رواية احببت رجل أربعيني

البارت الحادي عشر

محدش ينسي يعمل Vote⭐
❄️❄️❄️❄️❄️❄️❄️❄️❄️❄️
رواية احببت رجل اربعيني
❄️❄️❄️❄️❄️❄️❄️❄️❄️❄️
وقفنا المرة اللي فاتت لم جمال كان مع شهيرة في البيت
شهيرة:انا السبب يا جمال انا السبب
جمال:انتي السبب ازاي يعني يا شهيرة
شهيرة:لم سبته هو محتاجني لم كنت عايشة و هو عايزني جنبه خليت ابني يتيم رغم اني عايشة بس هو دلوقتي بيكرهني و علشان كده بيحاول ياذي اي حد قريب مني زي ما اذاك اذي خاله هياذي اي حد تاني يمكن ياذي بنتك شخصيا يا جمال خالي بالك.من نوران بنتك
جمال و هو بيقعد شهيرة وبيقول:اهدي يا شهيرة انتي ملكيش ذنب في اي حاجة حصلت ل حازم ابنك كل ذنبك بس اني معرفتيش تواجهي و هربتي من اول مواجهة لو كنتي واجهتي خيري جوزك بالحقيقة كان يمكن يقف جنبك و يحميكي بس نقول اي اللي حصل
شهيرة بدموع:اواجه اواجه مين خيري خيري صعب اني اواجه صعب اني اعرفه اي حاجة يا جمال خيري لو كان عرف كان قتلني بس اعمل اي كان هيلاقيني انا و حازم و مش بعيد كان قتلني و مكنتش هتعرف عني حاجة يا جمال بس انا قررت اهرب و اسيب حازم انا ظلمته بس مكنش بايدي اي حاجة
جمال و هو بيمسح دموع شهيرة وبيقول:لازم حازم يعرف انك.عايشة يا شهيرة علشان يسامحك لم يعرف انك مشيتي علشان تحميه
شهيرة:لا لا اوعي يا جمال حازم يعرف اني عايشة حازم لو عرف كل اللي بنيته في السنين اللي فاتت هينهدي و خصوصا لم يعرف اي سبب هروبي زمان
جمال:السبب وراء هروبك مات خلاص يا شهيرة خير ماتت و انتهي
شهيرة:خير مات بس خيري لسا عايش و متنساش ان خيري اخوه خير و خير كان السبب في كل حاجة حصلت و كانت هتحصل لولا هروبي هو اللي خلاه مش يقتل خيري لم هربت و خير بعتلي و قالي اني عملت الصح لم هربت و سبت خيري يعتقد اني خنته و اني مت كل ده خير كان السبب فيه و لو كنت فضلت مع خيري كان قتله و قتل حازم ابني كمان
جمال:بس خيري لو عرف انك السبب في موت خير مش هيسيبك
شهيرة:من اول مرة هددني فيها خير و انا معايا كل التسجيلات و كل الادلة اللي تدين خير
جمال:و فين الادلة دي يا شهيرة
شهيرة:سبتهم في الفيلا في تركيا
جمال:تمام يا شهيرة
شهيرة:هتتغدي معايا اكيد
جمال:مينف
شهيرة:متكملش خليك معايا يا جمال انا لوحدي دايما ارجوك
جمال:خلاص يا روحي هقعد.معاكي لو نوران كلمتني هقولها اني عندي اجتماع خارج الشركة تمام
شهيرة:اوك تحب تتغدي اي بقا
جمال:اسباجتي و بانيه
شهيرة بضحكة:ههههههههههه تصدق بالله
جمال:لا اله الا الله يا حبيبتي
شهيرة:اني مجهزة البانية و فاضل الاسباجتي بس شوفت بقا اني عارفة دماغك ياخويا 
جمال:طبعا عارفة دماغي مش اخوات
شهيرة:عمتنا لسا بدري علي الغداء تحب تستريح شوية
