلال ..

صار يمة مشيت ندهت اختي الاصغر مني ماكعدت  دفرتها فزت مرعوبة .

رحيمة : وكسر ماتوبين انتي

كومي يلا كومي الراعي ينتظر الحلال وابوية يريد الريوك بسرعة للخطار .

رحيمة : صاار كمت لميت شعري لورا وخليت الربطة لفيتها لورا  نزلت ورا فضيلة للحوش غسلنا بسرعة وركضنة لحوش الحلال شفت امي كدامي جاي تحلب لتفيت ماعرف من وين ابلش فوك ال 200 طلي ساعدت امي بالحليب وخليتلهم علف باوعت فضيلة ماكو مامبينة اكيد انهزمت حته لاتجي تساعدني بسيطة  وين تروحين مني ..

كملت وطلعت اشوف فضيلة وين

اخذت سطلين حليب ورحت للبيت اباوع هاي وين اختفت

لهناك واشوفها يم تنور الطين تخبز وي اختي الجبيرة صفنت عليها شلون تجيب الكرصة وتخليها بالتنور بايدها والبنات كلها تباوع عليها وتتعلم منها
ابتسمت وفرغت الحليب ودخلت احظر الريوك للخطار وصحت جميلة تجي تصيح للولد ياخذون الاكل  ماردت عرفت هيي بالسطح تلم الفراش..

جميلة  :  كاشخة وواكفة بالسطح بحجة الم الفراش
وعيني بالشارع وينة تأخر ليش ما اجا فززني صوت رحيمة وعمه كون صرت اشيل الفراش بسرعة خفت لا اخوتي ينتبهون دنكت اخذت  الحصيرة ورفعت راسي شفته فات من شارعنا للمدرسة ويأشر بأيده ويبتسم  بسرعة عدلت وكفتي وگلبي صارت دكاتة الف ضليت اباوعلة  حسيت بشعري نشلع ونسسحبت صرخت قوي اخخخ شعري باوعت فضيلة وراي

دفعتها هدي شعري وخري 

فضيلة : وكعتي بأيدي امشي كدامي ..

هلو حبايبي رجعتلكم بقصة جديدة

متابعة وتصويت  اذا عجبتكم علقو حته انزلها .