كعدت من النوم واني مرعووبة وخايفة وحلكي ناششف واباوع واني مصدومه شصاير؟؟
ناس هواي ببيتنا ،
ناس تصرخ
ناس تبجي وتلطم..
كمت من فراشي اباوعلهم واني خايفة واريد اعرف شنو اكو كلت اروح اشوف ماما وين واسئلها
كمت اصيح..
ماامااا ماما وينج ..ورحت ادور عليها بلبيت ماهية
ماما وين ؟؟
باوعتلهم يبجون سألتهم.
نهى: خالة ماما . ماماا وين؟
جان تزيد بلبجي وكالت: وينج يثرية تعاي لجهالج
ولج ليش يتمتيهم وهمه بعدهم صغارر ليشش ولج وين راح يرحون من بعدج ... ضلت تدك وتلطم وتصيح..
استغربت هاي شبيها شداتحجي!! خلي اشوف خواتي احسن رحت ادور عليهن
لكيت بنين الي هية اختي الجبيرة...
نهى: بنين عفية شنو صاير ليش النسوان ديبجن ويصيحهن شبيهن؟
بنين:م.مابيهن شي حبيبتي
نهى:لعد ليش يبجن وماما وين اريد ماما
بنين: ماما طلعت هسة تجي تعالي خلي نروح ناكل..
راحت بنين دقايق واجتي جايبة ماعون بي تمن ومرك بديت اكل بي جان يدخل بابا
عفت الماعون وكمت لبابا حتة احضنه رحتله وجان وجهه تعبان كلش حضني شوية وراح عني استغربت ليش وخر
رجعت كملت اكلي وراها كعدت انتضر ماما اتاخرت
كمت ابجي واصيح اريد ماما جان تجي مرة مبين عمرها بلتلاثين خزرتني حيل وكالت
ماريد اسمعلج اي صوت ترا انتي موصغيرة عمرج 7 سنين وتبجين ع امج
نهى : بسس بسس ماما ويينن اريدها
جان تعيط بية وهية ترفع اصبعهه وتاشر بمعنى اسكتي
كالت: اشش كلتلج ماريد اي صوت من اليوم ورايح ماعندج امم ماعندج امج عافتج وراحت
ضليت ابجي ليش عافتني ماما.....
صار الليل من البجي غفيت للصبح كعدت ونفس الهوسة والناس تزيد متقل
جنت بوقتها اني طفلة بس جنت افتهم شنو يعني موت ماما كالت الي مرة ...
نهى : ماما صديقتي كالت ماتت خالتي وهية مريضة جانت .يعني يعني شنو ماتت
ثرية : الموت يابنتي يعني الله سبحانه وتعالى ياخذهم يمه
نهى: ليش ياخذهم
ثرية: لانهو يماما احنه كلنه امانه عند الله كلمن واله يوم الله ياخذ روحه بيه....
تذكرت كلام ماما شلون جانت تعلمني..مرت الايام وجانن يوم اسوء من يوم جنت حييل متعلقة بماما
فجأة عافتني وحدي ..بابا هملنه كلش هواي وصرنا احنه لنفسنا بس
خالتي زهرة ضلت يمنه وماعافتنا ابد صارت بدال ماما بس اكيد متاخذ معزتها بس احنا حيل نحبها
هية زينه ويانه كلش ..
بيوم جنا نلعب اني وبنين ورقية وعباس
ونسوي خيمه ..كملناها واحنه فرحانين صار شكلها حلو وحبيناها طلعت فرحانه
رحت اشوف خالة زهرة وينها حتة تجي تشوف الخيمه السويناها
وجان اسمع بابا وخالة زهرة يحجون بهدوء وكفت اسمع من الباب..
محمد : زهرة ماكو غير حل خلي نتزوج واني وياج نعتني بيهم ترة تعرفيني ما اكدر وحدي واني عندي
شغل مويمهم والمرحومه راحت ماكدر اجيب غريبة
وتطلع موزينه وياهم
ع الاقل انتي خالتهم منهم وبيهم وهم يحبوج
نهى : فتحت عيني مصدومه......
طبعا لهنا ينتهي بارت الاول دمتم في امان الله💗💗