جمال:تمام
و قام جمال و دخل غرفة من الغرف ينام شوية
و كانت شهيرة بتبص علي صور ابنها من صغره لغيت لم.كبر
❄️❄️❄️❄️❄️❄️❄️❄️❄️❄️
في تركيا
في الغابة في الكوخ المهجور
صحيت ليزجي بس مكنش يغيت موجود
ليزجي بخوف:يغيت يغيت انت فين
و قامت و خرجت برة الكوخ
ليزجي بصراخ:يغيت يغيت انت فين يا يغيت
و كانت بتتمشي
ليزجي:يغيت انت فين يا يغيت
و كانت خايفة و لكن لقت حد بيشدها
ليزجي صرخت
يغيت:اهدي اهدي انا يغيت
ليزجي حضنت يغيت و قالت بدموع:كنت فين ازاي تسبني لوحدي كده
يغيت:اهدي اهدي بس انا اسف انا كنت بشوف اي فاكهة تتاكل علشان مش لقيت اكل في الكوخ علشان طبعا هو مهجور و بعدين لي الدموع دي كنتي مفكراني مشيت و سبتك ازاي يعني اسيبك و انا السبب في اللي حصلك
طلعت ليزجي من حضنه وقالت:طب رجعني الكوخ
يغيت:يلا نرجع
ليزجي بتعب:لا شلني
يغيت:بجد اشيلك
ليزجي:امممم شلني علشان انا تعبانة
يغيت شال ليزجي وقال:تمام اشيلك و اشيلك علي راسي كمان و في عيوني
ليزجي:اوك شكرا
يغيت:العفو
و دخلو الكوخ مرة اخري و حط يغيت ليزجي علي الكنبة
و قعد جنبها وقال:علي فكرة يا ليزجي لو حبتيني زي ماانا حبيتك هيبقا احسن حاجة حصلتلي في حياتي انا عمري ما كنت اتصور اني اقع بالحب بالسرعة دي
ليزجي:ان شاء الله يغيت ان شاء الله
و نسيبهم بقا مع بعض و نروح
❄️❄️❄️❄️❄️❄️❄️❄️❄️❄️❄️
و في قصر كنان مانياسلي
كان كنان نام علي الكرسي مكانه فتح عيونه و بص في الساعة و كانت الساعة 11
و بص جنبه كانت اصلي نايمة
قام و طلع فوق
و اقترب ل باب جناح ليزجي بنته و خبط عليه
كنان:ليزجي حبيبتي انتي لسا نايمة
بس مافيش رد
كنان فتح الباب و ملقاش ليزجي
قفل الباب و نزل تحت
كنان:اصلي اصلي
صحيت اصلي وقالت:ايوة يا كنان في اي يا حبيبي
كنان:ليزجي لسا مرجعتش يا اصلي مرجعتش انا خايف ل تكون انخطفت
اصلي:اي بس الكلام ده مين هيخطفها يا حبيبي تلقيها بس زي ما قولتلك امبارح
خرج كنان و ركب عربيته و اتحرك يدور علي ليزجي
اصلي:كنان كنان رايح فين
بس كنان كان مشي خلاص
اصلي:اوف ياه مش هعرف اتخلص من ليزجي دي زي ما تخلصت من سوزان بس هيجيلي يوم و اتخلص منها زي سوزان بظبط
(انا كنت حاسة انك شريرة مش طيبة و انك السبب في كل اللي حصل في سوزان)
❄️❄️❄️❄️❄️❄️❄️❄️❄️❄️❄️
مصر
في مستشفي خاص بتشتغل فيها هانا دكتورة علاج طبيعي
و كانت هانا في الوقت ده في مكتبها
و الباب خبط
هانا:ادخل
اتفتح الباب و دخل زاك بس هانا مكنتش مركزة مين اللي دخل و كانت بتابع ملف مريض عندها
قعد زاك وقال:ازيك يا هانا وحشتيني
هانا بصت بصدمة لزاك وقالت:زاك انت رجعت مصر
زاك:وحشتيني
هانا:انت ليك عين توريني وشك ده
