#عشقت_نقابها
البارت الرابع
فجأة حسيت بدوار ولكن مقدرتش امشي أتساندت على الباب بس اتفزعت لما لقيته بيقول بصوت حاد عالي
_انتي لسه واقفه عندك
اتفزعت ولقيت نفسي مش بعيط زي كل مره وقولت بقوه
_ خارجه يعني أنا قاعده في الجنه مثلاً
ومحدش ليه فرصه وخرجت بسرعه وانا بضغط على نفسي علشان اخرج من عند الوحش ده وخرجت الحمدلله بس اتفاجئت بيها بره وقولت
_ ايه ده مش انتي قولتي انك نازله
قالت ببرود صاعقي
_وانتي مالك
بصتلها بأحتقار و روحت جبت مطهر جروح وطهرت جرح رجلي ولقيتها ونمت
صحيت تاني يوم على صوت زعيق عالي اوي اتفزعت وجريت عليهم اشوف في ايه
لقيته كان ماسك أيدها جامد جدا لدرجة أنها كانت هتتكسر جريت عليه وقولت
_اهدى يا ليث مش كده
اتكلم بعصبيه
_ابعدي يا روايه احسنلك
قولت بأصرار وتحدي
_ مش هبعد غير لما تسيبها ده انت هتكسر أيدها
قال وهو متعصب
_ ررروووققيييه ققووللتت ااببععددي
قولت بعند
_ وانا قولت مش هبعد غير لما تسيبها
قالت دارين بسخريه وضحكه استهزاء
_ ههههههههه لأ براڤو بجد احسن ممثله في مصر
انا اتصدمت وقولت
_انتي بتقولي ايه
قالت بغل
_ بقولك ايه يا شاطره انا مبيضحكش عليا
انا مفهمتش حاجه وقولت بأستغراب
_ انتي قصدك ايه
قالت بسخريه
_ هو انتي فكراني مش عارفه انك عايزه توقعي بيني وبين ليث وضحكة بسخرية وقتلت
_هه تبقي غلطانه العبي غيرها
انا اتصدمت من تفكيرها وقولت
_ تصدقي اني غلطانه اني بدافع عنك اقولك يكش تولعوا في بعض
ومدتش لحد فرصه وخرجت وانا سامعه زعيقهم
بعد نص ساعه زعيق سمعت كلمة مقدرتش انساها
_ مش انتي اللي قولتيلي اتجوزها علشان فلوس ابوها جايه دلوقتي وانا ادبست وتقولي انت السبب
قالت بغل
_ لأااا بقولك ااييه امال ملييشش داعوه انت اللي خطط
قال بعصبيه
_ نننععم ياا ررووحي انا مخطتش لحاجه انتي اللي دبستيني في الجوله الزفت دي
اما مستحملتش اسمع الباقي لقيت نفسي برا البيت بعد ما لبست نقابي وانا مش في واعي اصلا نزلت على السلم وانا مش دريانه بحاجه خالص كائني في عالم تاني فضلت ماشيه وشريط واحد بس بيدور في دماغي كنت بفتكر كل حاجه حصلت معايا من ساعت رفضي للجواز وغصب ماما وبابا عليا اني اتجوزه بس خلاص يعني هعمل ايه كان نفسي اروح
لهم احرق قلبهم واقولهم على اللي سمعته زي ما هما السبب في حرقة قلبي للمره التانيه كان نفسي حد يحس باللي جوايا كان نفسي احكي لحد بس هحكي لمين وانا حتى أهلي رافضين وجودي بينهم فضلت ماشيه بلا مهدى وبلا تحديد مكان لحد ما وصلت لمكان فاضي خالص بيطل على النيل
_____________________________
اللهم إنك عفو كريم تحب العفو فاعف عني ، اللهم ادخلنا جناتك بدون سابق عذاب ، اللهم اسكنا الفردوس الاعلى ، اللهم احفظنا من كل شر ، اللهم يا مقلب القلوب ثبت قلبي على دينك ، اللهم صل وسلم وبارك على سيدنا محمد وعلى اله وصحبه وسلم تسليما كثيرا عدد خلقك ورضا نفسك وزنة عرشك ومداد كلماتك
________________________________________