زاك:هانا انا عارف اني جرحتك بس والله ما كان بايدي اللي حصل
هانا قامت من مكانها و قربت ل زاك وقف زاك وقالها:هانا
هانا و هي بتشاور علي باب المكتب وبتقول:اتفضل برة يا زاك باحترامك علشان لو نديت الامن هيرموك رمية الكلاب
مسك زاك ايد هانا وكان بيبوس بطن ايديها بس وقف لم لمح جرح علي ايد هانا و تفاجئ ان نفس الجرح في ايديها التانية وقال:هانا انتي انتحرتي
هانا و هي بتشد ايديها وبتقول:اه طبعا انتحرت لم الشخص الوحيد اللي حبيته و كمان سلمتله نفسي يعني شرف و عرض والدي علي اساس اننا خلاص هنتجوز افاجئ انه مجاش و انه بعتلي رسالة بيعتذر فيها عن عدم الحضور عايزني وقتها اعمل اي مكنش في سبب واحد يخليني اعيش و خصوصا ان لو بابا عرف وقتها كنت هقع من نظره اكتر ماانا واقعة من نظر نفسي لي يا زاك عملت كده فيا انا حبيتك و سبت نفسي ليك رغم اننا مكناش اتجوزنا و بسببك كنت هموت مرتين مرة لم انتحرت و المرة التانية لم كنت شايلة جوايا حته منك
زاك بصدمة:كنتي حامل يا هانا
هانا بدموع:اه كنت حامل و موته بايدي دي موته هو لسا مشافش الدنيا و لا عرف مين والده لانه لو كان اتولد كان هيبقا ابن حرام في نظر الكل
زاك و هو بيمسكها من دراعتها بقوة:انتي ازاي تعملي حاجة زي ده تموتي روح ملهاش اي ذنب
هانا بصراخ:ذنبها انها منك انت ذنبها انها من شخص ندل زيك شخص ساب اللي حبته و سبتله نفسها و رغم ده مش قدرها و سابها و مشي كنت عايزني اعمل اي اسيبه يكبر في بطني و اسيب بطني تكبر و الناس تعرف و ابقي جبت العار ل عائلة الغانم
زقته وقالت:لا فوق يا زاك بيه اللي عملته ده كانت غلطة و خصوصا اني كنت كبيرة وقتها و عارفة الصح من الغلط و لم سبت نفسي ليك ده كان غلط و غلط كبير كمان لاني عارفة انه مينفعش يبقا بنا حاجة زي دي قبل الجواز بس رغم ده عملت معاك كده
زاك:انتي مش بني ادمه يا هانا انا عرفتك سبب رجوعي ل سنغافورة
هانا بسخرية:انا مش بني ادمه صح امال انت اي انت موتني مرتين مرة لم سبتني و مشيت و مرة التانية لم كنت حامل منك و سقطه يعني انا موت مرتين علي ايديك يا زاك فاهم يعني اي موت مرتين يعني مش فارقة معايا
انت رجعت لي ها رجعت لي فكرني اول لم اشوفك هاخدك بالحضن و اقولك يلا تعالي اتجوزني لا فوق كده و اعرف اني اللي قدامك مش هانا بتاعة زمان الضعيفة اللي كانت بتحبك لا اللي قدامك دي بقت بتكرهك اكتر من ما كانت بتحبك امشي يا زاك امشي علشان انا بجد مش طايقة اشوف وشك ده
زاك:هانا اسمعيني
هانا بصراخ:اخرج برة حالا اخرج
خرج زاك و قعدت هانا تعيط
اما في الخارج مسك زاك تلفونه و رن علي سالي صديقة هانا
زاك:سالي انتي فين
سالي:انا في الشركة يا زاك لي في حاجة
زاك:هعدي عليكي عايزيك في موضوع
سالي:تمام عدي عليا انا مستنياك
زاك:تمام
وقفلو مع بعض
❄️❄️❄️❄️❄️❄️❄️❄️❄️❄️❄️
و في الجامعة عند نور
كانو خلصو اول محاضرة
و نزلو تحت
نور:انا جعانة مفطرتش
نوران:و مين سمعك يا نوري كنت نايمة و لقيت حمزة بيرن عليا و جيت من غير ما افطر
حمزة:عو يعني انا اللي فطرت ماانا زيكو مفطرتش
نور:خلاص انا عزماكو علي احلي فطار في احلي مطعم 
حمزة:ازاي تقولي كده و انا معاكو
نور:خلاص يا عم حمزة انت اللي هتعزمنا اي رايك
حمزة:اشطا لسا فاضل ساعتين و نص علي المحاضرة الجاية ف تعالو اخدكو في عربيتي نروح نفطر و بعد كده نرجع للمحاضرة اشطا
نور و نوران:اشطا
و خرجو من البوابة و ركب حمزة و جنبه نوران و في الخلف نور و اتحرك حمزة علي مطعم علشان يفطرو
❄️❄️❄️❄️❄️❄️❄️❄️❄️❄️
في مكان اخر
و عند شركة كبيرة جدااا وقف زاك بعربيته و دخل
زاك:لوسمحت مكتب البشمهندسة سالي فين
الامن:في الدور الخامس و الاسانسير في اخر الممر يا فندم
زاك:شكرا
الامن:العفو
و مشي زاك لاخر الممر و ركب الاسانسير و ضغط علي زر الدور الخامس
و بعد ثواني وصل للدور الخامس و خرج
زاك:لوسمحتي فين مكتب البشمهندسة سالي
السكرتيرة:في اخر الممر يا فندم
زاك:شكرا
السكرتيرة:العفو
و مشي زاك لاخر الممر
و هنا لاقي مكتب سالي
خبط
سالي من الداخل:ادخل
دخل زاك
سالي:اهلا يا زاك عاش من شافك
و قامت سلمت عليه
زاك:اهلا بيكي يا سالي وحشاني والله
سالي:وانت كمان هاري ازيه صحيح
زاك:معرفش عنه حاجة اصله ساب سنغافورة و راح كوريا
سالي:بجد كويس انا مسافرة كوريا اجازة الشهر الجاي هشوفه هناك بقا
زاك:ان شاء الله انا جتلك بعد ما روحت ل هانا و عرفت منها كل حاجة
سالي:عرفت اي يا زاك
زاك:عرفت اني السبب في انها تنتحر و عرفت انها كانت حامل مني و سقطت البيبي لي مش عرفتيني من وقتها يا سالي
سالي و هي تخلع نظارتها الطبية و تقول:بص يا زاك انت صحبي و هانا صحبتي و اختي بس اني اعرفك حاجة هانا حذرتنا اننا منعرفكش اكيد مش هعرفك لاني لو وقتها عرفتك كانت عرفت اني قولتلك
قامت سالي و قعدت في وش زاك و مسكت ايديه وقالت:بص يا زاك انا مقدرش اقولك انك صح لم وقتها مشيت و سبت هانا لوحدها و بعدها تكتشف انها حامل
هانا في الوقت ده كانت مدمرة مبقتش هانا بتاعة زمان يا زاك انت جرحتها جداااا و خصوصا بعد ما والدها كان بيلومهم علي اختيارها ليك امال لو كان عرفت انها حامل منك كان اكيد قتلها زاك انت وجودك دلوقتي ملخبطها اكيد هي اكيد بتحاول تبين كرهها ليك بس هي بالعكس بتحبك بس يا زاك اللي انت عملته ده مكنش صح
زاك:عارف يا سالي انه مكنش صح بس اعمل اي مكنش بايدي اي حاجة انا قجاة لقيت اخويا في وشي و اخدني علي الطيارة بحجة ان بابا تعبان تعب خطير
سالي:زاك ده مش مبرر علي فكرة
زاك:عارف والله انه مش مبرر بس اعمل اي مش بايدي
سالي:خلاص يا زاك سيبها دلوقتي بس فترة كده و بعدها انا و دينا هنتكلم معاها و كمان هدخل نرمين اختها الكبيرة يمكن هي تقنعها ترجعلك بس انكل سيد اول واحد لازم تتكلم معاه قبل لم احنا نتكلم مع هانا تمام يا زاك
زاك:انا هروح لي بنفسي و اتكلم معاه و ان شاء الله اعرفه
انا لي عملت كده
سالي:تمام يا زاك
زاك:انا همشي بقا تمام
سالي:بس انت لسا مشربتش حاجة
زاك:هنشري بعض كده كتير متقلقيش انا همشي بقا
و قام و خرج
و مشي في الممر و ركب الاسانسير
و بعد ثواني كان زاك ركب عربيته و اتحرك علي شركته
❄️❄️❄️❄️❄️❄️❄️❄️❄️
و في مطعم
كان نور و نوران و حمزة بيفطرو
حمزة:انا قررت اخطب نوران و بعد التخرج نتجوز اي رايك يا نونتي
نوران:بجد يا حمزة خلاص هاخد من بابي معاد نقراء فيه الفاتحة و بعد مانخلص الفاينال نعمل حفلة خطوبة
نور:فكرة حلوة والله اعملو كده
حمزة:خلاص انا انهاردة هفاتح ماما في موضوع قراءة الفاتحة و هديكي الاوك علشان تقولي ل عمي علي الموضوع ده تمام
نوران بابتسامة:تمام جدااا
و لكن فجاة تذكرت نوران حاجة
فلاش باك
في الماضي
حازم و هو ممسك بايد نوران و بيبوسها
نوران بخدود حمراء شدت ايديها
حازم:مكسوفة لي يا حبيبتي احنا صحيح صغيرين
بس انا مقرر افاتح ماما و خالو في موضوع خطوبتنا
نوران بضحكة:هههههههه حازم تحنا لسا صغار
حازم:انا مش صغير انا اكبر منك و انا بحبك يا نوران
نوران:وانا كمان بحبك بس لسا بدري علي كلام ده
انا لسا عايزة اشوف مستقبلي اه صحيح انا لسا صغيرة
بس انا بحلم اكون مهندسة مش انت عايز تبقي مهندس انت كمان
حازم:اه عايز ابقي مهندس
نوران:خلاص انا كمان عايزة ابقي مهندسة زيك
قبلها حازم علي خدها وقال:بحبك اوووووي
نوران و هي بتحاوط وشه و بتقول:وانا بحبك اووووي انت اول حاجة شافتها عنيا يا حازم
حازم:و انتي نور عيني يا حبيبتي
و لكن فجاة قاقت نوران من ذكريتها علي صوت حمزة
حمزة:نوران انتي رحتي فين
نوران:ها مافيش يا حبيبي معاك اهو
هنا رن فون حمزة و كانت رحمة بنت خاله
حمزة قان وقال:عندي مكالمة مهمة هخلصها و اجيلكو تاني
و خرج حمزة
نور:نوران انتي سرحتي فجاة لي
نوران:معرفش فجاة افتكرت حازم ابن عمتي معرفش اي اللي جابه في ذكرياتي فجاة
نور:افتكرتي اي
نوران:حازم زمان كان بيحبني و كان عايز يتكلم مع بابا اننا نتخطب و احنا صغار بس انا رفضت علشان ده كان هزار احنا كنا صغيرين وقتها نور بس برضو لي افتكر حوار زي ده
نور:عادي يا روحي بتحصل كده كده حازم ده مش موجود في مصر ده تلقيه ناسي حياته القديمة
نوران:يمكن عندك حق صح بقالنا كتير بعاد عن بعض
نور:نوران انتي بتحبي حمزة فعلا
نوران بحزن:معرفش معرفش يا نور هل فعلا بحبه و لا مش بحبه هل انا اخدت قرار صح لم قولت تمام حمزة يجي يخطبني و لا لا هل انا بحب حازم لسا زي زمان و لا لا هل انا كده بخدع حمزة نور
نور:لا يا روحي مش بتخدعيه انتي بس بتوهمي نفسك بعدم حبك ل حمزة بس انتي بتحبيه و خلاص بقا حازم ده ماضي و حمزة الحاضر و المستقبل فاهمني نوران حمزة هو حاضرك و مستقبلك و حازم ده ماضيكي يعني حازم راح مع الماضي اوك
نوران:اوك
في الخارج
حمزة:خلاص يا رحمة انا مسافة السكة و اكون عندكو متقلقيش تمام
رحمة:اوك يا زومة شكرا باي
حمزة:باي يا حبيبتي
وقفل حمزة مع رحمة و دخل المطعم.تاني
حمزة يعطي مال ل نور و يقول:نور انا مضطر امشي و مش هرجع ل الجامعة و ياريت المحاضرات الباقية تعرفوني بيها علشان ماما عايزاني انا اسف
نور:تمام يا زوما
نوران:تمام يا حبيبي
قبل حمزة راس نوران و مشي
نور:تحبس نمشي
نوران:لا خلينا شوية
نور:اوك
و نسيبهم شوية و نروح
❄️❄️❄️❄️❄️❄️❄️❄️❄️❄️❄️
في لندن
في قصر خيري المنشاوي
في الجناح الخاص ب حازم المنشاوي
كان حازم جالس و ممسك بايديه صورة كانت تجمعة ب نوران بنت خاله و فتح الدرج اللي جنبه و طلع قلبة قطيفة باللون النبيتي و فتحها و طلع السلسلة اللي فيها و كانت علي شكل نجمة فيها فصوص الماس و كانت سلسلة رقيقة جداااا
و تذكر كللم بينه و بين نوران في الماضي
فلاش باك
نوران:حازم انا عايزة منك حاجة مش لاقيه هنا
حازم:انتي اطلبي بس و تلقيها بقت قدامك اي هي يا روحي
نوران:عايزة سلسلة فيها نجمة بفصوص عجبتني اووووي في رقبة ممثلة في فيلم بدور عليها مش لاقتها هنا
حازم:خلاص انا مسافر لندن و لم القيها هجبهالك تمام
نوران:تمام ميرسي ليك يا زوما
حازم و يشاور علي خده
نوران:اي بتشاور علي خدك لي
حازم:بوسة هنا
نوران:حازم لا يا حازم بوس لا
حازم:يلا بوسة واحدة صغيرة يا نونو
نوران:اوك حاضر
و قربت نوران و طبعت قبلة علي خد حازم
نوران:ها ارتحت
حازم:اه ارتحت كده مش كفاية انك.مش عايزة تسافري معايا لندن يا نوران
نوران:اسافر فين يا حازم و اسيب بابا لوحده ماانت عارف ان بابا ملهوش حد بعد ماما غيري انت هترجع انا واثقة من ده هترجع صح اوعدني انك.هترجع مصر تاني
حازم و هو يقبل بطن كف نوران ويقول:هرجع يا روحي هرجع انا بحبك
نوران:بموت فيك
و فاق من الذكريات و كان ماسك السلسلة و قفل قبضة ايديه عليها و نزلت دموعه
و لكن فجاة تذكر والدته و تحولت عيونه من الحزن الي الغضب و هو يصرخ و يقول:انا بكرهك بكرهك
سبتيني لي دمرتي حياتي
و هنا دخل خيري والده وقال:.....
استوب نكمل البارت الجاي
الي اللقاء في البارت القادم
By:Nouran Ahmed